ભારતીય ઓટીટી (OTT) સ્પેસની સૌથી લોકપ્રિય ક્રાઇમ સિરીઝ ‘મિર્ઝાપુર’ હવે મોટા પડદા પર પોતાનો ભૌકાલ મચાવવા માટે પૂરી રીતે તૈયાર છે. વેબ સિરીઝની ભવ્ય સફળતા બાદ મેકર્સ આ થ્રિલર કહાનીને સિનેમાઘરો સુધી લઈ જઈ રહ્યા છે. ‘મિર્ઝાપુર: ધ મુવી’ના ટીઝરે જ ચાહકોમાં ભારે ઉત્સુકતા જગાડી છે, અને હવે મેકર્સ એક ગ્રાન્ડ પ્રોમોશન પ્લાન સાથે આવી રહ્યા છે.
11 ઓગસ્ટે લોન્ચ થશે ધમાકેદાર ટ્રેલર
ઈન્ડસ્ટ્રીના સૂત્રોના જણાવ્યા અનુસાર, 11 ઓગસ્ટના રોજ એક ભવ્ય ઈવેન્ટ દરમિયાન ‘મિર્ઝાપુર: ધ મુવી’નું ઓફિશિયલ ટ્રેલર રિલીઝ કરવામાં આવશે. આ લોન્ચિંગ ઈવેન્ટમાં ફિલ્મની આખી સ્ટારકાસ્ટ અને મેકર્સ હાજર રહેશે. ટ્રેલર લોન્ચ થયા બાદ મિર્ઝાપુરની લીડ સ્ટારકાસ્ટ દેશના 7થી 8 મુખ્ય શહેરોની મલ્ટી-સિટી રોડ ટ્રીપ કરશે અને સીધા ફેન્સ સાથે કનેક્ટ થશે.
‘મુન્ના ભૈયા’ની વાપસી અને જીતેન્દ્ર કુમારનો નવો અવતાર
આ ફિલ્મની સૌથી રસપ્રદ વાત એ છે કે તે એક ‘ઓરિજિન સ્ટોરી’ છે, જે 2018ના દૌરમાં સેટ કરવામાં આવી છે. એટલે કે સિઝન 2 માં મૃત્યુ પામેલા ‘મુન્ના ભૈયા’ (દિવ્યેન્દુ શર્મા) આ ફિલ્મમાં પોતાના જૂના અંદાજમાં જોવા મળશે.
- પંકજ ત્રિપાઠી (કાલિન ભૈયા): પોતાના પુત્ર મુન્નાની નાદાનીઓ અને ગાદી સંભાળવાની ક્ષમતાને લઈને ચિંતિત જોવા મળશે.
- જીતેન્દ્ર કુમાર: ‘બબલૂ પંડિત’ના બિલકુલ નવા અને સરપ્રાઈઝિંગ અવતારમાં એન્ટ્રી કરશે.
- અલી ફઝલ અને જીતેન્દ્ર કુમાર (પંડિત બ્રધર્સ): મિર્ઝાપુરની ગાદી કબ્જે કરવા મુન્નાના સામ્રાજ્ય સામે ટકરાશે.
- રવિ કિશન: ફિલ્મમાં તેમની એન્ટ્રીથી આ ક્રાઇમ યુનિવર્સ વધુ રસપ્રદ બનશે.
ક્યારે રિલીઝ થશે ફિલ્મ?
ગુરમીત સિંહના નિર્દેશનમાં બનેલી અને પુનીત ક્રિષ્ણા દ્વારા લખાયેલી આ ફિલ્મનું નિર્માણ એમેઝોન MGM સ્ટુડિયો અને એક્સેલ એન્ટરટેઇનમેન્ટ (રિતેશ સિધવાની અને ફરહાન અખ્તર) દ્વારા કરવામાં આવ્યું છે. ઓટીટી પર રાજ કર્યા બાદ હવે આ ભૌકાલ 4 સપ્ટેમ્બર, 2026થી દેશભરના સિનેમાઘરોમાં જોવા મળશે.
Follow Us On Google News
Follow Us On WhatsApp
Follow Us On facebook
Leave a Comment