વ્હે પ્રોટીન પીતા જ ગેસ, પેટમાં ભારેપણું કે છાતીમાં બળતરા? શેક લેવાની આ ભૂલો ટાળો, જાણો પાચન સુધારવાની રીત

આ સમાચાર તમારા માટે મહત્વના છે. જરૂરિયાત કરતાં વધુ પ્રોટીન લેવાથી, ભારે પ્રોટીન શેક પીવાથી કે એકસાથે વધુ ખોરાક ખાવાથી છાતીમાં બળતરા, એસિડિટી અને એસિડ રિફ્લક્સની સમસ્યા થઈ શકે છે. વાસ્તવમાં, પ્રોટીનને પચાવવા માટે પેટને વધુ માત્રામાં એસિડ (હાઇડ્રોક્લોરિક એસિડ) બનાવવું પડે છે, જેના કારણે બળતરા અને એસિડિટી વધી જાય છે.

શરીર માટે પ્રોટીન કેમ જરૂરી છે અને પાચન ન થવાના નુકસાન
એક્સપર્ટના જણાવ્યા મુજબ પ્રોટીન આપણા શરીર માટે એક અત્યંત જરૂરી પોષક તત્વ છે, જે મસલ્સના નિર્માણ, ટિશ્યુઝના સમારકામ અને શરીરના બહેતર કાર્ય માટે મહત્વની ભૂમિકા ભજવે છે. તમારા ખોરાકમાં ફાઈબર, ન્યુટ્રિએન્ટ્સ અને કાર્બોહાઈડ્રેટ્સની સાથે પ્રોટીનની યોગ્ય માત્રા હોવી જોઈએ. જોકે, ઘણી વખત આપણું શરીર પ્રોટીનને યોગ્ય રીતે પચાવવામાં અસમર્થ રહે છે. જો તમે પૌષ્ટિક આહાર લેવા છતાં આખો દિવસ નબળાઈ અનુભવો છો તો તેનો અર્થ એ છે કે તમારું પ્રોટીન બરાબર પચી રહ્યું નથી.

તમારું શરીર પ્રોટીન પચાવી શકતું નથી તે દર્શાવતા 5 મુખ્ય સંકેતો

Also Read

Monsoon Skin Care Tips : વરસાદમાં ચહેરા પર વધે છે ઓઈલ અને ચીકાશ? વારંવાર ફેસવોશ કરવાથી સમસ્યા વધી શકે, જાણો એક્સપર્ટની સલાહ

• નબળું પાચન તંત્ર: પેટમાં બ્લોટિંગ (ફૂલી જવું) કે ગેસની સમસ્યા થવી એ મોટો સંકેત છે કે શરીર પ્રોટીનને તોડી શકતું નથી. પાચક એન્ઝાઇમ્સ ઓછા બનવાને કારણે પ્રોટીન ઠીકથી પચતું નથી.
• સ્નાયુઓમાં દુખાવો અને નબળાઈ: પ્રોટીન ન પચવાને કારણે મસલ્સને પૂરતું પોષણ મળતું નથી, જેનાથી સ્નાયુઓમાં દુખાવો, ખેંચાણ અને નબળાઈ રહે છે.
• વજન ઘટવું અને ભૂખ ન લાગવી: પ્રોટીનનું પાચન ન થવાથી શરીરને પૂરતી ઊર્જા મળતી નથી, જેથી ભૂખ ઓછી લાગે છે અને વજન ઘટવા લાગે છે.
• ઘા રૂઝાવામાં વાર લાગવી: પ્રોટીનનું એબ્ઝોર્પશન ન થવાને કારણે નાની-મોટી ઈજા કે ઘા રૂઝાવામાં ઘણો સમય લાગે છે અને શરીર જલ્દી થાકી જાય છે.
• શારીરિક બદલાવ: પ્રોટીનની કમી અથવા ખરાબ પાચનને કારણે નખ સરળતાથી તૂટવા લાગે છે, વાળ ખરે છે અને ત્વચા પણ શુષ્ક (ડ્રાય) થઈ જાય છે.

પ્રોટીન પચાવવા અને સ્વસ્થ રહેવા માટે ડોક્ટરની મહત્વની ટિપ્સ
એક્સપર્ટના મતે જો તમને જમ્યા પછી થાક કે અસ્વસ્થતા લાગે તો ખાવા-પીવાની ટેવોમાં તાત્કાલિક સુધારો કરવો જોઈએ.

Also Read

MCX પર સોના-ચાંદીના ભાવમાં જોરદાર ઘટાડો! સોનું ₹1.55 લાખ અને ચાંદી ₹2.35 લાખની નજીક, જાણો કેમ આવ્યો કડાકો

• સંતુલિત થાળી: ભોજનમાં પ્રોટીન, કાર્બોહાઈડ્રેટ્સ અને ફાઈબરની યોગ્ય માત્રા રાખો. થાળીમાં દાળ, દહીં અને સલાડ અવશ્ય સામેલ કરો.
• નિયંત્રિત ખાણીપીણી: એકસાથે વધુ ખોરાક ન ખાવો, પરંતુ નિયમિત સમયે સીમિત માત્રામાં જ ખોરાક લેવો.
• ધીમેથી ચાવીને ખાવું: ખોરાકને સારી રીતે ચાવીને ખાવો અને જો પ્રોટીન શેક લેતા હોવ તો તેને પણ ઘૂંટડે-ઘૂંટડે ધીમેથી પીવો.
• પાણી પીવાનો યોગ્ય સમય: ભોજન કર્યાના તરત જ પાણી ન પીવું; ઓછામાં ઓછા એક કલાક પછી જ પાણી પીવું અને એકસાથે વધુ પાણી ન પીવું.
• પ્રોસેસ્ડ પ્રોટીનથી બચો: ખૂબ જ હેવી કે પ્રોસેસ્ડ પ્રોટીન સપ્લીમેન્ટ્સ લેવાનું ટાળો કારણ કે, તે પાચનતંત્રને નબળું પાડે છે.