ચેકબુકને લઈને મોટું અપડેટ! જૂની ચેકબુક બંધ થવાની ચર્ચા વચ્ચે ગ્રાહકો સાવધાન, નવી ચેકબુક માટે કરવું પડશે આ કામ

આ સમાચાર તમારા માટે મહત્વના છે. બેન્ક ઓફ ઈન્ડિયા (BOI) સહિત કેટલીક જાહેર અને ખાનગી ક્ષેત્રની બેન્કોએ ગ્રાહકોને નવી ચેકબુક લેવા માટે સૂચના આપવાનું શરૂ કર્યું છે. નવી ચેકબુકમાં આલ્ફા-ન્યૂમેરિક કોડ આપવામાં આવી રહ્યો છે. બેન્કો દ્વારા ગ્રાહકોને ઈમેઇલ અને SMS મારફતે નવી ચેકબુક માટે અરજી કરવાની સલાહ આપવામાં આવી રહી છે, જેથી ભવિષ્યમાં મોટા ચેકના પેમેન્ટ અથવા ક્લિયરિંગ દરમિયાન કોઈ મુશ્કેલી ન સર્જાય.

શા માટે બદલાઈ રહ્યા છે ચેકના નિયમો?
નવી વ્યવસ્થાનો મુખ્ય હેતુ ચેકની સુરક્ષા વધારવાનો અને બનાવટી ચેક તથા છેતરપિંડીના કેસોને અટકાવવાનો છે. આલ્ફા-ન્યૂમેરિક કોડમાં અક્ષરો અને અંકોનું વિશિષ્ટ સંયોજન હોય છે, જેના આધારે ચેકનું વેરિફિકેશન વધુ સુરક્ષિત રીતે થઈ શકે છે. ચેક ક્લિયરિંગ સિસ્ટમને વધુ ઝડપી અને સુરક્ષિત બનાવવા માટે પણ બેન્કિંગ ક્ષેત્રમાં અનેક ફેરફારો કરવામાં આવી રહ્યા છે. આવી સ્થિતિમાં જૂની ચેકબુક ધરાવતા ગ્રાહકોએ પોતાની બેન્કના નવા નિયમો તપાસવા જરૂરી છે.

31 ડિસેમ્બર 2026 પછી શું થશે?
ઉપલબ્ધ માહિતી મુજબ, 31 ડિસેમ્બર 2026 પછી ₹50,000 કે તેથી વધુ રકમના એવા ચેક સ્વીકારવામાં નહીં આવે, જેમાં જરૂરી આલ્ફા-ન્યૂમેરિક કોડ ન હોય. આથી જો તમે વારંવાર મોટા રકમના ચેક દ્વારા પેમેન્ટ કરો છો, તો સમયસર નવી ચેકબુક મેળવી લેવી યોગ્ય રહેશે. જોકે, આ નિયમ દરેક બેન્ક અને ખાતા માટે એકસરખો છે કે નહીં તે ગ્રાહકોએ પોતાની બેન્કની સત્તાવાર સૂચના પરથી ચકાસવું જોઈએ.

Also Read

India Sugar Stock Limit : તહેવારો પહેલાં ખાંડના ભાવમાં ઉછાળો! સરકારનો નવો નિયમ લાગુ, વેપારીઓ હવે 15 દિવસથી વધુ સ્ટોક નહીં રાખી શકે

નવી ચેકબુક માટે કેટલો ચાર્જ લાગશે?
નવી ચેકબુક મેળવવાનો ચાર્જ બેન્ક, ખાતાના પ્રકાર અને ચેક પેજની સંખ્યા પ્રમાણે અલગ હોઈ શકે છે. ઉદાહરણ તરીકે, બેન્ક ઓફ ઈન્ડિયા (BOI)ના કેટલાક બચત ખાતાઓમાં વર્ષ દરમિયાન નિર્ધારિત સંખ્યામાં ચેક પેજ મફત આપવામાં આવે છે. મફત મર્યાદા બાદ વધારાના ચેક પેજ માટે બેન્કના નિયમ મુજબ ચાર્જ વસૂલવામાં આવી શકે છે. અન્ય સરકારી અને ખાનગી બેન્કોમાં પણ ચેકબુકના ચાર્જ અલગ હોઈ શકે છે.

Also Read

ભાવનગર લઠ્ઠાકાંડમાં ખળભળાટ! ઝેરી દારૂથી 11નાં મોત, 61 લોકો બીમાર અને 10 દર્દીઓ ગંભીર હાલતમાં