Mumbai Indiansની મોટી હાર બાદ Hardik Pandya ગુસ્સે! બેટ્સમેનને લગાવ્યો ઠપકો

મુંબઈ ઇન્ડિયન્સને IPL 2026માં સતત પાંચમી હારનો સામનો કરવો પડ્યો છે. તેનાથી નારાજ કૅપ્ટન હાર્દિક પંડ્યાએ પોતાના બેટ્સમેનોને ખૂબ ઠપકો આપ્યો છે. પંડ્યાએ કહ્યું કે, “પાવરપ્લેમાં વહેલા વિકેટો ગુમાવ્યા પછી અમે મેચમાં રહી જ શક્યા નહીં.” ગુરુવારે વાનખેડે સ્ટેડિયમમાં રમાયેલા IPL 2026ના 33મા મેચમાં ચેન્નઈ સુપર કિંગ્સે મુંબઈ ઇન્ડિયન્સને 103 રનથી હરાવ્યું હતું.

ચેન્નઈની મુંબઈ સામે રનના અંતરે IPLમાં આ સૌથી મોટી જીત હતી. વાનખેડે સ્ટેડિયમ પર રમાયેલી આ મેચમાં CSKએ પહેલા બેટિંગ કરી અને સંજુ સેમસન (101*)ની સદીના જોરે નિર્ધારિત 20 ઓવરમાં 6 વિકેટ ગુમાવીને 207 રન બનાવ્યા. જવાબમાં મુંબઈ ઇન્ડિયન્સની ટીમ 19 ઓવરમાં 104 રન પર ઓલઆઉટ થઈ ગઈ. સંજુને તેમની શાનદાર સદી માટે પ્લેયર ઑફ ધ મેચ પસંદ કરવામાં આવ્યા.

હાર્દિક પંડ્યાએ શું કહ્યું?
મુંબઈની આ ચાલુ IPLમાં સતત પાંચમી હાર હતી. તેનાથી નારાજ હાર્દિક પંડ્યાએ મેચ બાદ કહ્યું, “પાવરપ્લેમાં વહેલી વિકેટો ગુમાવી દેવાથી મેચ હંમેશા મુશ્કેલ બની જાય છે. અમે આ પછી સંભળી શક્યા નહીં. અમારે વધુ સારી બેટિંગ કરવી જોઈતી હતી.” પંડ્યાએ આગળ કહ્યું, “CSKના બેટ્સમેનોએ પણ આ જ પિચ પર બેટિંગ કરી હતી.

Also Read

Chennai Super Kingsને મોટો ઝટકો! આયુષ મ્હાત્રે ઈજાથી આખી સીઝન બહાર, ઉર્વિલ પટેલ મળશે તક?

સંજુએ શાનદાર ઇનિંગ્સ રમી અને તેમના બેટ્સમેનોએ પણ સારું યોગદાન આપ્યું. લક્ષ્યનો પીછો કરવા માટે જરૂરી હતું કે પાવરપ્લે સારું હોય અને લય જાળવાય રહે, પણ એ થઈ શક્યું નહીં. ટીમમાં બદલાવ અંગે વાત કરીશું અને જોઈએ કે આગળ શું થાય છે.”

Also Read

43°C પાર જશે તાપમાન! Ahmedabad સહિત Gujaratમાં ગરમીનો તાંડવ

પોઈન્ટ્સ ટેબલનો હાલ
ધ્યાન રહે કે ચેન્નઈ સુપર કિંગ્સે મુંબઈને મોટા અંતરથી હરાવીને ચાલુ IPLમાં પોતાની ત્રીજી જીત મેળવી છે. CSK હવે 7 મેચમાં 3 જીત સાથે પોઈન્ટ્સ ટેબલમાં પાંચમા સ્થાને પહોંચી ગઈ છે. બીજી તરફ, મુંબઈને સતત પાંચમી હારનો સમયનો કરવો પડ્યો અને તે આઠમા સ્થાને સરકી ગઈ છે.