ભારતની કુલ નિકાસમાં સેવા ક્ષેત્રનો હિસ્સો 2025-26 સુધીમાં વધીને 49% થયો | The share of services sector in India’s total exports to rise to 49% by 2025 26

અમદાવાદ : ભારતની કુલ નિકાસમાં સેવા ક્ષેત્રનો હિસ્સો દિવસે ને દિવસે વધી રહ્યો છે. છેલ્લા એક દાયકામાં હિસ્સો ૩૩.૮ ટકાથી વધીને ૨૦૨૫-૨૬માં ૪૮.૮ ટકાના રેકોર્ડ શિખરે પહોંચ્યો છે. આ વૃદ્ધિ આઇટી ક્ષેત્રના ઝડપી વિસ્તરણ, ગ્લોબલ કેપેબિલિટી સેન્ટર્સના પ્રસાર અને વૈશ્વિક કોરોના મહામારી પછી ડિજિટલ ડિલિવરી તરફના પરિવર્તનને આભારી છે. 

વાણિજ્ય મંત્રાલયના ડેટા અનુસાર, સર્વિસ એક્સપોર્ટ ૨૦૧૪-૧૫ના ૧૫૮.૧ બિલિયન યુએસ ડોલરથી વધીને ૨૦૨૫-૨૬માં ૪૨૧.૩ બિલિયન યુએસ ડોલર થઈ છે.

Also Read

ક્રૂડ ઓઇલના ભાવ ધડામ: 4 દિવસમાં 16% નો કડાકો; ભારતમાં પેટ્રોલ-ડીઝલ સસ્તા થવાની આશા | Crude Oil Price Crash: Petrol Diesel Rates May Decrease in India as Crude Drops 16%

આ ડેટા દર્શાવે છે કે દેશની કુલ નિકાસ (માલ અને સેવાઓ બંનેનો સમાવેશ થાય છે) ૨૦૧૪-૧૫માં ૪૬૮ બિલિયન યુએસ ડોલરથી વધીને ૨૦૨૫-૨૬માં ૮૬૩ બિલિયન યુએસ ડોલર થયો છે. 

Also Read

સોનુ નિગમને ગંભીર બીમારી થવા છતાં શૉ કેન્સલ ના કર્યો, કહ્યું – ખૂબ જ પીડા થાય છે… | sonu nigam reveals battling painful health condition undergoing medical treatment

છેલ્લા ૧૨ વર્ષોમાં સેવા નિકાસમાં મજબૂત વૃદ્ધિ નોંધાઈ છે. સોફ્ટવેર સર્વિસ સેક્ટરની વૃદ્ધિનો મુખ્ય ચાલકબળ રહ્યો છે, જે કુલ સેવા નિકાસમાં ૪૦ ટકાથી વધુ હિસ્સો ધરાવે છે, જ્યારે કોમર્શિયલ અને મેનેજમેન્ટ કન્સલ્ટન્સી બીજા ક્રમના સૌથી મોટા ફાળો આપનાર ક્ષેત્ર તરીકે ઉભરી આવ્યા છે. 

મંત્રાલયે જણાવ્યું હતું કે, છેલ્લા એક દાયકામાં સેવા નિકાસમાં વાર્ષિક ૯.૩ ટકાનો વૃદ્ધિ દર નોંધાયો છે. વેપારી માલની નિકાસ પણ ૨૦૧૪-૧૫માં ૩૧૦ અબજ ડોલરથી વધીને ૨૦૨૫-૨૬માં ૪૪૨ બિલિયન થઈ ગઈ છે.