Gujarat Rain News : ગુજરાતમાં મેઘરાજાની જોરદાર એન્ટ્રી! 111 તાલુકામાં વરસાદ, જલાલપોર સૌથી વધુ ભીંજાયું

ગુજરાતમાં છેલ્લા 24 કલાક દરમિયાન મેઘરાજાએ ફરી જોરદાર બેટિંગ કરી છે. રાજ્યના કુલ 111 તાલુકામાં વરસાદ નોંધાયો છે. ખાસ કરીને, દક્ષિણ ગુજરાતમાં ભારે વરસાદને કારણે અનેક વિસ્તારોમાં પાણી ભરાઈ ગયા છે, જ્યારે ખેડૂતોમાં ખુશીનો માહોલ જોવા મળી રહ્યો છે.

જલાલપોરમાં સૌથી વધુ વરસાદ
છેલ્લા 24 કલાકમાં નવસારી જિલ્લાના જલાલપોરમાં સૌથી વધુ 5.75 ઇંચ વરસાદ નોંધાયો છે. નવસારી શહેરમાં 4.80 ઇંચ, વલસાડના પારડીમાં 3.82 ઇંચ અને સુરતના પલસાણામાં 3.07 ઇંચ વરસાદ પડતા અનેક વિસ્તારોમાં જળબંબાકારની સ્થિતિ સર્જાઈ હતી.

દક્ષિણ ગુજરાતમાં વરસાદનું જોર
ચીખલીમાં 2.48 ઇંચ, મહુવામાં 2.17 ઇંચ, નાનાપોંઢામાં 1.97 ઇંચ, કપરાડામાં 1.85 ઇંચ તેમજ બારડોલી અને સુરત શહેરમાં 1.73 ઇંચ વરસાદ નોંધાયો છે. ભારે વરસાદથી કેટલાક નીચાણવાળા વિસ્તારોમાં પાણી ભરાઈ જતાં લોકોને હાલાકીનો સામનો કરવો પડ્યો હતો.

Also Read

Minor drives scooter in Sukhsar : સો.મીડિયા પર લાઈક્સની ઘેલછામાં સુખસરમાં સગીરે હંકાર્યું સ્કૂટર, પાછળ બેઠેલા વાલી કેમેરામાં કેદ

આગામી દિવસોમાં પણ વરસાદની શક્યતા
હવામાન વિભાગના અનુમાન મુજબ આગામી દિવસોમાં પણ દક્ષિણ ગુજરાત સહિત રાજ્યના અનેક વિસ્તારોમાં વરસાદી માહોલ યથાવત રહેશે. ભારે વરસાદની સંભાવનાને ધ્યાનમાં રાખીને નીચાણવાળા વિસ્તારોમાં રહેતા લોકોને સાવચેતી રાખવા અને તંત્રની સૂચનાઓનું પાલન કરવાની અપીલ કરવામાં આવી છે.

Also Read

Autoimmune Disease Treatment : શું ઓટોઇમ્યુન રોગોનો સંપૂર્ણ ઇલાજ શક્ય છે? નિષ્ણાતો પાસેથી જાણો સાચું સત્ય