US Air Strikes on Iran : અમેરિકી હુમલા બાદ ખાડીમાં તણાવ ચરમસીમાએ, કુવૈત પર ડ્રોન-મિસાઈલ એટેક; બહેરીનમાં કટોકટીના સાયરન

અમેરિકા અને ઈરાન વચ્ચેનો તણાવ હવે વધુ ભયાનક સ્વરૂપ ધારણ કરી રહ્યો છે. અમેરિકી એરસ્ટ્રાઈક બાદ ખાડી વિસ્તારમાં સ્થિતિ અત્યંત સંવેદનશીલ બની ગઈ છે. બહેરીનમાંથી મળતી માહિતી મુજબ સમગ્ર દેશમાં અચાનક કટોકટીના સાયરન વાગતા નાગરિકોમાં ભયનો માહોલ ફેલાયો હતો.

બહેરીનના ગૃહ મંત્રાલયે તાત્કાલિક સુરક્ષા એલર્ટ જાહેર કરીને તમામ નાગરિકો અને પ્રવાસીઓને વિલંબ કર્યા વગર નજીકના સુરક્ષિત સ્થળો અને શેલ્ટરમાં જવા સૂચના આપી છે. ઘટનાને પગલે બહેરીનની તમામ સુરક્ષા એજન્સીઓ હાઈ એલર્ટ પર મુકાઈ ગઈ છે.

અમેરિકાનો ઈરાન પર મોટો હવાઈ પ્રહાર
મિડલ ઈસ્ટમાં તણાવ ત્યારે વધુ ભડક્યો જ્યારે અમેરિકી સેનાએ મંગળવાર મોડી રાતથી ઈરાન વિરુદ્ધ વિશાળ સૈન્ય કાર્યવાહી શરૂ કરી હતી, જે બુધવાર સવાર સુધી ચાલુ રહી હતી. અમેરિકી સેનાના દાવા મુજબ આ ઓપરેશનમાં ઈસ્લામિક રિવોલ્યુશનરી ગાર્ડ કોર્પ્સ (IRGC) સાથે જોડાયેલા 80થી વધુ સૈન્ય ઠેકાણાઓને નિશાન બનાવવામાં આવ્યા હતા.

Also Read

Mumbai Rain Havoc : મુંબઈમાં વરસાદનો તાંડવ, શહેર ‘વર્ચ્યુઅલ ટાપુ’ બન્યું; રેલવે-હાઈવે વ્યવસ્થા ખોરવાઈ

હુમલામાં એર ડિફેન્સ સિસ્ટમ, કમાન્ડ એન્ડ કંટ્રોલ સેન્ટર, કોસ્ટલ રડાર સ્ટેશન, એન્ટી-શિપ મિસાઈલ લોન્ચર, ડ્રોન લોન્ચ સાઈટ અને 60થી વધુ હાઈ-સ્પીડ બોટ્સને ભારે નુકસાન પહોંચાડવામાં આવ્યું હોવાનું કહેવામાં આવ્યું છે. બંદર અબ્બાસ, કેશ્મ દ્વીપ અને સીરિક આસપાસના અનેક લશ્કરી મથકો પણ આ હુમલાની ઝપેટમાં આવ્યા હોવાનું સામે આવ્યું છે.

Also Read

Chaos at Mamata Banerjees rally : ‘મહિલાઓ સાથે મારપીટ થઈ…’ કોલકાતામાં રાજકીય ગરમાવો, મમતા બેનર્જીએ જાતે કરવો પડ્યો બચાવ

બહેરીન સરકારની તાત્કાલિક એડવાઈઝરી
પરિસ્થિતિની ગંભીરતાને જોતા બહેરીનના ગૃહ મંત્રાલયે જનતાને શાંતિ જાળવવા અને માત્ર સત્તાવાર માધ્યમો પર વિશ્વાસ રાખવા અપીલ કરી છે.

મંત્રાલયે સોશિયલ મીડિયા પર ફેલાતી અફવાઓથી દૂર રહેવા જણાવ્યું છે અને સુરક્ષા દળોના નિર્દેશોનું કડક પાલન કરવા કહ્યું છે. સરકાર દ્વારા જાહેર કરાયેલા આ એલર્ટ બાદ સમગ્ર દેશમાં સુરક્ષા વ્યવસ્થા વધુ કડક બનાવવામાં આવી છે.

કુવૈત પર ઈરાનનો વળતો પ્રહાર, એર ડિફેન્સ સક્રિય
અમેરિકી હુમલા બાદ ઈરાને ખાડી વિસ્તારમાં જવાબી કાર્યવાહી શરૂ કરી હોવાનું સામે આવ્યું છે. કુવૈતને નિશાન બનાવીને ડ્રોન અને મિસાઈલ હુમલો કરવામાં આવ્યો હોવાની પુષ્ટિ કુવૈતની સેનાએ કરી છે.

કુવૈતી સૈન્ય જનરલ સ્ટાફના જણાવ્યા અનુસાર દેશની એર ડિફેન્સ સિસ્ટમ સંપૂર્ણ સક્રિય છે અને હવામાં જ આવતી મિસાઈલો તથા ડ્રોનને નિષ્ક્રિય કરવાની કાર્યવાહી ચાલી રહી છે. સેનાએ લોકોને આકાશમાં થતા વિસ્ફોટોથી ગભરાવું નહીં અને તરત જ સુરક્ષિત સ્થળે ખસી જવા અપીલ કરી છે. ખાડીમાં વધતા તણાવને કારણે સમગ્ર વિસ્તારની સ્થિતિ અત્યંત ચિંતાજનક બની ગઈ છે.