બંગાળમાં ED પૂર્વ DCPના બંધ ઘરનું તાળું તોડી ઘરમાં ઘૂસી, ખંડણી રેકેટ મામલે દરોડાની કાર્યવાહી | ed raids west bengal extortion racket former dc shantanu sinha biswas kolkata

ED Action in West Bengal: પશ્ચિમ બંગાળમાં કથિત ખંડણી અને કરોડો રૂપિયાના ભ્રષ્ટાચારના નેટવર્કનો પર્દાફાશ કરવા માટે કેન્દ્રીય એજન્સી EDએ શુક્રવારે વહેલી સવારથી જ મોરચો સંભાળ્યો છે. કોલકાતા અને મુર્શિદાબાદમાં એકસાથે અનેક સ્થળોએ દરોડા પાડવામાં આવતા વહીવટી અને રાજકીય આલમમાં ફફડાટ વ્યાપી ગયો છે.

Also Read

સરેન્ડર, સસ્પેન્સ અને સવાલઃ MPના ટ્વિશા શર્મા મોત કેસમાં નવો ટ્વિસ્ટ! | MP High Court Orders Re Postmortem In Twisha Sharma Suicide Case CBI To Investigate

સવારના 6 વાગ્યાથી એકસાથે ત્રાટકી ટીમો

Also Read

‘રાજ્યસભા સીટ કેટલામાં વેચી?’ ગદ્દાર કહેવા પર ભડક્યા હરભજન સિંહ, AAP હાઇકમાન્ડ પર લગાવ્યા ગંભીર આક્ષેપ | Harbhajan Singh Slams AAP Rajya Sabha Seat Selling Allegations After Joining BJP

EDની ટીમોએ શુક્રવારે વહેલી સવારે 6 વાગ્યાની આસપાસ કોલકાતા અને મુર્શિદાબાદમાં વિવિધ સ્થળોએ સર્ચ ઓપરેશન શરૂ કર્યું હતું. આ રેકેટ મુખ્યત્વે સોના પપ્પુ તરીકે ઓળખાતા શખ્સ અને કોલકાતા પોલીસના પૂર્વ ડેપ્યુટી કમિશનર શાંતનુ સિંહા બિસ્વાસ દ્વારા ચલાવવામાં આવી રહ્યું હોવાના આક્ષેપ છે.

બંધ બંગલાના તાળાં તોડીને ED અંદર ઘૂસી

સૌથી મોટી કાર્યવાહી મુર્શિદાબાદ જિલ્લાના કાંડી શહેરમાં જોવા મળી. અહીં પૂર્વ પોલીસ અધિકારી શાંતનુ સિંહા બિસ્વાસના આલીશાન પૈતૃક આવાસ પર EDની ટીમ પહોંચી હતી. આ ઘર છેલ્લા એક અઠવાડિયાથી બંધ હતું. EDના અધિકારીઓએ શરૂઆતમાં આસપાસના લોકો સાથે પૂછપરછ કરી અને ત્યારબાદ ઘરનું તાળું તોડીને અંદર પ્રવેશ કર્યો હતો. ખાસ વાત એ છે કે, શાંતનુ બિસ્વાસની બહેન ગૌરી સિંહા બિસ્વાસ હાલમાં કાંડી નગરપાલિકાના ઉપપ્રમુખ છે. જો કે, દરોડા દરમિયાન તેઓ પણ ઘરે હાજર નહોતા.

આ પણ વાંચો : અમદાવાદ એરપોર્ટ પરથી 20 કરોડના ગાંજા સાથે મુસાફરની ધરપકડ, ટ્રોલી બેગમાંથી 19 પેકેટ જપ્ત

કોણ છે શાંતનુ સિંહા બિસ્વાસ?

શાંતનુ સિંહા કોલકાતાના હાઈ-પ્રોફાઈલ કાલીઘાટ પોલીસ સ્ટેશનના પૂર્વ ઇન્સ્પેક્ટર-ઇન-ચાર્જ અને ડેપ્યુટી કમિશનર રહી ચૂક્યા છે. તેઓ હાલમાં જમીન કૌભાંડ અને નાણાકીય છેતરપિંડીના એક કેસમાં પહેલેથી જ EDની કસ્ટડીમાં છે.

કોલકાતામાં ક્યાં-ક્યાં થયા દરોડા?

ખંડણીના આ નેટવર્કના છેડા શોધવા માટે EDએ કોલકાતામાં પણ સપાટો બોલાવ્યો છે. રોય સ્ટ્રીટ પર આવેલી એક હોટેલ અને એક જાણીતા ઉદ્યોગપતિના ઘર પર સર્ચ ઓપરેશન હાથ ધરાયું. કોલકાતા પોલીસના એક વર્તમાન સબ-ઇન્સ્પેક્ટરના ઘરે પણ એજન્સીની ટીમ તપાસ માટે પહોંચી છે. 

તપાસનો મુખ્ય હેતુ

ED હાલમાં પોલીસ અધિકારીઓ, રાજકારણીઓ અને ગુનેગારો વચ્ચેના ગેરકાયદેસર આર્થિક વ્યવહારોના પુરાવા એકત્રિત કરી રહી છે. આ દરોડા દરમિયાન મહત્વના દસ્તાવેજો, ડિજિટલ રેકોર્ડ્સ અને બેંક ખાતાઓની વિગતો શોધવામાં આવી રહી છે. આગામી દિવસોમાં આ મામલે બંગાળ પોલીસના કેટલાક વધુ મોટા અધિકારીઓની સંડોવણી બહાર આવે તેવી પૂરેપૂરી શક્યતા છે.