Suryakumar Yadav : રણજીમાં ઝટકો, હવે કેપ્ટનશિપની ભેટ! સૂર્યકુમાર યાદવને મુંબઈ ટીમની મોટી જવાબદારી

સૂર્યકુમાર યાદવ ઘરેલુ ક્રિકેટમાં પોતાની કેપ્ટનશિપનો જલવો બતાવવા મેદાનમાં ઉતરશે. તેને આગામી સૈયદ મુશ્તાક અલી ટ્રોફી (ટી-20) અને વિજય હઝારે ટ્રોફી (વન-ડે) માટે મુંબઈ ટીમની કમાન સોંપવામાં આવી છે. મુંબઈ ક્રિકેટ એસોસિએશન (MCA)ની સિનિયર પસંદગી સમિતિએ આ મહત્વનો નિર્ણય લીધો છે. મીડિયા રિપોર્ટ્સ અનુસાર, આ સિઝનમાં રમાનારી બંને વ્હાઇટ-બોલ ટુર્નામેન્ટમાં સૂર્યકુમાર મુંબઈની આગેવાની કરશે.

રણજી ટ્રોફીમાં અવગણના બાદ વ્હાઇટ બોલમાં શાનદાર વાપસી
રસપ્રદ વાત એ છે કે સૂર્યકુમારને આ જવાબદારી એવા સમયે મળી છે જ્યારે ગયા મહિને જ તેને મુંબઈની રણજી ટ્રોફી (રેડ બોલ) ટીમમાં જગ્યા મળી ન હતી. સૂર્યાએ સમગ્ર ઘરેલુ સિઝન માટે પોતાની ઉપલબ્ધતા દર્શાવી હતી તેમછતાં પસંદગીકારોએ તેને રેડ બોલ ટીમમાં સામેલ કર્યો ન હતો. તે સમયે પસંદગીકારોની દલીલ હતી કે સૂર્યકુમારે તાજેતરના સમયમાં પૂરતું રેડ બોલ ક્રિકેટ રમ્યું નથી. જોકે, હવે વ્હાઇટ-બોલ ક્રિકેટમાં તેની કેપ્ટન તરીકે વાપસીએ સમગ્ર ચિત્ર બદલી નાખ્યું છે.

14 નવેમ્બરથી કોલકાતામાં થશે મુંબઈના અભિયાનની શરૂઆત
મુંબઈની ટીમ સૈયદ મુશ્તાક અલી ટ્રોફીમાં પોતાના અભિયાનની શરૂઆત 14 નવેમ્બરથી કોલકાતામાં કરશે. મુંબઈને એલિટ ગ્રુપ-ડી (D)માં રાખવામાં આવ્યું છે. આ ગ્રુપમાં મુંબઈની સાથે હૈદરાબાદ, છત્તીસગઢ, ગોવા, ગુજરાત, ઓડિશા, ઉત્તરાખંડ અને વિદર્ભની ટીમો સામેલ છે. મુંબઈનો પ્રથમ મુકાબલો હૈદરાબાદની મજબૂત ટીમ સામે થશે.

Also Read

ઓકલેન્ડમાં વિરાટ કોહલીનો મહારેકોર્ડ! વન-ડેમાં નંબર-3 પર 13 હજાર રનનો આંકડો પાર

9 નવેમ્બરે થશે ટીમની પસંદગી અને પ્રેક્ટિસ મેચોનું આયોજન
મુંબઈ ક્રિકેટ એસોસિએશનના એક સૂત્રના જણાવ્યા અનુસાર સિનિયર પસંદગી સમિતિએ આ સિઝનની બંને વ્હાઇટ-બોલ ટુર્નામેન્ટ માટે સૂર્યકુમારને કેપ્ટન બનાવવાનો અંતિમ નિર્ણય લીધો છે. ટીમની અંતિમ પસંદગી પહેલા ખેલાડીઓના પ્રદર્શનને ચકાસવા માટે 7 અને 9 નવેમ્બરના રોજ પ્રેક્ટિસ મેચો રમાડવામાં આવશે. 9 નવેમ્બરે જ મુંબઈની ટીમની સત્તાવાર જાહેરાત થશે, જ્યારે પસંદગી પામેલા ખેલાડીઓ 11 નવેમ્બરે કોલકાતા જવા રવાના થશે.

Also Read

₹4,000 કરોડની ‘રામાયણ’ને બાદશાહે ગણાવી ‘સિનેમેટિક માસ્ટરપીસ’! ફિલ્મ જોઈને થયા ભાવુક

ટી-20 વર્લ્ડકપની ઐતિહાસિક જીત બાદ નવી જવાબદારી
સૂર્યકુમાર યાદવ માટે આ સિઝન ખૂબ જ ખાસ રહેવાની છે. તેની કેપ્ટનશિપમાં ભારતીય ટીમે 2026 ટી-20 વર્લ્ડકપનો ખિતાબ જીતીને ઇતિહાસ રચ્યો હતો. હવે તે આંતરરાષ્ટ્રીય સ્તરના કેપ્ટનશિપના અનુભવને મુંબઈની ઘરેલુ ટીમ સાથે શેર કરશે. આંતરરાષ્ટ્રીય ક્રિકેટમાં પોતાની 360-ડિગ્રી વિસ્ફોટક બેટિંગ માટે જાણીતા સૂર્યકુમાર સામે હવે મુંબઈને ઘરેલુ ખિતાબ અપાવવાનો મોટો પડકાર રહેશે.

મુંબઈ ક્રિકેટનો ગૌરવશાળી ઇતિહાસ અને સૂર્યાનો અનુભવ
ભારતીય ઘરેલુ ક્રિકેટમાં મુંબઈનો ઈતિહાસ ખૂબ જ શાનદાર રહ્યો છે. રણજી ટ્રોફી હોય કે લિમિટેડ ઓવરની ટુર્નામેન્ટ, મુંબઈની ટીમે હંમેશા મજબૂત દાવેદારી નોંધાવી છે અને સૌથી વધુ ટાઇટલ જીત્યા છે. આવા સંજોગોમાં સૂર્યકુમાર જેવા અનુભવી અને આક્રમક ખેલાડીની કેપ્ટનશિપ ટીમના યુવા ખેલાડીઓ માટે ખૂબ જ ફાયદાકારક સાબિત થઈ શકે છે.