ICC ODI World Cup 2027 : 12 શહેરો નક્કી, જાણો ક્યાં રમાશે ભારત-પાકિસ્તાનની હાઇવોલ્ટેજ મેચો

આઇસીસી (ICC) દ્વારા 2027 વન-ડે વર્લ્ડ કપ માટેના 12 યજમાન શહેરોની સત્તાવાર જાહેરાત કરી દેવામાં આવી છે. ક્રિકેટનો આ મહાકુંભ 4 ઓક્ટોબરથી 21 નવેમ્બર દરમિયાન દક્ષિણ આફ્રિકા, ઝિમ્બાબ્વે અને નામીબિયામાં સંયુક્ત રીતે રમાશે. 24 વર્ષના લાંબા વિરામ બાદ વન-ડે વર્લ્ડ કપ ફરી એકવાર આફ્રિકન ખંડમાં થવા જઈ રહ્યો છે.

દક્ષિણ આફ્રિકામાં રમાશે સૌથી વધુ 41 મેચ
વર્લ્ડ કપના કુલ 54 મુકાબલાઓમાંથી 41 મેચ દક્ષિણ આફ્રિકાના 8 શહેરોમાં રમાશે, જેમાં જોહાનિસબર્ગ, સેન્ચુરિયન, ડરબન, ગ્કેબેરહા, કુગોમ્પો સિટી, કેપટાઉન, પર્લ અને બ્લોમફોન્ટેનનો સમાવેશ થાય છે. આ સિવાય ઝિમ્બાબ્વેના હરારે, બુલાવાયો અને વિક્ટોરિયા ફોલ્સ તેમજ નામીબિયાની રાજધાની વિન્ડહોકમાં બાકીની મેચો યોજાશે. ટુર્નામેન્ટની ફાઇનલ મેચ જોહાનિસબર્ગના વાંડરર્સ અથવા કેપટાઉનના ન્યૂલેન્ડ્સ સ્ટેડિયમમાં રમાઈ શકે છે.

14 ટીમો અને નવું થ્રી-સ્ટેજ ફોર્મેટ
2027ના વનડે વર્લ્ડ કપમાં કુલ 14 ટીમો ભાગ લેશે

Also Read

Ahmedabad Mega Sports Complex : અમદાવાદમાં બનશે ગુજરાતનું સૌથી ભવ્ય ટ્રેનિંગ સેન્ટર! VIP રૂમ, ઓલિમ્પિક પુલ અને વર્લ્ડ ક્લાસ સ્ટેડિયમથી સજ્જ

• સુપર સિરીઝ: રેન્કિંગમાં 12મી, 13મી અને 14મી ટીમ વચ્ચે મુકાબલો થશે, જેમાંથી એક ટીમ આગળ વધશે.
• ગ્રુપ સ્ટેજ: 12 ટીમોને 6-6ના બે ગ્રુપમાં વહેંચવામાં આવશે.
• સુપર-7 અને નોકઆઉટ: બંને ગ્રુપની ટોપ-3 અને ચોથા નંબરની બેસ્ટ એક એમ કુલ 7 ટીમો સુપર-7માં પહોંચશે. તેમાંથી શ્રેષ્ઠ 4 ટીમો સેમિફાઇનલમાં પ્રવેશશે. આ નવા ફોર્મેટને કારણે ચાહકોને ભારત અને પાકિસ્તાન વચ્ચે મહત્તમ 3 રોમાંચક મુકાબલા જોવા મળી શકે છે.

Also Read

Navsari News : નવસારીમાં કરુણ અકસ્માત! ટેમ્પો વીજ વાયરને અડકતાં 3 લોકોના મોત