Gujarat Weather Update : આગામી 3 કલાક ભારે! દક્ષિણ ગુજરાત-સૌરાષ્ટ્ર સહિત 14 જિલ્લામાં રેડ એલર્ટ, જાણો તમારા જિલ્લામાં કેવો રહેશે વરસાદ

ગુજરાતમાં ફરી એકવાર મેઘરાજા તોફાની બેટિંગ કરવા તૈયાર છે. હવામાન વિભાગે આજે સવારે 7:00થી 10:00 વાગ્યા સુધીના આગામી 3 કલાક માટે રાજ્યના અનેક જિલ્લાઓમાં ભારેથી અતિભારે વરસાદની આગાહી કરી છે. ભારે વરસાદ, વીજળીના કડાકા અને તેજ પવનને ધ્યાનમાં રાખીને અનેક જિલ્લાઓમાં રેડ, ઓરેન્જ અને યલો એલર્ટ જાહેર કરવામાં આવ્યા છે.

14 જિલ્લામાં રેડ એલર્ટ, અતિભારે વરસાદની આગાહી
હવામાન વિભાગના અનુમાન મુજબ દક્ષિણ ગુજરાત અને સૌરાષ્ટ્રના અનેક જિલ્લાઓમાં આગામી કલાકોમાં અતિભારે વરસાદ વરસી શકે છે.

દક્ષિણ ગુજરાત:
ખેડા, આણંદ, વડોદરા, ભરુચ, નર્મદા, સુરત, નવસારી, વલસાડ, તાપી અને ડાંગ.

Also Read

Rajkot angadia loot : રાજકોટમાં આંગડિયા પેઢીના કર્મચારી પર બંદૂક તાકી 19 લાખની લૂંટ, “આંગડિયું મોકલવું છે” કહીને ઘૂસ્યા

સૌરાષ્ટ્ર:
અમરેલી, ગીર સોમનાથ, ભાવનગર અને બોટાદ.

Also Read

Ahmedabad : અમદાવાદમાં 31 જુલાઈએ તમામ શાળા-કોલેજોમાં રજા જાહેર, ભારે વરસાદની આગાહીને પગલે કલેક્ટરનો નિર્ણય

આ જિલ્લાઓમાં ભારે વરસાદ સાથે જળબંબાકારની સ્થિતિ સર્જાઈ શકે છે.

8 જિલ્લામાં ઓરેન્જ એલર્ટ
રાજ્યના કેટલાક અન્ય જિલ્લાઓમાં પણ ભારેથી ભારે વરસાદની શક્યતાને પગલે ઓરેન્જ એલર્ટ જાહેર કરવામાં આવ્યું છે.

સૌરાષ્ટ્ર:
રાજકોટ, જૂનાગઢ, પોરબંદર અને સુરેન્દ્રનગર.

મધ્ય અને પૂર્વ ગુજરાત:
અમદાવાદ, પંચમહાલ, દાહોદ અને છોટા ઉદેપુર.

આ વિસ્તારોમાં ગાજવીજ અને તેજ પવન સાથે વરસાદની સંભાવના વ્યક્ત કરવામાં આવી છે.

બાકીના જિલ્લાઓમાં યલો એલર્ટ
રાજ્યના અન્ય જિલ્લાઓમાં હળવાથી મધ્યમ વરસાદી ઝાપટાં પડવાની શક્યતા હોવાથી યલો એલર્ટ જાહેર કરવામાં આવ્યું છે. કેટલાક વિસ્તારોમાં છૂટાછવાયા વરસાદ સાથે વાદળછાયું વાતાવરણ યથાવત રહેવાની આગાહી કરવામાં આવી છે.