પાટણ નગરપાલિકાએ લોથ મારી! લાખોના ખર્ચે ખાનગી જમીન પર રોડ બનાવી દીધો, માલિકે ફેન્સિંગ કરી બંધ કર્યો રસ્તો | Patan Municipality Builds Road on Private Land Owner Blocks Access with Fencing

Patan Municipality Builds Road on Private Land: પાટણ નગરપાલિકાના વહીવટીતંત્રની ઘોર બેદરકારીનો ચોંકાવનારો કિસ્સો પ્રકાશમાં આવ્યો છે. પાલિકા દ્વારા લાખો રૂપિયાના જનતાના ટેક્સના ખર્ચે બનાવવામાં આવેલો રોડ ખાનગી માલિકીની જમીનમાં બન્યો હોવાનો વિવાદ સામે આવ્યો છે. આ જમીનના મૂળ માલિક દ્વારા રોડની વચ્ચે જ ફેન્સિંગ (તારની વાડ) કરી દેવાતા સ્થાનિક રહીશો માટે અવરજવરનો માર્ગ સંપૂર્ણપણે બંધ થઈ ગયો છે. આ મામલે વોર્ડ નંબર 10ના કોર્પોરેટર વિપુલ ઠક્કરે અધિકારીઓની ગંભીર બેદરકારી સામે સવાલો ઉઠાવી કડક તપાસની માંગ કરી છે.

કયા વિસ્તારનો છે આ મામલો?

Also Read

અમદાવાદમાં 5 દિવસ તોફાની પવન સાથે વરસાદની આગાહી, આ જિલ્લાઓમાં યલો ઍલર્ટ | Gujarat Weather Update: Rain Thunderstorms and 50 kmph Winds Forecast for 5 Days

મળતી માહિતી અનુસાર, આ સમગ્ર ઘટના પાટણ શહેરના વોર્ડ નંબર 10માં આવેલા વીચુ ખાડ વિસ્તાર, લાલેશ્વર પાર્કની પાછળ અને ભીલપતિ મંદિરની આગળનો ભાગમાં ના વિસ્તારમાં બની છે. નગરપાલિકા દ્વારા આશરે 12થી 18 મહિના પહેલાં લાખો રૂપિયાના ખર્ચે  અહીં રોડ બનાવવામાં આવ્યો હતો. હાલમાં આ જમીનના માલિક જીગર પટેલ દ્વારા આ જાહેર રોડ પર જ ફેન્સિંગ ઊભી કરી દેવામાં આવતા સ્થાનિક રહીશો માટે અવરજવરનો મુખ્ય રસ્તો બ્લોક થઈ ગયો છે, જેના કારણે જનતા ભારે હાલાકીનો સામનો કરી રહી છે.

Also Read

ભાજપને મોટો ઝટકો, દ.ભારતના દિગ્ગજ નેતા અન્નામલાઈએ રાજીનામું આપ્યું, પાર્ટીએ કર્યું મંજૂર | K Annamalai exits BJP party chief Nitin Nabin accepts his resignation

આ પણ વાંચો: નવસારીમાં સગી દીકરી પર 3 દિવસ સુધી દુષ્કર્મ આચરનારો નરાધમ પિતા અમદાવાદથી ઝડપાયો

કોર્પોરેટરની દરમિયાનગીરીમાં થયો ચોંકાવનારો ઘટસ્ફોટ

આ ગંભીર સમસ્યા અંગે વોર્ડ નંબર 10ના કોર્પોરેટર વિપુલ ઠક્કરે તાત્કાલિક હરકતમાં આવીને દરમિયાનગીરી કરી હતી. તેણે ફેન્સિંગ કરનાર જમીન માલિક જીગર પટેલનો ટેલિફોનિક સંપર્ક સાધતા ચોંકાવનારી વિગતો સામે આવી હતી. જમીન માલિક જીગર પટેલનો દાવો કે, ‘નગરપાલિકાએ જે જગ્યા પર રોડ બનાવ્યો છે તે જમીન સંપૂર્ણપણે ખાનગી માલિકીની છે. મેં આ બાબતે અગાઉ નગરપાલિકામાં લેખિત અરજી પણ આપી હતી. પાલિકાના ચીફ ઓફિસર અને એન્જિનિયરની સૂચના અને સંમતિ બાદ જ મેં મારી જમીન પર આ ફેન્સિંગ કર્યું છે.’

જનતાના પૈસાનું પાણી

ખાનગી જમીન માલિકના આ ખુલાસા બાદ પાટણ નગરપાલિકાની કામગીરી સામે અનેક સવાલો ઊભા થયા છે. જો જમીન ખાનગી હતી, તો ટીપી (ટાઉન પ્લાનિંગ) અને એન્જિનિયરિંગ વિભાગે નકશા ચકાસ્યા વગર ત્યાં લાખો રૂપિયાના ખર્ચે રોડ કેવી રીતે બનાવી દીધો? કોર્પોરેટર વિપુલ ઠક્કરે આ કિસ્સાને નગરપાલિકાની ગંભીર બેદરકારી ગણાવી છે અને જવાબદાર અધિકારીઓ સામે કડક તપાસ કરી જનતાના નાણાંનો વેડફાટ કરનારાઓ સામે પગલાં લેવાની માંગ કરી છે.