ઉત્તર પ્રદેશના બહરાઇચ જિલ્લામાંથી હૃદયદ્રાવક ઘટના સામે આવી છે. ઘાઘરા નદીમાં હાથ-પગ ધોવા ગયેલા 12 વર્ષના બાળક પર મગરે હુમલો કર્યો હતો. કાકા અને ગ્રામજનોએ બાળકને બચાવવાના અનેક પ્રયાસો કર્યા, પરંતુ સફળતા મળી નહોતી. લગભગ પાંચ કલાકની શોધખોળ બાદ બાળકનો મૃતદેહ નદીમાંથી મળી આવ્યો. ઘટનાનો વીડિયો પણ સામે આવ્યો છે.
હાથ-પગ ધોવા ગયો અને મગરે કર્યો હુમલો
મળતી માહિતી મુજબ, બૌંડી પોલીસ સ્ટેશન વિસ્તારના મુરૌવા ગામનો રહેવાસી સુનીલ પોતાના કાકા સાથે ખેતરમાં ડાંગરની રોપણી કર્યા બાદ સાંજે ઘાઘરા નદીમાં હાથ-પગ ધોવા ગયો હતો. તે દરમિયાન અચાનક મગરે તેના પર હુમલો કર્યો અને તેને પાણીમાં ખેંચી ગયો.
કાકા અને ગ્રામજનોએ કર્યો બચાવનો પ્રયાસ
બાળકની ચીસો સાંભળીને તેના કાકા તેમજ આસપાસના ખેતરોમાં કામ કરતા લોકો ઘટનાસ્થળે દોડી આવ્યા હતા. ગ્રામજનોએ ઈંટ-પથ્થર ફેંકીને અને અન્ય રીતે બાળકને છોડાવવાનો પ્રયાસ કર્યો, પરંતુ મગર તેને ઊંડા પાણીમાં લઈ ગયો.
5 કલાક બાદ મળ્યો મૃતદેહ
ઘટના બાદ ગ્રામજનોએ વાંસ અને ટોર્ચની મદદથી લાંબા સમય સુધી નદીમાં શોધખોળ હાથ ધરી હતી. લગભગ પાંચ કલાક પછી ઘટનાસ્થળથી થોડે દૂર બાળકનો મૃતદેહ મળી આવ્યો. ત્યારબાદ પોલીસે મૃતદેહને પોસ્ટમોર્ટમ માટે મોકલી આપ્યો.
Follow Us On Google News
Follow Us On WhatsApp
Follow Us On facebook
Leave a Comment