એન્ટરટેઇનમેન્ટ

Akshay Kumar : “મારી સાસુ ક્યારેય ખોટું નથી બોલતી…”, લંડનથી પાછા ફરતા જ એરપોર્ટ પર દીકરી નિતારા સાથે અક્ષય કુમારે કરી મસ્તી

Updated: 28-07-2026, 05.11 PM

બોલિવૂડનું લોકપ્રિય કપલ અક્ષય કુમાર અને ટ્વિંકલ ખન્ના લંડનમાં ફેમિલી વેકેશન માણીને ભારત પરત ફરી ચૂક્યા છે. મંગળવારે આ દંપતી પોતાની દીકરી નિતારા સાથે મુંબઈ એરપોર્ટ પર સ્પોટ થયું હતું. પરિવાર જેવા જ ટર્મિનલથી બહાર નીકળ્યો, કે તરત જ ત્યાં હાજર પેપરાઝીએ તેમને ઘેરી લીધા હતા અને ફોટોગ્રાફ્સ લેવાનું શરૂ કરી દીધું હતું. આ દરમિયાન અક્ષય કુમાર અને તેમની દીકરી વચ્ચેનું ક્યૂટ બોન્ડિંગ આકર્ષણનું કેન્દ્ર બન્યું હતું. ફેન્સ સોશિયલ મીડિયા પર આ વીડિયો જોઈને તેમના પર પ્રેમ વરસાવી રહ્યા છે.

એરપોર્ટ પર દેખાયો સ્ટાઇલિશ અને કમ્ફર્ટેબલ લુક
પોતાની કાર તરફ આગળ વધતી વખતે અક્ષય કુમારે પેપરાઝી સાથે ટૂંકી વાતચીત કરી તેમનું અભિવાદન સ્વીકાર્યું હતું. બીજી તરફ, ટ્વિંકલ ખન્ના પોતાની દીકરી નિતારા સાથે આગળ વધી ગઈ હતી. એરપોર્ટ પર બંનેનો લુક સ્ટાઇલિશ લાગી રહ્યો હતો. અક્ષય કુમારે બ્લુ કલરનો ટ્રેકસૂટ અને કેપ પહેરી હતી, જ્યારે ટ્વિંકલ ગ્રીન કલરના કો-ઓર્ડ સેટ અને બ્લેક ટી-શર્ટમાં નજરે પડી હતી.

દીકરી નિતારા સાથે અક્ષયની બોન્ડિંગે જીત્યા દિલ
સોશિયલ મીડિયા પર એરપોર્ટના ફોટોઝ અને વીડિયો આવતાની સાથે જ વાયરલ થઈ ગયા છે. ફેન્સ અક્ષય કુમાર અને તેની દીકરી નિતારાના પ્રેમભર્યા સંબંધની ખૂબ પ્રશંસા કરી રહ્યા છે. વાયરલ વીડિયોમાં અક્ષય પોતાની દીકરી સાથે મસ્તીભર્યા અંદાજમાં વાત કરતો જોવા મળ્યો. કમેન્ટ સેક્શનમાં એક યુઝરે લખ્યું, ‘નિતારા બિલકુલ તેના પિતા અક્ષય જેવી જ દેખાય છે,’ જ્યારે બીજા યુઝરે લખ્યું, ‘અક્ષય પોતાની દીકરીને દુનિયામાં સૌથી વધુ પ્રેમ કરે છે.’