નવી વેબસાઇટમાં મુસાફરોને હવે સ્લીપર (SL), થર્ડ એસી (3A), સેકન્ડ એસી (2A) સહિત તમામ ક્લાસમાં ઉપલબ્ધ સીટોની માહિતી એક જ સ્ક્રીન પર જોવા મળશે. અલગ-અલગ ટેબ ખોલવાની જરૂર નહીં રહે, જેથી યોગ્ય વિકલ્પ પસંદ કરવામાં સરળતા રહેશે.
જાહેરાત અને કેપ્ચાની ઝંઝટથી મળશે રાહત
નવી IRCTC વેબસાઇટ પર બુકિંગ દરમિયાન દેખાતી અનાવશ્યક જાહેરાતો અને ફ્લેશિંગ ગ્રાફિક્સ દૂર કરવામાં આવ્યા છે. ઉપરાંત, વારંવાર આવતો કેપ્ચા પણ ઓછો કરવામાં આવ્યો છે, જેના કારણે ખાસ કરીને તત્કાલ ટિકિટ બુકિંગ દરમિયાન કિંમતી સમય બચી શકશે.
સુપરફાસ્ટ સર્વરથી થશે ઝડપી બુકિંગ
IRCTCએ પોતાની સર્વર ક્ષમતામાં મોટો વધારો કર્યો છે. અગાઉ વેબસાઇટ પ્રતિ મિનિટ આશરે 32,000 ટિકિટ બુક કરવાની ક્ષમતા ધરાવતી હતી, જ્યારે હવે તેને વધારીને 1.5 લાખ ટિકિટ પ્રતિ મિનિટ સુધી કરવામાં આવી રહી છે. ભારે ટ્રાફિક અથવા તહેવારો દરમિયાન વેબસાઇટ ક્રેશ થવાની સમસ્યા પણ ઘણી હદ સુધી દૂર થવાની આશા છે.
વારંવાર વિગતો ભરવાની જરૂર નહીં પડે
મુસાફરો હવે પોતાની વ્યક્તિગત વિગતો એક વખત સેવ કર્યા બાદ દરેક બુકિંગ વખતે ફરીથી ભરવાની જરૂર નહીં રહે. સેવ કરેલી માહિતીના આધારે આગામી ટિકિટ બુકિંગ થોડા જ ક્લિકમાં પૂર્ણ કરી શકાશે.
તત્કાલ બુકિંગમાં વધશે પારદર્શિતા
તત્કાલ ટિકિટમાં બોટ્સ અને દલાલોની દખલ ઘટાડવા માટે IRCTCએ વધુ કડક સુરક્ષા વ્યવસ્થા અમલમાં મૂકી છે. હવે આધાર આધારિત OTP વેરિફિકેશનને વધુ મહત્વ આપવામાં આવશે, જેથી સાચા મુસાફરોને ટિકિટ મેળવવામાં સરળતા રહે અને ગેરરીતિઓ પર રોક લાગી શકે.
Follow Us On Google News
Follow Us On WhatsApp
Follow Us On facebook
Leave a Comment