ગોધરામાં ઉંદર પકડવાની પ્રતિબંધિત ‘ગ્લુ ટ્રેપ’ વેચતા 3 વેપારીઓ ઝડપાયા, SOGના દરોડા | godhra sog police arrested three traders selling banned glue trap

Godhra News : ગોધરા શહેરમાં પ્રતિબંધિત “ગ્લુ ટ્રેપ” એટલે કે ઉંદર પકડવાની ગુંદરવાળી જાળનું (ગ્લુ બોર્ડ) ગેરકાયદેસર વેચાણ કરતા તત્વો સામે એસ.ઓ.જી પોલીસે લાલ આંખ કરી છે. જિલ્લામાં આ ગ્લુ બોર્ડના વેચાણ પર પ્રતિબંધ હોવા છતાં તેનું વેચાણ કરતા ૩ વેપારીઓને પોલીસે રંગેહાથ ઝડપી પાડી તેમની સામે ગુનો નોંધ્યો છે.

Also Read

સરહદનો અણમોલ ખજાનો: ભારત-પાક. બોર્ડર નજીક રાછેણા ગામના આંગણે પહોંચ્યા સેંકડો ‘ફ્લેમિંગો’ પક્ષી | Hundreds of Exotic Flamingos Arrive at Rachena Village Vav Thrad Border

બાતમીના આધારે કાર્યવાહી

Also Read

કર્ણાટક કોંગ્રેસમાં CM બાદ હવે મંત્રીપદને લઈને ખટરાગ : સિદ્ધારમૈયાના નજીકના નેતાનો ‘હાઈ’કમાન્ડને ‘આદેશ’! | Karnataka Congress Dispute Over Cabinet Posts: Siddaramaiah Ally RB Timmapur Reacts On High Command

ગોધરા એસ.ઓ.જી. પોલીસે બાતમીના આધારે અલગ-અલગ દુકાનોમાં સરપ્રાઈઝ ચેકિંગ હાથ ધર્યું હતું. દરોડા દરમિયાન દુકાનોમાંથી પ્રતિબંધિત ગ્લુ બોર્ડના કુલ ૩૩૬ નંગ કબ્જે કરવામાં આવ્યા છે. પકડાયેલા આ તમામ ગ્લુ બોર્ડની કુલ કિંમત રૂપિયા 41,200 આંકવામાં આવી છે. જાહેરનામાના ભંગ બદલ ત્રણેય વેપારીઓ સામે ગોધરા એ ડિવિઝન પોલીસ સ્ટેશનમાં ૩ અલગ-અલગ ગુના નોંધી વધુ તપાસ શરૂ કરાઈ છે.

આ પણ વાંચો : અમદાવાદ: 1.66 કરોડની ચોરીના કેસમાં નવો વળાંક, મહિલા આરોપીનો પોલીસ પર સોનું-રૂપિયા પડાવ્યાનો ગંભીર આક્ષેપ

શા માટે થઈ આ કાર્યવાહી?

ઉંદરો કે અન્ય નાના જીવોને પકડવા માટે વપરાતી આ ગુંદરવાળી જાળમાં જીવ અતિશય ક્રૂરતાપૂર્વક તરફડીને મૃત્યુ પામે છે. જેના કારણે પ્રાણીઓ પ્રત્યેની ક્રૂરતા નિવારણ અધિનિયમ અંતર્ગત તેના પર લાંબા સમયથી પ્રતિબંધ મૂકવામાં આવેલો છે. ગોધરામાં અધિક જિલ્લા મેજિસ્ટ્રેટ દ્વારા આ ગ્લુ બોર્ડના વેચાણ અને વપરાશ પર પ્રતિબંધ ફરમાવતું સત્તાવાર જાહેરનામું બહાર પાડવામાં આવ્યું હતું. આ જાહેરનામાના ધજાગરા ઉડાવીને ગુપ્ત રીતે વેચાણ કરતા વેપારીઓ પર પોલીસે ત્રાટકીને કાયદેસરનો સપાટો બોલાવ્યો છે.

ભારતીય ન્યાય સંહિતા (BNS) ની કલમ 223 હેઠળ ગુનો દાખલ

સરકારી સત્તાવાળાઓ અથવા મેજિસ્ટ્રેટના જાહેરનામાનો અનાદર કરવા બદલ પોલીસે કડક વલણ અપનાવ્યું છે. પકડાયેલા ત્રણેય વેપારીઓ સામે ભારતીય ન્યાય સંહિતા (BNS) ની કલમ 223 હેઠળ ગુનો નોંધીને એ ડિવિઝન પોલીસે આગળની કાયદેસરની તપાસના ચક્રો ગતિમાન કર્યા છે.