સમાજવાદી પાર્ટી (સપા)ના રાષ્ટ્રીય અધ્યક્ષ અને ઉત્તર પ્રદેશના પૂર્વ મુખ્યમંત્રી અખિલેશ યાદવે પોતાનો 53મો જન્મદિવસ લખનૌ સ્થિત પાર્ટી મુખ્યાલયમાં કાર્યકરો અને નેતાઓની હાજરીમાં ધામધૂમથી ઉજવ્યો. આ પ્રસંગે રાજ્યભરમાંથી હજારોની સંખ્યામાં સપા કાર્યકરો મુખ્યાલય પહોંચ્યા હતા.
કાર્યકરો વચ્ચે મીઠાઈ વહેંચી ઉજવણી કરી
કેક કાપતા પહેલાં અખિલેશ યાદવને એક તલવાર ભેટ સ્વરૂપે અર્પણ કરવામાં આવી હતી. ત્યારબાદ તેમણે પાર્ટીના વરિષ્ઠ નેતાઓ સાથે કેક કાપી અને કાર્યકરો વચ્ચે મીઠાઈ વહેંચી ઉજવણી કરી. જન્મદિવસ નિમિત્તે યોજાયેલી પ્રેસ કોન્ફરન્સમાં અખિલેશ યાદવે હળવા અંદાજમાં કહ્યું કે, “અમે વર્ષમાં ઘણી વખત જન્મદિવસ ઉજવીએ છીએ. જે દિવસે કેક કે લાડુ ખાવાનું મન થાય, એ જ અમારો જન્મદિવસ છે.” તેમના આ નિવેદનથી હાજર કાર્યકરોમાં હાસ્યનું વાતાવરણ સર્જાયું હતું.
વીડિયો જોવા માટે અહીં ક્લિક કરો
આ પ્રસંગે અંદાજે 10 હજારથી વધુ કાર્યકરો અખિલેશ યાદવની એક ઝલક મેળવવા માટે સવારે જ મુખ્યાલય બહાર એકત્ર થયા હતા. કેક કાપ્યા બાદ કાર્યકરો તેમની સાથે હાથ મિલાવવા અને શુભેચ્છા પાઠવવા માટે ઉત્સાહિત જોવા મળ્યા. જન્મદિવસની ઉજવણી દરમિયાન અખિલેશ યાદવે ‘ભંડારા વાળી ગર્લ’ તરીકે જાણીતી અંજલિ મૈસીને સમાજવાદી પાર્ટીની સભ્યતા અપાવી હતી.
અખિલેશ યાદવે તમામ કાર્યકરો અને શુભેચ્છકોનો આભાર વ્યક્ત કર્યો
તેમણે જણાવ્યું કે અંજલિએ અગાઉ તેમને ભંડારામાં આમંત્રિત કર્યા હતા, જેના કારણે તેને સામાજિક અને રાજકીય રીતે મુશ્કેલીઓનો સામનો કરવો પડ્યો હતો. તેથી ડિજિટલ સભ્યતા અભિયાનની શરૂઆત અંજલિને પાર્ટીની પ્રથમ ડિજિટલ સભ્ય બનાવી છે. ઉત્તર પ્રદેશના વિવિધ જિલ્લાઓમાં પણ સપા કાર્યકરોએ અખિલેશ યાદવનો જન્મદિવસ કેક કાપી, વૃક્ષારોપણ, રક્તદાન અને જનસેવાના કાર્યક્રમો યોજીને ઉજવ્યો. અખિલેશ યાદવે તમામ કાર્યકરો અને શુભેચ્છકોનો આભાર વ્યક્ત કર્યો.
આ પણ વાંચો : Modi Cabinet Decision : દિલ્હીમાં 6,970 કરોડની ટનલને મંજૂરી, કાનપુર-કબરાઈ હાઈવેને પણ મળી લીલી ઝંડી
Follow Us On Google News
Follow Us On WhatsApp
Follow Us On facebook
Leave a Comment