આ દરમિયાન તેલુગુ સિનેમાની જાણીતી અભિનેત્રી રૂહાની શર્માનું એક જૂનું નિવેદન ફરી એકવાર સોશિયલ મીડિયા પર જોરશોરથી વાયરલ થઈ રહ્યું છે. આ અભિનેત્રીએ પોતાને અનુષ્કા શર્માની કઝિન બહેન ગણાવી હતી અને વિરાટ કોહલીને પોતાના જીજાજી (બનેવી) કહ્યા હતા.
કોણ છે સાઉથ સિનેમાની એક્ટ્રેસ રૂહાની શર્મા?
રૂહાની શર્મા મૂળ હિમાચલ પ્રદેશના સોલનની વતની છે. તેનો જન્મ 18 સપ્ટેમ્બર 1994ના રોજ થયો હતો અને તેણે પોતાનો ઉચ્ચ અભ્યાસ ચંડીગઢથી પૂર્ણ કર્યો હતો. અભિનય ક્ષેત્રે પગ મૂકતા પહેલાં તેણે મોડેલિંગથી શરૂઆત કરી હતી. તેણે વર્ષ 2018માં રિલીઝ થયેલી તેલુગુ રોમેન્ટિક ફિલ્મ ‘ચી લા સૌ’ (Chi La Sow) થી ડેબ્યૂ કર્યું હતું, જેનું નિર્દેશન રાહુલ રવિન્દ્રને કર્યું હતું. આ ફિલ્મમાં તેના સહજ અભિનયના દર્શકો અને સમીક્ષકો દ્વારા ભારે વખાણ કરવામાં આવ્યા હતા.
‘વિરાટ મારા જીજુ લાગે છે’: ઈન્ટરવ્યુમાં કરેલો ખુલાસો
રૂહાની શર્મા અને વિરાટ કોહલી વચ્ચેના આ જોડાણની ચર્ચા એક ઈન્ટરવ્યુ બાદ શરૂ થઈ હતી. વાતચીત દરમિયાન જ્યારે તેને પરિવાર અંગે પૂછવામાં આવ્યું ત્યારે રૂહાનીએ જણાવ્યું હતું કે, તે બોલિવૂડ એક્ટ્રેસ અનુષ્કા શર્માની કઝિન છે. આ પારિવારિક સંબંધના આધારે વિરાટ કોહલી તેના ‘જીજુ’ થાય છે. જોકે, અનુષ્કા કે વિરાટે જાહેરમાં ક્યારેય આ સંબંધ અંગે કોઈ નિવેદન આપ્યું નથી, પરંતુ રૂહાનીના આ દાવાએ ચાહકોનું ધ્યાન ખેંચ્યું હતું.
જાણીતી ફિલ્મો અને કાન ફિલ્મ ફેસ્ટિવલ સુધીની સફર
ડેબ્યૂ ફિલ્મ સફળ રહ્યા બાદ રૂહાનીએ મલયાલમ ફિલ્મ ‘કમલા’માં મહત્વપૂર્ણ રોલ કર્યો હતો. આ ઉપરાંત તેલુગુમાં ‘હિત: ધ ફર્સ્ટ કેસ’ (HIT: The First Case), ‘ડર્ટી હરી’ અને ‘101 જિલ્લાલા અંદાગાડુ’ જેવી ફિલ્મોમાં તેણે પોતાની એક્ટિંગ સ્કિલ્સ સાબિત કરી હતી. એક્શન ફિલ્મ ‘સૈંધવ’માં તેણે સાઉથના સુપરસ્ટાર વેંકટેશ દગ્ગુબાતી સાથે સ્ક્રીન શેર કરી હતી. ખાસ વાત એ છે કે તેની હિન્દી ઇન્ડિપેન્ડન્ટ ફિલ્મ ‘આગ્રા’ (Agra) પ્રતિષ્ઠિત કાન ફિલ્મ ફેસ્ટિવલ (Cannes Film Festival) માં પ્રદર્શિત થઈ હતી, જ્યાં તેના બોલ્ડ અને પડકારજનક પાત્રની આંતરરાષ્ટ્રીય સ્તરે પ્રશંસા થઈ હતી.
પંજાબી મ્યુઝિક વીડિયોથી શરૂઆત અને સો.મીડિયા પર લોકપ્રિયતા
ફિલ્મોમાં આવતા પહેલાં રૂહાનીએ પંજાબી મ્યુઝિક ઇન્ડસ્ટ્રીમાં કામ કર્યું હતું. ‘કુડી તું પટાકા’ અને એમી વિર્કના ‘ડેટ’ જેવા જાણીતા ગીતોમાં તે મોડેલ તરીકે જોવા મળી હતી. હાલના દિવસોમાં તે પસંદગીની સ્ક્રિપ્ટ્સ પર જ કામ કરી રહી છે અને ફિલ્મોથી થોડું અંતર રાખ્યું છે. આમ છતાં, સોશિયલ મીડિયા પર તેની સક્રિયતા જબરદસ્ત છે. ઇન્સ્ટાગ્રામ પર તેના લાખો ફોલોઅર્સ છે, જ્યાં તે પોતાના ગ્લેમરસ અને ટ્રેડિશનલ ફોટોશૂટ શેર કરીને ચાહકો સાથે જોડાયેલી રહે છે.
વિરાટ અને અનુષ્કાનું અંગત જીવન અને લાઈમલાઈટથી અંતર
વિરાટ કોહલી અને અનુષ્કા શર્માની પહેલી મુલાકાત વર્ષ 2013માં એક શેમ્પૂની જાહેરાતના શૂટિંગ દરમિયાન થઈ હતી. થોડા વર્ષોના ડેટિંગ બાદ બંનેએ ડિસેમ્બર 2017માં ઇટાલીમાં શાહી અંદાજમાં લગ્ન કર્યા હતા. આજે આ સેલિબ્રિટી કપલ બે બાળકો – પુત્રી વામિકા અને પુત્ર અકાયના માતા-પિતા છે. ‘વિરુષ્કા’ પોતાના પરિવારની અંગત પળોને કેમેરાથી દૂર રાખવાનું પસંદ કરે છે. આ જ કારણથી તેમના પરિવાર સાથે જોડાયેલી કોઈપણ નાની વાત પણ સોશિયલ મીડિયા પર ઝડપથી વાયરલ થઈ જતી હોય છે.
Follow Us On Google News
Follow Us On WhatsApp
Follow Us On facebook