Road Safety : રોડ સેફ્ટીમાં મોટો ફેરફાર! 1 ઓક્ટોબર 2028થી વાહનોમાં V2V બ્રેકિંગ સિસ્ટમ ફરજિયાત, ખતરો જણાતાં આપમેળે લાગશે બ્રેક

V2V ટેક્નોલોજીનો મુખ્ય હેતુ રસ્તા પર એકબીજાની નજીક આવેલા વાહનો વચ્ચે સુરક્ષા સંબંધિત માહિતીનું આદાનપ્રદાન કરવાનો છે. સિસ્ટમ વાહનની આસપાસ રહેલા અન્ય વાહનોને ઓળખીને સંભવિત અથડામણનું જોખમ સર્જાય ત્યારે ડ્રાઇવરને એલર્ટ આપી શકે છે.

આ ટેક્નોલોજીમાં વાહનના સેન્સર, કેમેરા અને અન્ય સુરક્ષા સિસ્ટમનો ઉપયોગ કરવામાં આવે છે. જો ડ્રાઇવર સમયસર પ્રતિક્રિયા ન આપે અને અથડામણનો ખતરો ગંભીર બને, તો સિસ્ટમ ઇમરજન્સી બ્રેકિંગમાં પણ મદદ કરી શકે છે.

300 મીટર સુધીના અંતરથી વાહનની જાણકારી
પ્રસ્તાવિત સિસ્ટમની ખાસિયત તેની આસપાસના વાહનોને ઓળખવાની ક્ષમતા છે. દાવો કરવામાં આવી રહ્યો છે કે V2V સિસ્ટમ આશરે 300 મીટર સુધીના અંતરમાં રહેલા વાહનો અંગે માહિતી મેળવી શકે છે.

Also Read

Meta Kids Safety Case : બાળકોના માનસિક સ્વાસ્થ્યને નુકસાન પહોંચાડવાનો આરોપ? Meta પર ₹9,030 કરોડનો દંડ, મુશ્કેલીમાં માર્ક ઝુકરબર્ગ!

અકસ્મિક રીતે વાહન નજીક આવી જાય અથવા અથડામણનું જોખમ ઊભું થાય ત્યારે ડ્રાઇવરને ચેતવણી આપવામાં આવશે. ડ્રાઇવર સમયસર પગલું ન ભરે તો ઇમરજન્સી સ્થિતિમાં ઓટોમેટિક બ્રેકિંગ સક્રિય થઈ શકે છે.

Also Read

તહેવારો પહેલાં મોંઘવારીનો માર! સિંગતેલના ડબ્બાના ભાવ ₹3,000ને પાર જવાની સંભાવનાથી ગ્રાહકો ચિંતામાં

ધુમ્મસ અને જોખમી વળાંકોમાં પણ મદદરૂપ
શિયાળામાં ધુમ્મસના કારણે વિઝિબિલિટી ઓછી થઈ જાય અથવા પહાડી રસ્તાઓ પર તીવ્ર વળાંકને કારણે સામેનું વાહન મોડું દેખાય તેવી સ્થિતિમાં આવી ટેક્નોલોજી ઉપયોગી સાબિત થઈ શકે છે. ખાસ કરીને અચાનક સામે આવતા વાહનને કારણે થતા અકસ્માતોનું જોખમ ઘટાડવામાં તે મદદ કરી શકે છે.

ADAS કરતાં કેવી રીતે અલગ છે V2V?
હાલમાં ઘણી પ્રીમિયમ કારમાં ADAS (Advanced Driver Assistance System) જેવી સુરક્ષા સુવિધાઓ ઉપલબ્ધ છે. ADASમાં કેમેરા અને રડાર જેવા સેન્સરની મદદથી વાહનની આસપાસની સ્થિતિનું નિરીક્ષણ કરવામાં આવે છે.

જ્યારે V2V ટેક્નોલોજીનો મુખ્ય ઉદ્દેશ વાહનો વચ્ચે સુરક્ષા સંબંધિત માહિતીનું સીધું આદાનપ્રદાન કરવાનો છે. એટલે કે, બંને ટેક્નોલોજીનો હેતુ અકસ્માતનું જોખમ ઘટાડવાનો છે, પરંતુ તેમની કાર્યપદ્ધતિ અલગ છે.

ટેક્નોલોજીની કિંમત કેટલી હશે?
રોડ સેફ્ટી અને ઓટોમોબાઈલ ક્ષેત્ર સાથે જોડાયેલા નિષ્ણાતોના અંદાજ મુજબ V2V સંબંધિત સિસ્ટમની કિંમત આશરે ₹4,000થી ₹7,500ની વચ્ચે હોઈ શકે છે. જોકે, વાસ્તવિક કિંમત વાહનના મોડલ, સિસ્ટમની ટેક્નોલોજી અને ઉત્પાદક કંપની પ્રમાણે અલગ હોઈ શકે છે.

જૂના વાહનો સૌથી મોટો પડકાર
નવી સિસ્ટમના અમલીકરણમાં સૌથી મોટો પડકાર રસ્તા પર પહેલેથી દોડી રહેલા જૂના વાહનોનો છે. નવા વાહનોમાં આ ટેક્નોલોજી ફેક્ટરી લેવલથી જ સામેલ કરી શકાય છે, પરંતુ જૂના વાહનોમાં તેને રેટ્રોફિટ કરવું તકનીકી અને ખર્ચાળ બની શકે છે. સરકાર અને ઓટોમોબાઈલ ક્ષેત્ર સામે હવે એ પ્રશ્ન પણ મહત્વનો રહેશે કે જૂના વાહનોમાં આવી સુરક્ષા ટેક્નોલોજી કેવી રીતે લાગુ કરી શકાય.