દેશમાં ખાંડની કૃત્રિમ અછત ઊભી કરાઈ? ISMAનો મોટો ખુલાસો! કહ્યું- ‘સ્ટોકની કોઈ કમી નથી’, સટ્ટાકીય ખરીદીથી વધ્યા ભાવ

ISMA મુજબ, ખાંડના ભાવમાં તાજેતરના વધારા પાછળ તહેવારો પહેલાં વધેલી માંગ, ઉત્પાદનમાં સામાન્ય ઘટાડો, હવામાનની અસર અને આંતરરાષ્ટ્રીય બજારમાં ખાંડના ભાવમાં આશરે 16 ટકાનો વધારો જેવા કારણો જવાબદાર છે.

આ ઉપરાંત, બજારમાં કેટલાક વેપારીઓ દ્વારા સ્ટોક જમા રાખવાથી કૃત્રિમ અછત જેવી સ્થિતિ સર્જાઈ હોવાની ચર્ચા છે. ISMAએ એ પણ સ્પષ્ટ કર્યું છે કે ઈથેનોલ બ્લેન્ડિંગ પ્રોગ્રામ (EBP)ના કારણે ખાંડના ભાવ વધ્યા હોવાની દલીલ યોગ્ય નથી. સંગઠનના જણાવ્યા મુજબ ઈથેનોલ ઉત્પાદનમાં આશરે 75 ટકા હિસ્સો અનાજ આધારિત છે.

સરકારના પગલાંથી બજારમાં આવશે સ્થિરતા
ખાંડના ભાવને નિયંત્રણમાં રાખવા માટે સરકારે 10 લાખ મેટ્રિક ટન ડ્યૂટી-ફ્રી કાચી ખાંડની આયાતને મંજૂરી આપી છે. આ ઉપરાંત સંગ્રહખોરી રોકવા માટે વેપારીઓ માટે સ્ટોક મર્યાદા નક્કી કરવામાં આવી છે.

Also Read

સોનું ફરી તેજીમાં, ચાંદીમાં પ્રોફિટ બુકિંગ! MCX પર ગોલ્ડ ₹1.63 લાખને પાર, સિલ્વર ₹2.45 લાખની આસપાસ

સરકાર દ્વારા વેપારીઓના GST રેકોર્ડ અને વાસ્તવિક ભૌતિક સ્ટોકની સાપ્તાહિક તપાસ પણ શરૂ કરવામાં આવી છે. ISMAએ ડીલરો માટેની હાલની સ્ટોક મર્યાદા 400 ટનથી ઘટાડીને 200 ટન કરવાની ભલામણ કરી છે.

Also Read

અમૂલનું નવું લેક્ટોઝ-ફ્રી મિલ્ક પેકેટ જોઈ લોકો મૂંઝાયા! પેકેટ ફૂલેલું કેમ દેખાય છે? કંપનીએ કહ્યું- નવી SIG ટેક્નોલોજીના કારણે આવું દેખાય છે

નવું પિલાણ સત્ર વહેલું શરૂ કરવાની તૈયારી
બજારમાં ખાંડનો નવો સ્ટોક ઝડપથી ઉપલબ્ધ થાય તે માટે આગામી પિલાણ સત્ર સામાન્ય સમય કરતાં 10થી 15 દિવસ વહેલું શરૂ કરવાની દિશામાં કામગીરી ચાલી રહી છે. તમિલનાડુ અને કર્ણાટકમાં વિશેષ પિલાણની શરૂઆત થઈ ચૂકી હોવાનું પણ જણાવવામાં આવ્યું છે. સામાન્ય રીતે ઓક્ટોબરમાં આશરે 4 લાખ મેટ્રિક ટન ખાંડનું ઉત્પાદન થાય છે, જ્યારે આ વર્ષે ઓક્ટોબર 2026માં ઉત્પાદન વધીને 10 લાખ મેટ્રિક ટન સુધી પહોંચવાની ધારણા વ્યક્ત કરવામાં આવી છે.

આગામી દિવસોમાં ખાંડના ભાવ ઘટી શકે
બજારમાં નવો સ્ટોક આવવા લાગશે તેમ પુરવઠામાં વધારો થવાની શક્યતા છે. પરિણામે હાલના ભાવ પરનું દબાણ ઘટી શકે છે અને ખાંડના ભાવમાં નરમાઈ જોવા મળી શકે છે. એટલે હાલમાં ખાંડના ભાવમાં થયેલો વધારો કાયમી અછતનું પરિણામ નથી,

પરંતુ માંગ-પુરવઠા અને બજારની સ્થિતિને કારણે સર્જાયેલો કામચલાઉ વધારો હોવાનું ISMAનું કહેવું છે. સરકારના આયાત અને સ્ટોક નિયંત્રણના પગલાં સાથે નવો સ્થાનિક સ્ટોક બજારમાં આવતા સામાન્ય ગ્રાહકોને આગામી દિવસોમાં રાહત મળવાની આશા છે.