ઓલપાડમાં ભયાનક અકસ્માત! બ્રિજ પરથી 50 ફૂટ નીચે પટકાઈ બાઈક સવાર 4 યુવકો, 3નાં મોત

કુડસદ ગામ નજીક આવેલા બ્રિજ પરથી ચાર મિત્રો એક જ બાઇક પર પસાર થઈ રહ્યા હતા. આ દરમિયાન બાઇક ચાલકે કાબૂ ગુમાવતાં બાઇક બ્રિજની સેફ્ટી વોલ સાથે અથડાઈ હતી. ટક્કર એટલી જોરદાર હતી કે બાઇક પર સવાર ચારેય યુવકો બ્રિજ પરથી અંદાજે 50 ફૂટથી વધુ નીચે પટકાયા હતા.

એકનું ઘટનાસ્થળે, બે યુવકોનાં સારવાર દરમિયાન મોત
અકસ્મતમાં એક યુવકનું ઘટનાસ્થળે જ મોત નીપજ્યું હતું. જ્યારે અન્ય બે યુવકોએ સારવાર દરમિયાન દમ તોડ્યો હતો. ચોથા યુવકને ગંભીર ઈજાઓ પહોંચતાં સારવાર માટે સુરતની સિવિલ હોસ્પિટલમાં ખસેડવામાં આવ્યો છે. તેની હાલત ગંભીર હોવાનું જાણવા મળ્યું છે.

108ની ટીમ અને પોલીસ ઘટનાસ્થળે પહોંચી
અકસમાતની જાણ થતાં જ સ્થાનિક લોકો ઘટનાસ્થળે એકઠા થઈ ગયા હતા. 108 એમ્બ્યુલન્સની ટીમને જાણ કરવામાં આવતાં ઈજાગ્રસ્ત યુવકને તાત્કાલિક હોસ્પિટલ પહોંચાડવામાં આવ્યો હતો. કીમ પોલીસ પણ ઘટનાસ્થળે પહોંચી હતી અને અકસ્માત અંગે તપાસ શરૂ કરી છે.

Also Read

ગુજરાતમાં વીજળી માટે ખાનગી કંપનીઓ પર વધતી નિર્ભરતા! સરકારી ઉત્પાદન ઘટતાં કરોડો રૂપિયાનો બોજ

ઈજાગ્રસ્ત યુવકના નિવેદન બાદ કારણ સ્પષ્ટ થશે
હાલમાં અકસ્માત કયા સંજોગોમાં સર્જાયો તેની તપાસ ચાલી રહી છે. ઈજાગ્રસ્ત યુવકનું નિવેદન નોંધાયા બાદ ઘટનાનું ચોક્કસ કારણ જાણવા મળી શકે છે. એક જ અકસ્માતમાં ત્રણ મિત્રોના મોતથી પરિવારજનોમાં શોકનો માહોલ છે.

Also Read

LPG ટેન્કરમાંથી ગેસ લીક થતાં હાઈવે બંધ! દિલ્હી-મુંબઈ એક્સપ્રેસ-વે પર વાહનોની લાંબી કતારો