Son kills father Rajkot : રાજકોટમાં સરદારધામની સાઈટ પર ખૂની ખેલ! દારૂડિયા પિતાના અત્યાચારથી કંટાળી સગીરે ઉઠાવ્યું ભયંકર પગલું

સાંજના સુમારે, જ્યારે ભરતસિંગ સાઈટ પર એકલો કામ કરી રહ્યો હતો ત્યારે જમીન પર એક પડછાયો આવીને ઊભો રહ્યો. એ બીજું કોઈ નહીં પણ તેનો જ પોતાનો લોહીનો સંબંધ તેનો સગીર દીકરો હતો. બંને વચ્ચે નજરો મળી. પહેલાં બોલાચાલી થઈ ને તેના કારણે તણાવ વધી ગયો. પિતાનો એ જ જૂનો અહંકાર અને પુત્રની આંખોમાં વર્ષોથી જમા થયેલો આક્રોશ સામે આવ્યો હતો.

વાત ઝપાઝપી પર પહોંચી ગઈ અને એ જ ક્ષણે, સગીર પુત્રનું મગજ પરથી નિયંત્રણ હટી ગયું. વર્ષોનો ગુસ્સો એકસાથે બહાર આવ્યો અને તેણે પિતાને ગળેટૂંપો આપી દીધો!

સાઈટ પર સનાટો છવાઈ ગયો. ભરતસિંગે છૂટવા માટે તરફડિયાં માર્યાં પણ આક્રોશમાં આંધળા થયેલા પુત્રની પકડ લોખંડી હતી. થોડી જ ક્ષણોમાં ભરતસિંગનું શરીર શાંત થઈ ગયું. તે જમીન પર ઢળી પડ્યો. ખેલ ખતમ થઈ ચૂક્યો હતો.

Also Read

Ahmedabad Auto Rickshaw Strike : આજથી બે દિવસ 1 લાખ રિક્ષાના પૈડા થંભશે! CNG ભાવવધારા સામે રિક્ષાચાલકોની હડતાળ

પોલીસે સગીરની ધરપકડ કરી ડેડબોડી પીએમ માટે મોકલી
આ ઘટનાની જાણ થતાં જ તાલુકા પોલીસનો કાફલો તુરંત જ બાંધકામ સાઈટ પર દોડી આવ્યો. પોલીસે મૃતદેહને પોસ્ટમોર્ટમ અર્થે ખસેડી, લોહીના સંબંધોને શરમાવતા આ હત્યાકેસમાં સગીર પુત્રની ધરપકડ કરી છે.

Also Read

ECMWF Northeast Monsoon Forecast 2026 : દેશમાં વરસાદ અચાનક કેમ અટકી ગયો? વાવાઝોડાએ ચોમાસાના વાદળોને ખેંચી લેતાં સામે આવ્યું મોટું કારણ