Gold and Silver Price Today : સોના-ચાંદીમાં જબરદસ્ત તેજી! ₹1200થી વધુના ઉછાળા સાથે સોનું ₹1.45 લાખને પાર, ચાંદી પણ ચમકી

ભારતીય કોમોડિટી એક્સચેન્જ (MCX) પર સોના અને ચાંદીના વાયદા ભાવમાં આજે નોંધપાત્ર તેજી જોવા મળી છે. આંતરરાષ્ટ્રીય બજારમાં કિંમતી ધાતુઓની મજબૂતી અને વધતી ખરીદી વચ્ચે બંને ધાતુઓએ કારોબારની શરૂઆતથી જ મજબૂત વધારો નોંધાવ્યો છે.

સોનું ₹1,200થી વધુ ચમક્યું
MCX પર ગોલ્ડનો અગાઉનો બંધ ભાવ ₹1,44,299 હતો. આજના કારોબારની શરૂઆત ₹1,44,811ના સ્તરે થઈ હતી. ત્યારબાદ ખરીદી વધતાં સોનાનો ભાવ વધીને દિવસની ઊંચી સપાટી ₹1,45,549 સુધી પહોંચી ગયો હતો.

હાલ સોનું આશરે ₹1,45,450ના સ્તરે ટ્રેડ થઈ રહ્યું છે, જે અગાઉના બંધ ભાવની સરખામણીએ ₹1,151 એટલે કે લગભગ 0.80 ટકાનો વધારો દર્શાવે છે. દિવસ દરમિયાન કુલ તેજી લગભગ ₹1,250 સુધી પહોંચી હતી.

Also Read

શું AI બની રહ્યું છે નોકરીઓ માટે ખતરો? VISAએ 2,600 કર્મચારીઓની છટણી કરી, 7% વર્કફોર્સ ઘટાડી

ચાંદીમાં પણ મજબૂત ઉછાળો
ચાંદીના વાયદા ભાવમાં પણ તેજીનો માહોલ જોવા મળ્યો છે. અગાઉનો બંધ ભાવ ₹2,21,615 હતો, જ્યારે આજનો કારોબાર ₹2,23,999 પર શરૂ થયો હતો. કારોબાર દરમિયાન ચાંદીનો ભાવ વધીને ₹2,24,254ની ઊંચી સપાટી સુધી પહોંચ્યો હતો.

Also Read

Ahmedabad Crime : અમદાવાદના સ્પામાં યુવકની હત્યા કેમ થઈ? ચોથા માળેથી ફેંકવાની સમગ્ર ઘટના CCTVમાં કેદ!

હાલ ચાંદી આશરે ₹2,23,900ના સ્તરે ટ્રેડ થઈ રહી છે, જે અગાઉના બંધ ભાવની સરખામણીએ ₹2,285 એટલે કે 1.03 ટકાનો વધારો દર્શાવે છે. દિવસ દરમિયાન કુલ ઉછાળો ₹2,639 સુધી નોંધાયો હતો.

શું છે તેજીનું કારણ?
બજાર નિષ્ણાતોના જણાવ્યા મુજબ વૈશ્વિક આર્થિક અનિશ્ચિતતા, ડોલરની ચાલ, જિયોપોલિટિકલ તણાવ અને સુરક્ષિત રોકાણ (Safe Haven) તરીકે સોના-ચાંદીમાં વધતી માંગને કારણે કિંમતી ધાતુઓમાં ખરીદી વધી રહી છે.

જો આંતરરાષ્ટ્રીય બજારમાં આ તેજી યથાવત રહેશે તો આગામી દિવસોમાં પણ સોના અને ચાંદીના ભાવમાં વધારાની શક્યતા નકારી શકાય નહીં.