સરકારની Metaને કડક ચેતવણી! બાળ સુરક્ષા નિયમો તૂટ્યા તો નહીં મળે ‘સેફ હાર્બર’, WhatsApp Username વિવાદની પણ તપાસ

ભારત સરકારે સોશિયલ મીડિયા અને મેસેજિંગ પ્લેટફોર્મ પર બાળકોની સુરક્ષાને લઈને પોતાનું વલણ વધુ કડક બનાવ્યું છે. સરકાર અને Meta વચ્ચેની ચર્ચામાં સ્પષ્ટ કરવામાં આવ્યું છે કે જો કોઈ પ્લેટફોર્મ ભારતીય કાયદાઓનું ઉલ્લંઘન કરશે, ખાસ કરીને CSAM (Child Sexual Abuse Material) સંબંધિત નિયમોનું પાલન નહીં કરે, તો તેને મળતું Safe Harbour Protection અમર્યાદિત રીતે ઉપલબ્ધ રહેશે નહીં.

CSAM મુદ્દે Metaને સરકારનો સ્પષ્ટ સંદેશ
સરકારી સૂત્રોના જણાવ્યા અનુસાર, Meta હવે CSAM સંબંધિત સામગ્રીને લઈને વધુ સતર્કતા દાખવી રહ્યું છે. ગેરકાયદેસર સામગ્રીને ઓળખવા, ફિલ્ટર કરવા અને દૂર કરવા માટે પ્લેટફોર્મ દ્વારા જરૂરી પગલાં લેવામાં આવી રહ્યા છે.

સરકારે સ્પષ્ટ કર્યું છે કે બાળ જાતીય શોષણ સંબંધિત કાયદાના ઉલ્લંઘનની સ્થિતિમાં પ્લેટફોર્મ અથવા સંબંધિત પક્ષોને કાનૂની રક્ષણ આપમેળે મળી શકે નહીં. Safe Harbour હેઠળ ચોક્કસ પરિસ્થિતિઓમાં યુઝર્સ દ્વારા પોસ્ટ કરવામાં આવેલી સામગ્રી માટે ડિજિટલ પ્લેટફોર્મને કાનૂની સુરક્ષા મળે છે, પરંતુ આ સુરક્ષા કાયદાના ઉલ્લંઘનથી ઉપર નથી.

Also Read

દુનિયાનું સૌથી મોટું ઈલેક્ટ્રિક વિમાન પહેલીવાર આકાશમાં ઉડ્યું! માત્ર ₹400-₹500ના ખર્ચે 27 મિનિટની સફળ ટેસ્ટ ફ્લાઇટ

કાયદાકીય પ્રક્રિયાના દાયરામાં રહીને કાર્યવાહી
સરકારી સૂત્રોએ જણાવ્યું છે, કે Meta સામે લેવામાં આવતા પગલાં હાલના કાયદા અને કાનૂની સત્તાઓના દાયરામાં જ રહેશે. સરકાર દ્વારા કોઈપણ કાર્યવાહી સ્થાપિત કાનૂની અને વૈધાનિક પ્રક્રિયા મુજબ કરવામાં આવશે.

Also Read

Tata Sons AGM : ટાટા સન્સના ઈતિહાસમાં પહેલીવાર AGM રદ થશે? જાણો બેઠક ટાળવા પાછળનું કારણ

આ ઉપરાંત, ભારતની ભાષાકીય અને સાંસ્કૃતિક વિવિધતાને ધ્યાનમાં રાખીને Metaની Content Moderation Systemમાં જરૂરી સુધારા કરવાની જરૂરિયાત પર પણ ભાર મૂકવામાં આવ્યો છે. સરકારનું માનવું છે કે ભારત જેવા વૈવિધ્યસભર દેશમાં માત્ર વૈશ્વિક ધોરણો આધારે કન્ટેન્ટનું મોનિટરિંગ પૂરતું નથી.

WhatsApp Username મુદ્દે પણ સરકારની નજર
સરકાર WhatsAppના નવા Username Feature અંગે પણ નજર રાખી રહી છે. આ મુદ્દાને માત્ર Meta પૂરતો મર્યાદિત રાખવામાં આવ્યો નથી. IT મંત્રાલયના સૂત્રોના જણાવ્યા અનુસાર, યુઝરનેમ સિસ્ટમના સંભવિત પ્રભાવને લઈને સમગ્ર મેસેજિંગ ઉદ્યોગની પણ તપાસ કરવામાં આવી રહી છે.

સરકારનું ધ્યાન ખાસ કરીને યુઝરની ઓળખ, સુરક્ષા અને પ્લેટફોર્મ પર થતી સંભવિત ગેરકાયદેસર પ્રવૃત્તિઓ જેવા મુદ્દાઓ પર છે.

AI-generated Content પર પણ કડક વલણ
સરકાર AI દ્વારા બનાવવામાં આવતા કન્ટેન્ટના સ્પષ્ટ લેબલિંગ માટે પણ ભાર મૂકી રહી છે. તેનો મુખ્ય હેતુ એ છે કે યુઝર્સને સ્પષ્ટ રીતે ખબર પડે કે તેઓ જે ફોટો, વીડિયો અથવા અન્ય કન્ટેન્ટ જોઈ રહ્યા છે તે વાસ્તવિક છે કે AI દ્વારા તૈયાર કરવામાં આવ્યું છે.

આ સમગ્ર ઘટનાક્રમથી સ્પષ્ટ છે કે ભારત સરકાર હવે બાળકોની ઓનલાઈન સુરક્ષા, કન્ટેન્ટ મોડરેશન, યુઝર પ્રાઇવસી અને AI કન્ટેન્ટ જેવા મુદ્દાઓ પર ડિજિટલ પ્લેટફોર્મ્સ માટે નિયમોનું પાલન વધુ ગંભીરતાથી કરાવવા માગે છે.