Bhavnagar: આગામી 48 કલાક અતિભારે વરસાદની આગાહી, આપદાને પહોંચી વળવા NDRF ના 30 જવાનો તૈનાત | Gujarat News

ગુજરાતના દરિયાકાંઠાના વિસ્તારોમાં મોન્સૂન સિસ્ટમ સક્રિય થતાં જ હવામાન વિભાગે ભાવનગર જિલ્લામાં આગામી બે દિવસ માટે ‘ઓરેન્જ/રેડ એલર્ટ’ જાહેર કર્યું છે. ભારેથી અતિભારે વરસાદની આ સંભાવનાને પગલે સ્થાનિક વહીવટી તંત્ર અને કલેક્ટર કચેરી દ્વારા પ્રિ-મોન્સૂન એક્શન પ્લાન અંતર્ગત સંવેદનશીલ વિસ્તારોની યાદી તૈયાર કરવામાં આવી છે. ચોમાસાની આપત્તિ સમયે નાગરિકોની સુરક્ષા સુનિશ્ચિત કરવા માટે રાજ્ય સરકારની વિનંતી પર NDRF ની એક ટુકડી ખાસ સાધનો સાથે ભાવનગર મોકલી દેવામાં આવી છે.

અત્યાધુનિક લાઈફ સેવિંગ સાધનોથી સજ્જ ટીમ

ભાવનગર આવી પહોંચેલી 30 જવાનોની આ ટીમ કોઈપણ પ્રકારની પૂર અથવા વાવાઝોડા જેવી કટોકટીની સ્થિતિને એકલા હાથે હેન્ડલ કરવા સક્ષમ છે. ટીમ પાસે ઇન્ફ્લેટેબલ રબર બોટ (IRB) અને તેને હંકારી શકાય તેવા શક્તિશાળી આઉટબોર્ડ મોટર્સ (OBM) ઉપલબ્ધ છે, જે ધસમસતા પાણીના પ્રવાહમાં પણ બચાવ કામગીરી કરી શકે છે. આ ઉપરાંત અંધારામાં કે ઊંડા પાણીમાં ફસાયેલા લોકોને એરલિફ્ટ કરવા અથવા બહાર કાઢવા માટે લાઈફ જેકેટ અને લાઈફ બોય (તણખા) પૂરતા પ્રમાણમાં રાખવામાં આવ્યા છે.

Also Read

Monsoon 2026 : મહેસાણાના કડીમાં વહેલી સવારે માત્ર 2 જ કલાકમાં 9 ઇંચ ધોધમાર વરસાદ, અનેક વિસ્તાર જળમગ્ન | Gujarat News

મેડિકલ અને કટીંગ ઓપરેશનની સંપૂર્ણ તૈયારી

વરસાદ દરમિયાન જો મોટા વૃક્ષો કે હોર્ડિંગ્સ રસ્તા પર પડે અથવા કોઈ નબળી ઇમારત ધરાશાયી થાય, તો રસ્તાઓ ખુલ્લા કરવા માટે ટીમ પાસે હેવી-ડ્યુટી કટીંગ અને બ્રિંચિંગ સાધનો છે. ઊંચી ઇમારતો કે ભેખડો પરથી રેસ્ક્યુ કરવા માટે વિશેષ રોપ રેસ્ક્યુ કીટ પણ લાવવામાં આવી છે. સૌથી મહત્વની બાબત એ છે કે હોસ્પિટલ પહોંચતા પહેલાં પૂરગ્રસ્તોને પ્રાથમિક સારવાર મળી રહે તે માટે જવાનો મેડિકલ ફર્સ્ટ રિસ્પોન્ડર (MFR) બેગથી સજ્જ છે, જેમાં ઓક્સિજન, પાટાપિંડી અને જીવનરક્ષક દવાઓનો સમાવેશ થાય છે. તંત્ર દ્વારા નાગરિકોને નદી કિનારા અથવા નીચાણવાળા વિસ્તારોથી દૂર રહેવા અને બિનજરૂરી બહાર ન નીકળવા અપીલ કરાઈ છે.

Also Read

Opening Bell Great start to the stock market Sensex rises 566 points | Gujarat News

આ પણ વાંચો: Surat: નિવૃત્ત વૃદ્ધનો સચિન GIDC નો પ્લોટ વેચાવી કોન્ટ્રાક્ટરે 2.83 કરોડ ચાઉં કર્યા, દસ્તાવેજ બાદ માત્ર 27.50 લાખ આપી કટોરો થમાવ્યો