India vs Sri Lanka Test Squad : ભારત-શ્રીલંકા ટેસ્ટ સિરીઝ માટે ટીમ જાહેર, જાડેજા-રાહુલ પર ભરોસો; 33 વર્ષીય મિરેકલ સ્પિનરની ટીમમાં સરપ્રાઈઝ એન્ટ્રી

શ્રીલંકા સામે 15 ઓગસ્ટથી શરૂ થઈ રહેલી બે ટેસ્ટ મેચોની મહત્વપૂર્ણ સીરીઝ માટે ભારતીય ક્રિકેટ કંટ્રોલ બોર્ડ (BCCI) દ્વારા 15 સભ્યોની ભારતીય ટીમની જાહેરાત કરવામાં આવી છે. આ પસંદગીમાં સૌથી મોટો ચમત્કાર 33 વર્ષીય ઓફ-સ્પિન ઓલરાઉન્ડર સારાંશ જૈનના સરપ્રાઈઝ સિલેક્શન પર રહ્યો છે.

ડોમેસ્ટિક ક્રિકેટ અને ઇન્ડિયા-એ તરફથી સતત શાનદાર પ્રદર્શન કરનાર મધ્ય પ્રદેશના આ ખેલાડીને આખરે રાષ્ટ્રીય ટીમનું કૉલ-અપ મળ્યું છે. શુભમન ગિલની આગેવાની હેઠળની આ ટીમમાં અનુભવી ઓલરાઉન્ડર રવીન્દ્ર જાડેજાની વાપસી થઈ છે, જ્યારે કે.એલ. રાહુલને વાઈસ કેપ્ટનની જવાબદારી સોંપવામાં આવી છે.

54 ફર્સ્ટ ક્લાસ મેચોમાં પરસેવો પાડ્યા બાદ મળ્યું ઈનામ
વોશિંગ્ટન સુંદર હેમસ્ટ્રિંગની ઈજાના કારણે પ્રથમ ટેસ્ટમાંથી બહાર થતાં પસંદગીકારોએ સારાંશ જૈન પર ભરોસો મૂક્યો છે. તાજેતરમાં શ્રીલંકા-એ સામેની ચાર દિવસીય મેચમાં સારાંશે અણનમ 70 રન બનાવવાની સાથે 6 વિકેટ ઝડપીને જીતમાં મહત્વની ભૂમિકા ભજવી હતી.

Also Read

Gujarat Athletes Doping News : ગુજરાતના રમતવીરો નશાના રવાડે? રમતગમત મંત્રાલયના ખુલાસાથી ખળભળાટ

• ફર્સ્ટ ક્લાસ ટ્રેક રેકોર્ડ: 54 મેચોમાં 31.75ની એવરેજથી 2,223 રન અને 27.30ની એવરેજથી 188 વિકેટ.
• કેમ મળ્યો મોકો? શ્રીલંકન ટીમમાં ડાબોડી બેટરોની સંખ્યા વધુ હોવાથી ઓફ-સ્પિનર તરીકે સારાંશ જૈન કેપ્ટન ગિલ માટે મુખ્ય શસ્ત્ર સાબિત થઈ શકે છે.

બુમરાહ અને સાઈ સુદર્શનના રમવા પર પ્રશ્નાર્થ
ટીમમાં ફાસ્ટ બોલિંગની કમાન જસપ્રીત બુમરાહ, મોહમ્મદ સિરાજ અને પ્રસિદ્ધ કૃષ્ણાના હાથમાં રહેશે. જોકે, બુમરાહ અને સાઈ સુદર્શનનું રમવું BCCI સેન્ટર ઓફ એક્સેલન્સ (COE) તરફથી મળનારા ફિટનેસ ક્લિયરન્સ પર નિર્ભર રહેશે. બીજી તરફ, યુવા પેસર ગુરનૂર બ્રાર પણ ડેબ્યૂની રેસમાં બરાબરના દાવેદાર છે.

Also Read

Akshay Kumar : “મારી સાસુ ક્યારેય ખોટું નથી બોલતી…”, લંડનથી પાછા ફરતા જ એરપોર્ટ પર દીકરી નિતારા સાથે અક્ષય કુમારે કરી મસ્તી

બેટિંગ અને સ્પિન આક્રમણની સંપૂર્ણ રૂપરેખા

• ઓપનિંગ અને મિડલ ઓર્ડર: કેએલ રાહુલ અને યશસ્વી જયસ્વાલ ઓપનિંગ કરશે, જ્યારે કેપ્ટન શુભમન ગિલ નંબર-4 પર બેટિંગ કરશે. મિડલ ઓર્ડરમાં દેવદત્ત પડિક્કલ પણ સામેલ છે.
• વિકેટકીપિંગ: રિષભ પંત મુખ્ય વિકેટકીપર રહેશે અને ધ્રુવ જુરેલ બેકઅપ વિકેટકીપર તરીકે જોડાશે.
• સ્પિન બોલર્સ: રવીન્દ્ર જાડેજા, કુલદીપ યાદવ, માનવ સુથાર અને સારાંશ જૈન.

સિરીઝ શિડ્યુલ અને WTCના સમીકરણો
વિશ્વ ટેસ્ટ ચેમ્પિયનશિપ (WTC)ની આ સાયકલમાં ભારતની આ પ્રથમ વિદેશી ટેસ્ટ સીરીઝ છે. હાલમાં WTC પોઈન્ટ્સ ટેબલમાં ભારત 5મા અને શ્રીલંકા 6ઠ્ઠા ક્રમે છે.

શ્રીલંકા પ્રવાસ માટે 15 સભ્યોની ભારતીય સ્કવોડ:
શુભમન ગિલ (કેપ્ટન), કેએલ રાહુલ (વાઈસ કેપ્ટન), યશસ્વી જયસ્વાલ, રિષભ પંત (વિકેટકીપર), સાઈ સુદર્શન, ધ્રુવ જુરેલ (વિકેટકીપર), રવીન્દ્ર જાડેજા, કુલદીપ યાદવ, માનવ સુથાર, જસપ્રીત બુમરાહ*, મોહમ્મદ સિરાજ, પ્રસિદ્ધ કૃષ્ણા, ગુરનૂર બ્રાર, દેવદત્ત પડિક્કલ, સારાંશ જૈન.