ટેક જાયન્ટ ગૂગલે પોતાની લોકપ્રિય પેમેન્ટ એપ Google Pay માં મોટો ફેરફાર કરીને તેમાં પોતાનું AI સિસ્ટમ Gemini શામેલ કર્યું છે. આ નવા ફીચરની મદદથી યુઝર્સ માટે પોતાના પૈસા અને બજેટને મેનેજ કરવું અત્યંત સરળ બની જશે. હવે ગૂગલ પે યુઝર્સ પોતાના દૈનિક અને માસિક ખર્ચાઓનું સચોટ વિશ્લેષણ કરી શકશે, ફાઇનાન્સ સંબંધિત જટિલ બાબતો સરળ ભાષામાં સમજી શકશે અને પોતાની કમાણી મુજબ બચત કરવાની પર્સનલાઇઝ્ડ ટીપ્સ પણ મેળવી શકશે.
સેટિંગ્સમાં જઈને એક્ટિવ કરવું પડશે આ ફીચર
તમને જણાવી દઈએ કે, આ એક ઓપ્શનલ ફીચર (Optional Feature) છે, એટલે કે આ બાય ડિફોલ્ટ ઓન નહીં હોય. યુઝર પોતાની ઈચ્છા મુજબ સેટિંગ્સમાં જઈને તેને ઈનેબલ કરી શકશે. આ સાથે જ ગૂગલે ભારતમાં RuPay નેટવર્ક પર આધારિત નવું ‘Google Pay Flex SBI Card’ પણ લોન્ચ કર્યું છે.
શું છે નવું ‘Ask Google Pay’ ફીચર?
‘Ask Google Pay’ એ ગૂગલ પે એપમાં ઉપલબ્ધ એક AI-પાવર્ડ ફીચર છે, જે યુઝરના ખર્ચ કરવાની પેટર્નને એનાલાઇઝ કરે છે.
Gemini પાવર્ડ આ ફીચર યુઝર્સને બચત માટેની ટિપ્સ આપવા, ક્રેડિટ કાર્ડ પર યોગ્ય ઓફર્સ બતાવવા અને ચેટ વિન્ડોમાંથી જ SIP અથવા CIBIL સ્કોર ચેક કરવાની સુવિધા આપે છે.
આ ફીચર ટેક્સ્ટ (ટાઇપ કરીને) અને વોઇસ (બોલીને) બંને રીતે ઉપયોગ કરી શકાય છે. લોન્ચ સમયે જ તેમાં 10 ભારતીય ભાષાઓનો સપોર્ટ આપવામાં આવ્યો છે.
યુઝર્સ ગૂગલ AI ને “ગયા અઠવાડિયે મારો કેટલો ખર્ચ થયો?” અથવા “મારા માટે કયું કાર્ડ શ્રેષ્ઠ છે?” જેવા સવાલો સીધા પૂછી શકે છે.
ડેટા અને પ્રાઈવસી સંબંધિત મહત્વની વિગતો
ગૂગલે જણાવ્યું છે કે આ ફીચર હાલમાં ભારતમાં કેટલાક પસંદગીના ગૂગલ પે યુઝર્સ માટે રોલ આઉટ કરવામાં આવી રહ્યું છે. આ સુવિધાનો ઉપયોગ કરવા માટે યુઝર્સે ‘Personalisation within Google Pay’ સેટિંગ ઓન કરવાનું રહેશે. આ સેટિંગ ઓન થયા બાદ AI મોડેલ યુઝરના Google Pay ટ્રાન્ઝેક્શન, સેવ કરેલી પેમેન્ટ મેથડ્સ અને CIBIL રિપોર્ટના ડેટાનો ઉપયોગ કરીને વધારે ચોક્કસ જવાબો આપશે. યુઝર્સ પોતાની ચેટ હિસ્ટ્રી 42 દિવસ સુધી જોઈ શકશે અને જ્યારે ઈચ્છે ત્યારે પર્સનલાઇઝેશન બંધ પણ કરી શકશે.
Google Payમાં આ AI ફીચર કેવી રીતે ચાલુ કરવું?
સૌથી પહેલાં તમારા સ્માર્ટફોનમાં Google Pay એપ ઓપન કરો.
પ્રોફાઇલ પર ક્લિક કરીને Settingsમાં જાઓ અને Privacy & Security ઓપ્શન પસંદ કરો.
હવે Data & Personalisationમાં જઈને Personalisation વિકલ્પને ઓન (Enable) કરો.
હોમ સ્ક્રીન પર આવેલા Money ટેબમાં જાઓ.
ત્યાં ‘Ask about your finances’ સેક્શનમાં ‘Ask a Question’ પર ટેપ કરીને AI આસિસ્ટન્ટ સાથે વાતચીત શરૂ કરો.
Also Read
Follow Us On Google News
Follow Us On WhatsApp
Follow Us On facebook
Leave a Comment