આ કિસ્સો તેલંગાણાના વારંગલનો છે. એક મુસાફરે અંબેડકર જંકશનથી સુબેદારી જવા માટે માત્ર ₹26ની રેપિડો રાઇડ બુક કરી હતી.
જોકે, જ્યારે રાઇડર લોકેશન પર પહોંચ્યો ત્યારે મુસાફર દંગ રહી ગયો, કારણ કે રાઇડર એનુમામુલા પોલીસ સ્ટેશનની ઓફિશિયલ સરકારી મોટરસાઇકલ (નંબર TS 09 PC 2795) લઈને આવ્યો હતો.
મિત્ર કોન્સ્ટેબલ છે કહીને બચાવવાનો પ્રયાસ
જ્યારે મુસાફરે આશ્ચર્યચકિત થઈને પોલીસ વાહનના ઉપયોગ અંગે પૂછપરછ કરી, ત્યારે બાઇક ચાલકે દાવો કર્યો કે આ મોટરસાઇકલ તેને તેના મિત્રએ આપી છે જે પોલીસમાં કોન્સ્ટેબલ છે.
શંકાસ્પદ જણાતાં મુસાફરે આ આખી વાતચીતનો વીડિયો રેકોર્ડ કરી લીધો હતો, જે બાદમાં સોશિયલ મીડિયા પર વાયરલ થયો હતો. ઉલ્લેખનીય છે કે, આ ‘બ્લુ કોલ્ટ’ બાઇક્સનો ઉપયોગ પોલીસ માત્ર ઇમરજન્સી ગશ્ત અને ગુનાના સ્થળે ઝડપથી પહોંચવા માટે જ કરી શકે છે.
Follow Us On Google News
Follow Us On WhatsApp
Follow Us On facebook
Leave a Comment