સંખેડાની ત્રણ પ્રાથમિક શાળામાં પ્રવેશોત્સવમાં સાંસદ જશુભાઈ રાઠવાના હસ્તે બાળકોને પ્રવેશ અપાયો

સંખેડા તાલુકાની પીપળીયા, લાછરસ અને વાસણા પ્રાથમિક શાળામાં ૨૪મા શાળા પ્રવેશોત્સવની ઉજવણી કરવામાં આવી. આ પ્રસંગે છોટાઉદેપુરના સાંસદ જશુભાઈ રાઠવા મુખ્ય અતિથિ તરીકે ઉપસ્થિત રહ્યા હતા.

સાંસદ જશુભાઈ રાઠવાના હસ્તે બાલવાટિકા અને ધોરણ ૧ના ભૂલકાઓને કીટ આપી શાળામાં પ્રવેશ અપાવવામાં આવ્યો. આ કાર્યક્રમમાં બાળકો અને વાલીઓમાં ઉત્સાહ જોવા મળ્યો હતો.

Also Read

નસવાડીથી બોડેલી વચ્ચે આવેલા સાતબેડીયા ગામ પાસે કેનાલ રિપેરીંગમાં પેરાફિટ તોડી ગ્રેવલ નાંખી પાણી રોકયુ

પીપળીયા પ્રાથમિક શાળામાં સાંસદે શાળાના ટ્રાન્સપોર્ટેશન વાહનને લીલી ઝંડી આપી શુભારંભ કરાવ્યો હતો. જ્યારે લાછરસ શાળાના સ્થાપના દિન નિમિત્તે સાંસદના હસ્તે કેક કાપી ઉજવણી કરવામાં આવી હતી. આ પ્રવેશોત્સવ કાર્યક્રમમાં જીલ્લા ઉપપ્રમુખ રાયસિંગભાઈ ભીલ, જીલ્લા સદસ્ય છાયાબેન વસાવા, તાલુકા ભાજપ પ્રમુખ જૈમીનભાઈ પટેલ, તાલુકા પંચાયત પ્રમુખ કલ્પનાબેન રાજપુત સહિતના અધિકારીઓ, સરપંચો અને ગ્રામજનો મોટી સંખ્યામાં હાજર રહ્યા હતા.

Also Read

રામ મંદિર દાન ચોરી વિવાદઃ રામ મંદિર ટ્રસ્ટના મહામંત્રી ચંપત રાય અને સભ્ય ડૉ. અનિલ મિશ્રાએ રાજીનામું આપ્યું