જામનગર શહેરમાં વાહનચોરો બેફામ બન્યા: કાર અને બાઇક ચોરીના બે બનાવ નોંધાયા | Two incidents of car and bike theft reported in Jamnagar city

જામનગર શહેરમાં વાહનચોરીની ઘટનાઓમાં વધારો જોવા મળી રહ્યો છે. શહેરના અલગ-અલગ વિસ્તારોમાંથી એક બાઇક અને એક કારની ચોરી થતાં પોલીસમાં ફરિયાદ નોંધાઈ છે.

પ્રથમ બનાવમાં જામનગરના ખોડીયાર કોલોની, હનુમાન ટેકરી વિસ્તારમાં રહેતા ધવલ નેભાભાઈ ચાવડાએ ગત તા. 1 જૂનના રોજ પોતાનું જીજે-10-ડીસી-7863 નંબરનું બાઇક બ્રાહ્મણ બોર્ડિંગ નજીક પાર્ક કર્યું હતું. દરમિયાન કોઈ અજાણ્યા તસ્કરો બાઇકની ઉઠાંતરી કરી ફરાર થઈ ગયા હતા. આ અંગે પોલીસમાં ફરિયાદ નોંધાતા તપાસ શરૂ કરવામાં આવી છે.

Also Read

જામનગરમાં શાકભાજી લેવા ગયેલા પત્ની ઉપર શંકા કરીને પતિએ પાવડા વડે હુમલો કર્યો | Jamnagar: Man attacks wife over suspicion after she goes to buy vegetables

બીજા બનાવમાં દેવભૂમિ દ્વારકા જિલ્લાના કલ્યાણપુર તાલુકાના હરીપર ગામે રહેતા કાનજીભાઈ મેઘજીભાઈ પરમાર પોતાની જીજે-37-બી-1971 નંબરની અંદાજે રૂ. 3 લાખ કિંમતની કાર જી.જી. હોસ્પિટલ પાસે હિંમતનગર રોડ પર પાર્ક કરી હતી. દરમિયાન રાત્રિના સમયે કોઈ અજાણ્યા તસ્કરો કારની ચોરી કરી લઈ ગયા હતા.

Also Read

ઓમાન દરિયાની અધવચ્ચે 14 ભારતીયોને લઈ જતી હોડી પલટી, અમેરિકન વિમાનની મદદથી તમામ સુરક્ષિત | 14 Indian Nationals Rescued Near Oman Sea After Boat Capsize With US Navy Air Support

બંને બનાવોની ફરિયાદ પોલીસમાં નોંધાઈ છે. પોલીસે ગુના નોંધી વાહનચોરોને ઝડપી પાડવા માટે તપાસનો ધમધમાટ શરૂ કર્યો છે. શહેરમાં સતત વધી રહેલી વાહનચોરીની ઘટનાઓને લઈને વાહન માલિકોમાં ચિંતા વ્યાપી છે.