નીતિશ કુમારને જીવતા દફનાવી દીધા, JDU થેલા પાર્ટી બની ગઈ છે…’, દિગ્ગજ નેતા ભડક્યાં | anand mohan chetan anand jdu nitish kumar poster controversy

Bihar Politics Latest News 2026: બિહારના રાજકારણમાં ભારે ગરમાવો આવી ગયો છે. બાહુબલી નેતા અને પૂર્વ સાંસદ આનંદ મોહન તેમજ તેમના ધારાસભ્ય પુત્ર ચેતન આનંદે પોતાની જ સાથી પાર્ટી જનતા દળ (યુનાઇટેડ) એટલે કે JDU અને સરકાર સામે મોરચો ખોલી દીધો છે. પત્ની લવલી આનંદ JDUના સાંસદ અને પુત્ર ચેતન આનંદ JDUના ધારાસભ્ય હોવા છતાં, આનંદ મોહને નીતિશ કુમારની પાર્ટી પર ગંભીર આક્ષેપો કર્યા છે.

નીતિશ કુમારને જીવતા જ દફનાવી દેવાયા

Also Read

ચીનનો એકાધિકાર તોડવા ભારત-અમેરિકાનો મોટો પ્લાન : કિંમતી ખનીજો માટે કર્યો ઐતિહાસિક કરાર | India US Sign 20 Billion Rare Earth Minerals Deal To Reduce Economic Reliance On China

સીતામઢીના ડુમરા રોડ પર આવેલા એક હોટેલ સભાગૃહમાં મહારાણા પ્રતાપની પ્રતિમા સ્થાપના સમારોહની તૈયારી બેઠક દરમિયાન આનંદ મોહન અને ચેતન આનંદે JDU પર આકરા પ્રહારો કર્યા હતા. JDU ધારાસભ્ય ચેતન આનંદે જણાવ્યું કે, જે નીતિશ કુમારે કઠિન સમય વેઠીને JDUને આ સ્થાને પહોંચાડી, આજે તેમને જીવતા જ દફનાવી દેવામાં આવ્યા છે. સરકારી પોસ્ટરો કે બોર્ડમાં ક્યાંય નીતિશ કુમારનો ચહેરો નથી.

Also Read

ફ્રોડ થશે તેવી બીકથી લોકો માહિતી આપતા ડરે છે, કૂતરાથી બચવા લાકડી રાખવી પડે છે | challenges faced by teachers in cencus 2026 in vadodara

ડેપ્યુટી સીએમના નામ ગાયબ

ચેતન આનંદે સવાલ ઉઠાવ્યો કે બિહારમાં અત્યારે જે બોર્ડ લાગી રહ્યા છે, તેમાં ઉપમુખ્યમંત્રી વિજય ચૌધરી અને બિજેન્દ્ર યાદવના નામ કેમ નથી? જ્યારે પણ શપથ ગ્રહણ થાય છે ત્યારે ઘટક પક્ષોના બે-બે ડેપ્યુટી સીએમની તસવીરો હોય છે, પણ 85 ધારાસભ્યોનું સમર્થન ધરાવતા નીતિશ કુમારની ફોટો કેમ ગાયબ છે? તેમણે ઉમેર્યું કે, “હું ભાજપને દોષ નહીં આપું, કારણ કે દરેક પાર્ટી એકાધિકાર ઈચ્છે છે. પરંતુ JDUના પોતાના નેતાઓ કેમ અવાજ નથી ઉઠાવતા કે નીતિશ કુમારને પોસ્ટરમાંથી કેમ બહાર કરી દેવાયા?”

JDUમાં ચાલી રહી છે થેલીની રાજનીતિ

પૂર્વ સાંસદ આનંદ મોહને નીતિશ કુમારની મજબૂરીનો ફાયદો ઉઠાવવામાં આવી રહ્યો હોવાનો દાવો કર્યો છે. તેમણે JDU પર ગંભીર આરોપ લગાવતા કહ્યું કે, હાલમાં પાર્ટીમાં ‘થેલીની રાજનીતિ’ (પૈસાનો ખેલ) ધમધમી રહી છે. જે લોકોએ પૈસાની થેલી પહોંચાડી, તેઓ મંત્રી બની ગયા છે. એક નેરેટિવ સેટ કરવાનો પ્રયાસ થાય છે કે, આનંદ મોહન પોતાના પુત્રને મંત્રી બનાવવા માટે બોખલાયા છે, પરંતુ હકીકત એ છે કે ચેતન આનંદે સરકાર બચાવી હતી. જો મારો પુત્ર સરકાર બચાવશે, તો સરકાર માત્ર તમે નહીં ચલાવો, ચેતન આનંદ પણ સરકાર ચલાવશે અને એ સમય પણ આવવાનો છે.

ટાઇગર અભી ઝિંદા હૈ, સિંગ ઇઝ કિંગ

આનંદ મોહને ચેતવણી આપતા કહ્યું કે, જે લોકો આવું કરી રહ્યા છે તેઓ માત્ર JDUનું જ નહી પરંતુ સમગ્ર NDA ગઠબંધનને ડૂબાડી રહ્યા છે. જો આજે ચૂંટણી થાય તો સ્થિતિ સ્પષ્ટ થઈ જશે. આરા-બક્સરની MLC ચૂંટણીમાં પૈસાના ખેલનો પણ જવાબ મળી ચૂક્યો છે અને બીજી ચૂંટણી પણ આવવાની છે. અંતમાં તેમણે આક્રમક અંદાજમાં કહ્યું કે, “લોકો કહે છે ને કે ટાઇગર અભી ઝિંદા હૈ… સિંગ ઇઝ કિંગ… બસ તમે જોતા રહો!”