LPG સિલિન્ડર ગ્રાહકો માટે મોટા સમાચાર! માત્ર 6 દિવસમાં કરવું પડશે આ કામ, નહીં તો સિલિન્ડર મળવામાં આવી શકે મુશ્કેલી

જણાવ્યા મુજબ 16 ઓગસ્ટ સુધીમાં e-KYC પ્રક્રિયા પૂર્ણ કરવાની રહેશે. છેલ્લી તારીખ સુધીમાં e-KYC નહીં કરાવનાર ગ્રાહકોને ભવિષ્યમાં LPG સિલિન્ડર મેળવવામાં મુશ્કેલી પડી શકે છે. તેથી છેલ્લી ઘડી સુધી રાહ જોવાને બદલે સમયસર આ પ્રક્રિયા પૂર્ણ કરવાની સલાહ આપવામાં આવી રહી છે.

16 ઓગસ્ટ છે e-KYCની ડેડલાઇન
LPG કંપનીઓ પોતાના ગ્રાહકોના રજિસ્ટર્ડ મોબાઇલ નંબર પર e-KYC અંગે મેસેજ મોકલી રહી છે. કંપનીઓ સોશિયલ મીડિયા પ્લેટફોર્મ X પર પણ ગ્રાહકોને સમયસર પ્રક્રિયા પૂર્ણ કરવા માટે અપીલ કરી રહી છે. કંપનીઓના એલર્ટ મુજબ, નિર્ધારિત સમયમર્યાદા બાદ e-KYC પૂર્ણ ન કરનારા ગ્રાહકોને LPG રિફિલ મેળવવામાં મુશ્કેલી આવી શકે છે. તેથી ગ્રાહકોએ પોતાની LPG કનેક્શનની e-KYC સ્થિતિ ચકાસી લેવી જરૂરી છે.

હાલ ઘરેલુ LPG સિલિન્ડરના ભાવ કેટલા?
14.2 કિલોના ઘરેલુ LPG સિલિન્ડરના ભાવની વાત કરીએ તો, દિલ્હીમાં ₹942, કોલકાતામાં ₹968, મુંબઈમાં ₹941.50 અને ચેન્નઈમાં ₹957.50 પ્રતિ સિલિન્ડર ભાવ છે. આ ઉપરાંત પ્રધાનમંત્રી ઉજ્જવલા યોજનાના લાભાર્થીઓને સરકાર દ્વારા દર વર્ષે ચાર LPG રિફિલ પર ₹300ની સબસિડી આપવામાં આવે છે. ઉદાહરણ તરીકે, દિલ્હીમાં ₹942ના સિલિન્ડર પર ₹300ની સબસિડી મળ્યા બાદ અસરકારક કિંમત ₹642 થાય છે.

Also Read

Gold-Silver : સોનું-ચાંદી ફરી તેજીમાં! સોનાએ ₹1,52,000ની સપાટી કૂદાવી, ચાંદી ₹2,35,000ની નજીક

ઘરે બેઠા પણ કરી શકશો e-KYC
LPG e-KYC પ્રક્રિયા પૂર્ણ કરવા માટે ગ્રાહકોએ ગેસ એજન્સીની મુલાકાત લેવી જરૂરી નથી. ઇન્ડિયન ઓઇલના ગ્રાહકો IndianOil One એપ દ્વારા e-KYC પ્રક્રિયા પૂર્ણ કરી શકે છે. આ ઉપરાંત LPG ડિસ્ટ્રિબ્યુટર પાસે જઈને પણ e-KYC કરાવી શકાય છે. કેટલાક કિસ્સામાં સિલિન્ડરની ડિલિવરી કરવા આવતા કર્મચારી મારફતે પણ e-KYC પ્રક્રિયા પૂર્ણ કરવાની સુવિધા ઉપલબ્ધ છે.

Also Read

બે વખતની વર્લ્ડ ચેમ્પિયન વેસ્ટ ઈન્ડિઝ મુશ્કેલીમાં! 2027 વર્લ્ડ કપની સીધી ટિકિટ ગઈ, હવે ક્વોલિફાયર રમવો પડશે