Gold Price News : સોનાના ભાવમાં સતત ઘટાડો કેમ? ઓગસ્ટમાં વધુ સસ્તું થશે કે આવશે ફરી મોટી તેજી? જાણો સંપૂર્ણ માહિતી

સોનું ખરીદવાનું વિચારી રહેલા લોકો માટે મહત્વના સમાચાર સામે આવ્યા છે. છેલ્લા કેટલાક દિવસોથી સોનાના ભાવમાં સતત નરમાઈ જોવા મળી રહી છે. વૈશ્વિક બજારમાં સોનાના ભાવમાં છેલ્લા છ અઠવાડિયામાં પહેલીવાર મોટો સાપ્તાહિક ઘટાડો નોંધાયો છે.

શુક્રવારે સોનાનો ભાવ લગભગ 3970 ડૉલર પ્રતિ ઔંસ આસપાસ રહ્યો હતો, જ્યારે સમગ્ર સપ્તાહ દરમિયાન ભાવમાં 3 ટકાથી વધુનો ઘટાડો જોવા મળ્યો છે. આ ઘટાડા બાદ હવે રોકાણકારો અને સામાન્ય ગ્રાહકોના મનમાં સૌથી મોટો સવાલ એ છે, કે ઓગસ્ટ મહિનામાં સોનાના ભાવ હજુ નીચે જશે, કે પછી ફરી એકવાર મોટી તેજી જોવા મળશે?

સોનાના ભાવમાં ઘટાડા પાછળ શું છે કારણ?
નિષ્ણાતોના જણાવ્યા અનુસાર, સોનાના ભાવમાં ઘટાડા પાછળ વૈશ્વિક સ્તરે ચાલી રહેલા કેટલાક મોટા પરિબળો જવાબદાર છે.

Also Read

E20 fuel controversy : E-20 પેટ્રોલ વિવાદમાં નવો વળાંક: ભેળસેળયુક્ત ઇંધણ કે ભેળસેળયુક્ત… વાસ્તવિક સમસ્યા શું છે?

1. વ્યાજ દર વધવાની શક્યતા વધી
   અમેરિકા અને ઈરાન વચ્ચેના તણાવને કારણે ક્રૂડ ઓઈલના ભાવમાં વધારો થયો છે. જેના કારણે વૈશ્વિક મોંઘવારી વધવાની આશંકા વધી છે. જો મોંઘવારી કાબૂમાં નહીં આવે તો અમેરિકાની ફેડરલ રિઝર્વ બેંક વ્યાજ દર ઊંચા રાખી શકે છે. વ્યાજ દર વધે ત્યારે રોકાણકારો બોન્ડ જેવા વિકલ્પોમાં રોકાણ વધારતા હોય છે, જેના કારણે સોનાની માંગ ઘટે છે અને ભાવ પર દબાણ આવે છે.
2. ડૉલર મજબૂત બનતા સોનાને ઝટકો
   આંતરરાષ્ટ્રીય બજારમાં અમેરિકન ડૉલર મજબૂત થઈ રહ્યો છે. ડૉલર મજબૂત થવાથી અન્ય દેશોના ખરીદદારો માટે સોનું મોંઘું બને છે. પરિણામે તેની માંગમાં ઘટાડો જોવા મળે છે.

શું ઓગસ્ટમાં સોનું વધુ સસ્તું થશે?
નિષ્ણાતોના મતે ઓગસ્ટ મહિનામાં સોનાની દિશા મુખ્યત્વે ત્રણ બાબતો પર આધારિત રહેશે:

Also Read

India’s First Private Orbital Rocket : ભારતે રચ્યો નવો અવકાશી ઇતિહાસ! પ્રથમ પ્રાઇવેટ ઓર્બિટલ રોકેટ ‘વિક્રમ-1’નું સફળ લોન્ચિંગ

1. અમેરિકા અને ઈરાન વચ્ચેનો તણાવ
2. ક્રૂડ ઓઈલના ભાવમાં ફેરફાર
3. અમેરિકાની ફેડરલ રિઝર્વની નીતિ

જો ક્રૂડ ઓઈલ મોંઘું રહેશે અને મોંઘવારીનો ખતરો વધશે તો સોનાના ભાવમાં વધુ ઘટાડો જોવા મળી શકે છે. પરંતુ, જો વૈશ્વિક તણાવ વધશે અથવા રોકાણકારોમાં અસુરક્ષાની લાગણી વધશે તો સોનું ફરી એકવાર સેફ હેવન ઇન્વેસ્ટમેન્ટ તરીકે પસંદગીમાં આવી શકે છે અને ભાવમાં તેજી જોવા મળી શકે છે.

માત્ર સોનું જ નહીં, અન્ય ધાતુઓમાં પણ ઘટાડો
હાલના સમયમાં માત્ર સોનામાં જ નહીં, પરંતુ ચાંદી, પ્લેટિનમ અને પેલેડિયમ જેવી કિંમતી ધાતુઓના ભાવમાં પણ ઘટાડો નોંધાયો છે. આ દર્શાવે છે, કે વૈશ્વિક બજારમાં રોકાણકારો હાલ સાવચેતીભર્યું વલણ અપનાવી રહ્યા છે. નિષ્ણાતોનું માનવું છે, કે આગામી કેટલાક અઠવાડિયા સોના માટે ખૂબ જ મહત્વપૂર્ણ રહેશે અને બજારની દિશા વૈશ્વિક ઘટનાઓ નક્કી કરશે.