વાપીના કરવડમાં એક પછી એક ચાર ભંગારના ગોડાઉન આગમાં સ્વાહા, કોઇ જાનહાનિ નહીં | Four scrap godowns catch fire one after the other in Vapi’s Karvad: No casualties

Vapi Fire : વાપીના કરવડ વિસ્તારમાં આજે શુક્રવારે સવારે એક ભંગારના ગોડાઉનમાં આગ લાગ્યા બાદ અન્ય ત્રણ ગોડાઉન લપેટમાં આવી ગયા હતા. આગને પગલે લોકોમાં અફરાતફરી મચી ગઇ હતી. જો કે કોઇ જાનહાની થઇ ન હતી. લગભગ ચાર કલાક બાદ આગ પર કાબુ મેળવાય હતો.

પ્રાપ્ત માહિતિ અનુસાર વાપી મનપા હદ વિસ્તારના કરવડમાં આવેલા એક ભંગારના ગોડાઉનમાં આજે શુક્રવારે સવારે અચાનક આગ સળગી ઉઠી હતી. જોતજોતામાં અન્યત્ર ગોડાઉન પણ આગની લપેટમાં આવી જતા ભારે દોડધામ મચી ગઇ હતી.

Also Read

હવે ઇમરજન્સી સેવાને પણ મોંઘવારી નડી : AMCએ ફાયર બ્રિગેડના ચાર્જમાં દોઢથી ત્રણ ગણો વધારો કર્યો | Ahmedabad Fire Brigade Hikes Charges for Outside City GIDC and Private Industrial Units

આગના ધુમાડા આકાશમાં દૂરદૂર સુધી ફેલાતા લોકોમાં ગભરાટ મચી ગયો હતો. ઘટનાને પગલે વાપી મનપા અને નોટિફાઇડના બંબા ઘટના સ્થળે પહોંચી ગયા હતા. લાશકરોએ હાથ ધરેલી કવાયતમાં લગભગ ચાર કલાક બાદ આગ પર કાબુ મેળવ્યો હતો.

Also Read

ફાજલપુર નજીક ટ્રકમાં ડુંગળીની આડમાં લવાતો 15 લાખનો દારૂ પકડાયો | Liquor worth Rs 15 lakhs seized in truck disguised as onions near Fazalpur

પોલીસ પણ ઘટના સ્થળે દોડી ગઇ હતી. અત્રે નોંધનીય છે કે વાપી મનપા હદ વિસ્તારમાં આવેલા ભંગારના ગોડાઉનમાં સમાયાંતરે આગના બનાવો વધી રહ્યા છે. પર્યાવરણ અને લોકોના જીવ સામો જોખમ ઉભું થઇ રહ્યું છે. મનપાએ મોટા ઉપાડે ગેરકાયેદસર ભંગારના ગોડાઉન દૂર કરવા અભિયાન હાથ ધરી ગોડાઉન દૂર કર્યા હતા. પણ કામગીરી અધૂરી રાખી હતી. ત્યારે મનપાના અધિકારી ગેરકાયદેસર ચાલતા ભંગારના ગોડાઉન દૂર કરવા કાર્યવાહી કરે તે જરૂરી છે.