215 કરોડનો મહાઠગાઈ કેસમાં સુકેશ-જેકલીનની મુશ્કેલી વધી, આરોપો નક્કી કરાયા, 16 જુલાઈએ સુનાવણી | Sukesh Jacqueline Extortion Case: Court Frames Charges In Rs 215 Crore Money Laundering Scam

Sukesh Chandrashekhar And Jacqueline Fernandez Case : રૂ.215 કરોડની ઠગાઈ અને મની લોન્ડરિંગના હાઈ-પ્રોફાઈલ કેસમાં બોલિવૂડ અભિનેત્રી જેકલીન ફર્નાન્ડિસ, મહાઠગ સુકેશ ચંદ્રશેખર અને તેની પત્ની લીના મારિયા પોલ સહિત 17 આરોપીઓની મુશ્કેલીઓ વધી ગઈ છે. આ કેસમાં નવો વળાંક પણ આવ્યો છે. દિલ્હીની પટિયાલા હાઉસ કોર્ટે તમામ આરોપીઓ વિરૂદ્ધ પ્રિવેન્શન ઓફ મની લોન્ડરિંગ એક્ટ (PMLA) હેઠળ આરોપો નક્કી કરી દીધા છે. આ ઉપરાંત મકોકા હેઠળ પણ કાર્યવાહી આરોપીઓ સામે આરોપો નક્કી કરાયા છે.

આરોપીઓએ ગુના સ્વીકારવાનો ઈનકાર કર્યો

Also Read

ઊર્જા બચાવો ઝુંબેશ વચ્ચે LPG-પેટ્રોલ-ડીઝલના વેચાણના સામે આવ્યા ચોંકાવનારા આંકડા, જુઓ રિપોર્ટ | India Fuel Sales Report: Diesel And Petrol Demand Rises While LPG Sales Plunge By 24%

અદાલતમાં તમામ આરોપીઓએ આ ગુના સ્વીકારવાનો ઈનકાર કર્યો છે, જેથી હવે આ કેસમાં કાયદેસરની ટ્રાયલ ચલાવવાનો રસ્તો સાફ થઈ ગયો છે. મની લોન્ડરિંગના આ કેસમાં હવે આગામી સુનાવણી 16 જુલાઈએ હાથ ધરાશે.

Also Read

શહેરના ૧૪ મુખ્ય માર્ગો પર લારી-ગલ્લા પર સંપૂર્ણ પ્રતિબંધ મૂકાયો | Complete ban on lorries and trucks on 14 main roads of the city

મકોકા હેઠળ પણ કાર્યવાહી : સુકેશે હસ્તાક્ષર કરવાનો ઈનકાર કર્યો

મની લોન્ડરિંગ ઉપરાંત, સંગઠિત ગુનાખોરી સાથે જોડાયેલા મકોકા (MCOCA) કેસમાં પણ કોર્ટે 21 આરોપીઓ સામે આરોપો નક્કી કર્યા છે. જોકે, સુકેશ ચંદ્રશેખરે મકોકા કેસના દસ્તાવેજો પર હસ્તાક્ષર કરવાનો ઈનકાર કરી દીધો હતો. હવે આ બંને કેસમાં તમામ આરોપીઓ વિરૂદ્ધ કોર્ટમાં ટ્રાયલ ચાલશે. મકોકા કેસની આગામી સુનાવણી 14 જુલાઈએ હાથ ધરાશે. અગાઉ 30 મેના રોજ કોર્ટે આરોપો નક્કી કરવાનો આદેશ આપીને તમામ આરોપીઓને 3 જૂને કોર્ટમાં હાજર થઈ દસ્તાવેજો પર ઔપચારિક હસ્તાક્ષર કરવા નિર્દેશ આપ્યો હતો.

આ પણ વાંચો : જૂના વાહનોના સ્થાને નવા વાહનો ખરીદવાની યોજના સહિત રૂ.39,290 કરોડના અનેક પ્રોજેક્ટોને મંજૂરી

જેલની અંદરથી જ ઓપરેટ થતું હતું કરોડોનું નેટવર્ક

આ સમગ્ર મામલો દિલ્હી પોલીસમાં અદિતિ સિંહ દ્વારા નોંધાવવામાં આવેલી ફરિયાદના આધારે શરૂ થયો હતો. કોર્ટના જણાવ્યા મુજબ, સુકેશ ચંદ્રશેખરે જેલના સત્તાવાળાઓની કથિત મદદથી જેલની અંદર રહીને જ એક મોટું નેટવર્ક ઊભું કર્યું હતું. તેણે ટેકનોલોજીનો ઉપયોગ કરીને પોતાના મોબાઈલની ઓળખ છુપાવી હતી અને પોતાને તત્કાલીન કાયદા સચિવ અનૂપ કુમાર તથા ગૃહ સચિવ અજય ભલ્લા ગણાવીને અદિતિ સિંહ પાસેથી આશરે 215 કરોડ રૂપિયા પડાવી લીધા હતા.

સુકેશ જેલમાંથી ખંડણી વસૂલતો

તપાસમાં બહાર આવ્યું છે કે, સુકેશ હવાલા ઓપરેટરો અને એન્ટ્રી ઓપરેટરોના સંપર્કમાં હતો. તે જેલમાંથી જ ખંડણી વસૂલતો અને આ નાણાંને વૈભવી કારોની ખરીદી કે સલૂનના બિઝનેસમાં રોકીને ઠેકાણે પાડતો હતો. આ ગુનાના નાણાંને કાયદેસરના બતાવવામાં બી. મોહનરાજ, દીપક રમનાની અને પિંકી ઈરાની જેવા લોકો સક્રિય હતા.

એજન્સીને પાક્કા પુરાવા મળ્યા

પિંકી ઈરાનીએ સુકેશના ગુનાના નાણાં પોતાના બેંક ખાતામાં મેળવ્યા એટલું જ નહીં, મની લોન્ડરિંગ માટે પોતાના એકાઉન્ટનો ઉપયોગ પણ કરવા દીધો હતો. તપાસ દરમિયાન જપ્ત કરાયેલા મોબાઈલમાંથી મળેલા બિલ મુજબ, સુકેશે સીધા 2.72 કરોડ રૂપિયાની ચૂકવણી કરી હોવાના પુરાવા મળ્યા છે, જે તપાસ એજન્સીના દાવાને મજબૂત કરે છે. આ કેસમાં જેકલીન ફર્નાન્ડિસની ભૂમિકા અંગે પણ કોર્ટે ગંભીર ટિપ્પણીઓ કરી છે.

આ પણ વાંચો : ઈન્દિરા ગાંધીએ 1968માં રોપેલા બીજ હવે બનશે ‘વટવૃક્ષ’! સંકટ વચ્ચે પણ ઓઈલ આપશે આ દેશ