India vs New Zealand : ભારત-ન્યૂઝીલેન્ડ મેચનો ક્રેઝ સાતમા આસમાને! અભિષેક-વૈભવને જોવા ઓકલેન્ડનું ઇડન પાર્ક ફુલ!

ભારતીય ટીમે પાંચ મેચોની સીરીઝના પ્રારંભિક ત્રણેય મુકાબલા જીતીને સીરીઝ પર પહેલાથી જ અજેય સરસાઈ મેળવી લીધી છે. આ સીરીઝની તમામ મેચો હાઉસફુલ રહી છે. વેલિંગ્ટનમાં મંગળવારે રમાયેલી ત્રીજી T-20 મેચમાં અભિષેક શર્મા અને યુવા બેટ્સમેન વૈભવ સૂર્યવંશીની વિસ્ફોટક બેટિંગના દમ પર ભારતે ન્યૂઝીલેન્ડને છ વિકેટે કારમી હાર આપી હતી.

બંને ઓપનરોએ પ્રથમ વિકેટ માટે માત્ર થોડી જ ઓવરોમાં 133 રનની તોફાની ભાગીદારી નોંધાવી હતી, જેના કારણે ભારતે 199 રનનો વિશાળ લક્ષ્યાંક માત્ર 13.2 ઓવરમાં પ્રાપ્ત કરી લીધો હતો. અભિષેકે માત્ર 38 બોલમાં 11 સિક્સર અને 9 ચોગ્ગાની મદદથી 113 રન ફટકારીને કિવી બોલરોને ઘૂંટણિયે પાડી દીધા હતા.

ન્યૂઝીલેન્ડ ક્રિકેટ બોર્ડનું સત્તાવાર નિવેદન
ન્યૂઝીલેન્ડ ક્રિકેટ (NZC) એ એક નિવેદન બહાર પાડતા જણાવ્યું કે, ‘શુક્રવારે રાત્રે ઇડન પાર્ક ખાતે 40 હજારથી વધુ પ્રશંસકો પહોંચવાની ધારણા છે. ભારત અને ન્યૂઝીલેન્ડ વચ્ચેના ચોથા T-20 મુકાબલા માટેની તમામ ટિકિટો સંપૂર્ણપણે વેચાઈ ચૂકી છે.’ આ મુકાબલો ન્યૂઝીલેન્ડની ધરતી પર કોઈપણ દ્વિપક્ષીય સીરીઝમાં દર્શકોની સર્વાધિક હાજરીનો સર્વકાલીન નવો રેકોર્ડ પણ સ્થાપિત કરશે.

Also Read

IND vs NZ : ભારત-ન્યૂઝીલેન્ડની ત્રીજી T20 માટે તૈયાર થઈ જાઓ! કઈ ચેનલ પર અને કેટલા વાગ્યે જોવી મેચ?

દ્વિપક્ષીય સીરીઝનો તૂટશે પાંચ વર્ષ જૂનો રેકોર્ડ
આ અગાઉ ન્યૂઝીલેન્ડમાં દ્વિપક્ષીય શ્રેણીમાં સૌથી વધુ દર્શકોની હાજરીનો રેકોર્ડ 2019માં નોંધાયો હતો, જ્યારે ઇડન પાર્કમાં ભારત સામે બ્લેકકેપ્સ અને વ્હાઇટ ફર્ન્સના ડબલહેડર મુકાબલાને જોવા માટે 36,523 દર્શકો ઉપસ્થિત રહ્યા હતા. હવે શુક્રવારે આ જૂનો રેકોર્ડ પાછળ છૂટી જશે. ઇડન પાર્કમાં અત્યાર સુધી માત્ર બે આંતરરાષ્ટ્રીય મેચોમાં જ 40 હજારથી વધુ પ્રેક્ષકો નોંધાયા છે.

Also Read

Janhvi Kapoor In Koffee : જાહ્નવી કપૂર માટે શિખરનો પ્રેમ જોઈ ફેન્સ ભાવુક! શ્રીદેવીના નિધન બાદ બધું છોડીને લંડનથી મુંબઈ આવી ગયો!

ઇડન પાર્કના ઐતિહાસિક મુકાબલાઓ
પ્રથમ વખત 2015 વન-ડે વર્લ્ડ કપની સેમિફાઇનલમાં ગ્રાન્ટ ઇલિયટના યાદગાર છગ્ગાની મદદથી ન્યૂઝીલેન્ડે દક્ષિણ આફ્રિકાને હરાવી ફાઇનલમાં પ્રવેશ કર્યો ત્યારે આશરે 41 હજાર દર્શકો ઉપસ્થિત હતા. બીજો પ્રસંગ 1982માં નોંધાયો હતો,

જ્યારે ન્યૂઝીલેન્ડ અને ઓસ્ટ્રેલિયા વચ્ચેના વનડે મુકાબલામાં અંદાજે 42 હજાર પ્રશંસકો હાજર હતા. રિચર્ડ હેડલી, જોન રાઇટ અને માર્ટિન ક્રો જેવા દિગ્ગજોની ટીમે તે મેચ 46 રને જીતી લીધી હતી.

ટિકિટોની રેકોર્ડબ્રેક માંગ અને ઉત્સાહ
ન્યૂઝીલેન્ડ ક્રિકેટ બોર્ડના જણાવ્યા અનુસાર ભારતના વર્તમાન ન્યૂઝીલેન્ડ પ્રવાસ માટે અત્યાર સુધીમાં કુલ 1.26 લાખથી વધુ ટિકિટો વેચાઈ ચૂકી છે, જેમાંથી એકલા T-20 સીરીઝ માટે જ 71 હજાર ટિકિટો ખરીદવામાં આવી છે. બોર્ડના ચીફ માર્કેટિંગ એન્ડ કોમર્શિયલ ઓફિસર ગ્લેન ક્રિચલીએ જણાવ્યું હતું કે, ટિકિટોની માંગ ધારણા કરતાં ઘણી વધારે રહી છે અને ઇડન પાર્કમાં દર્શકોથી ખીચોખીચ ભરેલું સ્ટેડિયમ બંને ટીમોના ખેલાડીઓ માટે રોમાંચક અનુભવ પૂરો પાડશે.