મુન્દ્રા ડ્રગ્સ કેસમાં તપાસનો મોટો ખુલાસોઃ હવાલા મારફતે આતંકી ફંડિંગની શંકા

કચ્છના મુન્દ્રા પોર્ટ પર ઝડપાયેલા હજારો કરોડ રૂપિયાના ડ્રગ્સ કેસમાં તપાસ દરમિયાન નવા પાસાઓ સામે આવી રહ્યા છે. તપાસ એજન્સીઓના પ્રાથમિક તારણો મુજબ ડ્રગ્સના ગેરકાયદે વેપારમાંથી મળેલા નાણાં હવાલા નેટવર્ક મારફતે આતંકવાદી સંગઠનો સુધી પહોંચ્યા હોવાની શંકાને ધ્યાનમાં રાખીને તપાસનો વ્યાપ વધારવામાં આવ્યો છે.

આ સમગ્ર મામલે એન્ફોર્સમેન્ટ ડિરેક્ટોરેટ (ઈડી), ડિરેક્ટોરેટ ઓફ રેવન્યુ ઇન્ટેલિજન્સ અને નેશનલ ઇન્વેસ્ટીગેશન એજન્સી સંયુક્ત રીતે તપાસ કરી રહી છે. એજન્સીઓ નાણાંની હેરફેર, હવાલા વ્યવહારો અને સંભવિત આતંકી ફંડિંગના તમામ પાસાઓની તપાસ કરી રહી છે.

Also Read

જય શાહ અરવલ્લીના શામળાજી પહોંચ્યા, ભગવાનની વિશેષ

તાજેતરમાં ઈડી દ્વારા દિલ્હીના પાંચ સ્થળોએ દરોડાની કાર્યવાહી કરવામાં આવી હતી. દરોડા દરમિયાન મહત્વના દસ્તાવેજા, ડિજિટલ ડેટા અને નાણાકીય વ્યવહારો સંબંધિત માહિતી એકત્ર કરવામાં આવી હોવાનું જાણવા મળ્યું છે. તપાસ દરમિયાન કેટલાક નાણાંના રોકાણો અને શંકાસ્પદ વ્યવહારો અંગે પણ માહિતી મળી હોવાનું સૂત્રો જણાવી રહ્યા છે.

Also Read

સાળાની ક્રૂરતા અને છેતરિંપડીનો સનસનાટીભર્યો ખુલાસો, પોલીસે આરોપી અને અન્ય ત્રણ લોકો સામે એફઆઇઆર દાખલ કરી છે

તપાસ એજન્સીઓનું ધ્યાન હવે કાળા નાણાંને કાયદેસર સ્વરૂપ આપવા માટે ઉપયોગમાં લેવાયેલી શેલ કંપનીઓ તરફ કેન્દ્રિત થયું છે. વિવિધ રાજ્યોમાં કાર્યરત શંકાસ્પદ કંપનીઓ તેમજ કેટલાક વ્યવસાયિક વ્યવહારોની પણ તપાસ ચાલી રહી છે. વિજયવાડા સ્થિત એક ફર્મની સંભવિત ભૂમિકાની પણ તપાસ કરવામાં આવી રહી છે.

અધિકારીઓના જણાવ્યા અનુસાર હાલ તપાસ ચાલુ છે અને તમામ નાણાકીય વ્યવહારો, રોકાણો તથા સંકળાયેલા લોકોની ભૂમિકા અંગે પુરાવા એકત્ર કરવાની પ્રક્રિયા ચાલુ છે. તપાસ પૂર્ણ થયા બાદ જ સમગ્ર મામલે અંતિમ સ્થિતિ સ્પષ્ટ થશે.

તપાસ એજન્સીઓ દ્વારા અત્યાર સુધી કોઈ અંતિમ નિષ્કર્ષ જાહેર કરવામાં આવ્યો નથી. તેથી કેસમાં સામે આવેલી વિગતો હાલ તપાસના તબક્કામાં હોવાનું માનવામાં આવે છે.