લારી-ગલ્લા ધારકો માટે ટાઉન વેન્ડિંગ કમિટી બનશે | Town vending committee to be formed for lorry and cart owners

શહેરમાં લારી-ગલ્લા ધારકો અને સ્ટ્રીટ વેન્ડર્સ માટે નવી ટાઉન વેન્ડિંગ કમિટીની રચના કરાશે.

મ્યુનિ.કોર્પોરેશનના જણાવ્યા મુજબ, શહેરમાં નવા હોકિંગ ઝોન અને નોન-હોકિંગ ઝોન નક્કી કરવા તેમજ વેન્ડર્સને લગતી ફરિયાદોનું નિરાકરણ લાવવા માટે સરકારની માર્ગદર્શિકા મુજબ આ પ્રક્રિયા હાથ ધરાશે ?

Also Read

આજે સ્વ. યોગેશ પટેલની પ્રાર્થના સભામાં મુખ્યમંત્રી ઉપસ્થિત રહેશે | Today Chief Minister will be present at the prayer meeting of late Yogesh Patel

અગાઉ વર્ષ ૨૦૧૭માં શહેરના તમામ સ્ટ્રીટ વેન્ડર્સનો વિગતવાર સર્વે કરાયો હતો. હવે ટૂંક સમયમાં ફરી એકવાર નવેસરથી સર્વે હાથ ધરાશે, જે દરમિયાન ૨૦૧૭ના ડેટાબેઝ અને માહિતીનો પણ ઉપયોગ થશે.

Also Read

બહારગામના વિદ્યાર્થીઓ શૈક્ષણિક પ્રતિષ્ઠા અને ઓછી ફીના કારણે MSUને પસંદ કરે છે | students out of vadodara choosing msu because of prestige and less fee

સર્વેમાં નોંધાયેલા સ્ટ્રીટ વેન્ડર્સ માટે ચૂંટણી યોજાશે. ચૂંટણી દ્વારા પસંદ થયેલા સભ્યોને ટાઉન વેન્ડિંગ કમિટીમાં સ્થાન મળશે. કમિટીમાં સરકારી અધિકારીઓ, બિનસરકારી સભ્યો, એનજીઓ પ્રતિનિધિઓ તેમજ ચૂંટાયેલા વેન્ડર પ્રતિનિધિઓનો સમાવેશ કરાશે.

ટાઉન વેન્ડિંગ કમિટી શહેરમાં હોકિંગ અને નોન-હોકિંગ ઝોન નક્કી કરશે. ઉપરાંત, દરેક સ્ટ્રીટ વેન્ડરને ઓળખપત્ર અપાશે. શહેરી ફેરિયાઓ માટેની માસિક પરવાના ફ્રી તેમજ વેન્ડિંગ પ્રવૃત્તિ માટે પ્રતિબંધિત વિસ્તારો પણ કમિટી દ્વારા નક્કી કરાશે.

આ કમિટીની રચના ન થાય ત્યાં સુધી સ્ટ્રીટ વેન્ડર્સને લગતી કામગીરી સામાન્ય સભા દ્વારા મંજૂર કરાયેલી પ્રોવિઝનલ કમિટીના નિર્ણય મુજબ ચાલુ રહેશે.