ફોન પર કોઈપણ સ્ક્રીનગાર્ડ લગાવતા પહેલા ચેક કરજો! 1 એપ્રિલ 2027થી BIS સર્ટિફિકેશન ફરજિયાત થવાની જાહેરાત

ગ્રાહકોની સુરક્ષા અને ફોનની લાંબા આયુષ્યને ધ્યાનમાં રાખીને કેન્દ્ર સરકારે સ્માર્ટફોન સ્ક્રીનગાર્ડ્સ માટે ભારતીય માનક બ્યુરો એટલે કે BIS (Bureau of Indian Standards) રજિસ્ટ્રેશન ફરજિયાત કરવાનો ઐતિહાસિક નિર્ણય લીધો છે. હવેથી કંપનીઓએ BISના લેબ ટેસ્ટમાં પાસ થયા બાદ જ પોતાના સ્ક્રીન પ્રોટેક્ટર બજારમાં વેચવાની પરવાનગી મળશે, જેનાથી ખરાબ ક્વોલિટીના ગ્લાસના વેચાણ પર કાયમી લગામ લાગશે.

1 એપ્રિલ, 2027થી દેશભરમાં લાગુ થશે નવા કડક નિયમો
મંત્રાલય દ્વારા જાહેર કરવામાં આવેલી સત્તાવાર અધિસૂચના અનુસાર, સ્માર્ટફોન સ્ક્રીનગાર્ડ્સ માટે નક્કી કરવામાં આવેલા આ નવા BIS ગુણવત્તા ધોરણો 1 એપ્રિલ, 2027થી સમગ્ર દેશમાં એકસાથે લાગુ કરી દેવામાં આવશે. આ તારીખ બાદ કોઈપણ કંપની કે સ્થાનિક દુકાનદાર BIS રજિસ્ટ્રેશન વગરના અથવા નક્કી કરેલા ગુણવત્તાના ધોરણો પર ખરા ન ઊતરતા સ્ક્રીનગાર્ડ વેચી શકશે નહીં. વગર પ્રમાણપત્ર વાળા ગ્લાસનું ઉત્પાદન અને આયાત પણ સંપૂર્ણપણે બંધ કરવામાં આવશે.

ગ્રાહકોને ગુણવત્તા મળશે અને કિંમતો પર આંશિક અસર પડશે
આ નિર્ણયથી સ્થાનિક બજારમાં મળતા સસ્તા, ડુપ્લિકેટ અને સામાન્ય આંચકામાં પણ તૂટી જતા કચરા સમાન સ્ક્રીનગાર્ડ્સથી ગ્રાહકોને મુક્તિ મળશે. એપ્રિલ 2027 પછી વેચાતા સ્ક્રીનગાર્ડના પેકેટ પર BISનું ISI માર્ક અને રજિસ્ટ્રેશન નંબર છપાયેલો હશે, જેને ગ્રાહકો ‘BIS CARE’ એપ દ્વારા જાતે પણ વેરિફાય કરી શકશે. જોકે, ઉત્પાદકો દ્વારા લેબ ટેસ્ટિંગ અને ક્વાલિટી સુધારવા પાછળ થનારા વધારાના ખર્ચના કારણે સર્ટિફાઈડ સ્ક્રીનગાર્ડ્સની કિંમતોમાં 10%થી 20% સુધીનો મામૂલી વધારો જોવા મળી શકે છે.

Also Read

SBIમાં સતત 5 દિવસ નહીં થાય કામકાજ! હડતાળ સાથે રજાઓનું કોમ્બિનેશન, જાણો કયા દિવસો બેંક રહેશે બંધ

નિયમભંગ કરનારા દુકાનદારો સામે કડક કાનૂની કાર્યવાહી
સરકારે સ્પષ્ટ કર્યું છે કે, ખરાબ ક્વોલિટીના ગ્લાસ માત્ર ફોનની ઓરિજિનલ ડિસ્પ્લેને જ નુકસાન નથી પહોંચાડતા, પરંતુ તેમાં યોગ્ય પ્રોટેક્ટિવ યુવી (UV) કે એન્ટી-ગ્લેયર કોટિંગ ન હોવાથી ગ્રાહકોની આંખોને પણ ગંભીર નુકસાન થાય છે. BIS અધિનિયમ હેઠળ, 1 એપ્રિલ 2027 પછી જો કોઈ દુકાનદાર, આયાતકાર કે ઉત્પાદક વગર પ્રમાણપત્ર વાળો સ્ક્રીનગાર્ડ વેચતા પકડાશે, તો તેને ગુનો ગણવામાં આવશે. આવા વેપારીઓ સામે દંડ, માલ જપ્ત કરવા અને કાનૂની કાર્યવાહી કરવાની જોગવાઈ રાખવામાં આવી છે.

Also Read

તમારું SIM કોઈ બીજાને આપતા પહેલા 100 વાર વિચારજો! થઈ શકે ₹50 લાખનો દંડ અને 3 વર્ષની જેલ

સ્ક્રીનગાર્ડના પ્રકારો અને BIS સર્ટિફિકેશનના ફાયદા
બજારમાં મુખ્યત્વે 2D/2.5D ટેમ્પર્ડ ગ્લાસ (સામાન્ય ફ્લેટ સ્ક્રીન માટે), 3D/UV કર્વ્ડ ગ્લાસ (મોંઘા કર્વ્ડ ડિસ્પ્લે ફોન માટે), મેટ/પ્રાઈવસી ગ્લાસ (સાઈડ વ્યૂ છુપાવવા માટે) અને TPU ફ્લેક્સિબલ ગાર્ડ ઉપલબ્ધ હોય છે. BIS સર્ટિફિકેશન આવવાથી તમામ પ્રકારના સ્ક્રીન પ્રોટેક્ટર્સની ડ્રોપ-રેસિસ્ટન્સ (પડવા સામે રક્ષણ), ટચ-રિસ્પોન્સિબિલિટી, ઇન-ડિસ્પ્લે ફિંગરપ્રિન્ટ સેન્સરની સુસંગતતા અને ઓપ્ટિકલ ક્લેરિટીનું કડક પરીક્ષણ થશે, જેથી ગ્રાહકોનો મોંઘો સ્માર્ટફોન સાચા અર્થમાં સુરક્ષિત રહી શકશે.