Gujarat Rain Update : ધોલેરા પંથકમાં જળબંબાકાર! કાલથી વધુ ત્રાટકશે મેઘરાજા, 3 જિલ્લામાં ઓરેન્જ એલર્ટ

ગુજરાતમાં એકસાથે ચાર વરસાદી સિસ્ટમ સક્રિય થતાં રાજ્યમાં ફરી વરસાદી માહોલ જામ્યો છે. હવામાન વિભાગે 30 જુલાઈથી આગામી છ દિવસ સુધી ભારેથી અતિભારે વરસાદની આગાહી કરી છે. ઉત્તર ગુજરાત, મધ્ય ગુજરાત અને દક્ષિણ ગુજરાતના અનેક જિલ્લાઓમાં ભારે વરસાદની સંભાવના વ્યક્ત કરવામાં આવી છે. બીજી તરફ, ઉપરવાસમાં પડેલા ભારે વરસાદને કારણે ધોલેરા પંથકમાં જળબંબાકારની સ્થિતિ સર્જાઈ છે, જ્યાં ચારે તરફ માત્ર પાણી જ પાણી જોવા મળી રહ્યું છે.

એકસાથે ચાર વરસાદી સિસ્ટમ સક્રિય
હવામાન વિભાગના જણાવ્યા અનુસાર હાલ રાજ્ય પર ડીપ ડિપ્રેશન, મોનસૂન ટ્રફ, અપર એર સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ એમ ચાર અલગ-અલગ વરસાદી સિસ્ટમ સક્રિય છે. આ તમામ સિસ્ટમના સંયુક્ત પ્રભાવને કારણે આગામી દિવસોમાં વરસાદનું જોર નોંધપાત્ર રીતે વધવાની શક્યતા છે.

કાલથી વરસાદની તીવ્રતા વધશે
હવામાન વિભાગના ડિરેક્ટર ડૉ. એ.કે. દાસના જણાવ્યા અનુસાર 30 જુલાઈથી દક્ષિણ ગુજરાતમાં ભારેથી અતિભારે વરસાદ શરૂ થશે. 31 જુલાઈએ દક્ષિણ ગુજરાતના કેટલાક વિસ્તારોમાં અત્યંત ભારે વરસાદની શક્યતા છે, જ્યારે મધ્ય ગુજરાત અને સૌરાષ્ટ્રમાં પણ ભારે વરસાદની આગાહી કરવામાં આવી છે. 1 ઓગસ્ટે પણ રાજ્યના અનેક વિસ્તારોમાં ભારેથી અતિભારે વરસાદ ચાલુ રહેવાની સંભાવના છે.

Also Read

Chandipura Virus : “12 કલાકમાં જ બાળકી હોસ્પિટલ પહોંચી ને…” મહેસાણામાં ચાંદીપુરા વાયરસે લીધો માસૂમનો જીવ

3 જિલ્લામાં ઓરેન્જ, 2 જિલ્લામાં રેડ એલર્ટ
30 જુલાઈ માટે નર્મદા, ડાંગ અને તાપી જિલ્લામાં ઓરેન્જ એલર્ટ જાહેર કરવામાં આવ્યું છે. ઉપરાંત વડોદરા, સુરત, નવસારી સહિતના જિલ્લાઓમાં ભારે વરસાદની આગાહી છે. 31 જુલાઈએ સ્થિતિ વધુ ગંભીર બની શકે છે. હવામાન વિભાગે છોટા ઉદેપુર અને નર્મદા જિલ્લામાં અત્યંત ભારે વરસાદની આગાહી સાથે રેડ એલર્ટ જાહેર કર્યું છે. દક્ષિણ ગુજરાતના અન્ય જિલ્લાઓમાં ઓરેન્જ એલર્ટ જ્યારે અમદાવાદ, રાજકોટ અને ભાવનગર સહિતના વિસ્તારોમાં યલો એલર્ટ આપવામાં આવ્યું છે.

Also Read

ICC T-20 Ranking Vaibhav Suryavanshiની ICC T-20 રેન્કિંગમાં 230 સ્થાનની છલાંગ, ઈશાન કિશન T-20 અને શુભમન ગિલ ODIમાં નંબર-1