અમદાવાદમાં 18 વર્ષીય યુવતીને ગાડીમાં ઉઠાવી જઇને સામૂહિક દુષ્કર્મની ઘટનાથી ચકચાર | saraspur 18 year old woman blackmailed abducted nikol hotel

Ahmedabad News: શહેરના સરસપુર વિસ્તારમાં રહેતી 18 વર્ષની એક યુવતી પર બે શખ્સો દ્વારા બ્લેકમેલિંગ, અપહરણ અને અવારનવાર સામૂહિક દુષ્કર્મ આચરવામાં આવ્યું હોવાની હૃદયદ્રાવક ઘટના પ્રકાશમાં આવી છે. યુવતીના અન્ય એક યુવક સાથેના પ્રેમ સંબંધની વિગતો તેના માતા-પિતાને કહી દેવાની અને પરિવારના સભ્યોને જાનથી મારી નાખવાની ધમકી આપીને આ કૃત્ય આચરવામાં આવ્યું હતું. પીડિતાએ આ મામલે બે યુવકો સામે શહેરકોટડા પોલીસ સ્ટેશનમાં સત્તાવાર ફરિયાદ નોંધાવી છે.

Also Read

સનાથલ મર્ડર કેસમાં નવો વળાંક: મોડી રાત્રે આરોપીના ઘર પર હુમલાનો પ્રયાસ, કાર અને રિક્ષા સહિત 3 વાહનોને આગચંપી | ahmedabad sanathal village arson attempt murder accused house vehicles burnt

બે આરોપીઓ સામે ગુનો દાખલ

Also Read

IPL 2026: અય્યરની સેન્ચુરીના કારણે LSG સામે પંજાબની જીત, રોમાંચક બની પ્લેઓફની રેસ | lsg vs pbks ipl 2026 highlights shreyas iyer century punjab win

પીડિતાએ નોંધાવેલી ફરિયાદના આધારે પોલીસે મિત મકવાણા અને તેજસ નામના બે આરોપીઓ સામે ગુનો દાખલ કર્યો છે. પીડિતા અન્ય એક યુવક સાથે રિલેશનશિપમાં હતી અને તે અવારનવાર આરોપીઓ રહેતા હતા તે વિસ્તારમાં જતી હોવાથી આરોપીઓ તેનાથી વાકેફ થયા હતા. યુવતીએ જ્યારે આરોપીઓનો પ્રતિકાર કર્યો ત્યારે નરાધમોએ તેના પિતા અને ભાઈને જાનથી મારી નાખવાની ધમકી આપી હતી. આરોપીઓ યુવતીને બળજબરીપૂર્વક કારમાં બેસાડી અપહરણ કરી નિકોલની એક હોટેલમાં લઈ ગયા હતા, જ્યાં તેની પર વારાફરતી સામૂહિક દુષ્કર્મ આચર્યું હતું.

પાંચ મહિના પહેલા શરૂ થયો બ્લેકમેલિંગનો ખેલ

પોલીસના જણાવ્યા અનુસાર, આ સમગ્ર મામલો આશરે પાંચ મહિના પહેલા શરૂ થયો હતો. યુવતી જ્યારે પોતાના ઘરની નજીક હતી ત્યારે મિત મકવાણા અને તેજસ નામના બંને આરોપીઓ તેની પાસે આવ્યા હતા. તેમણે યુવતીને ધમકી આપી હતી કે, જો તે તેમની સાથે નહીં આવે, તો તેઓ તેના પ્રેમ સંબંધની તમામ માહિતી તેના માતા-પિતાને આપી દેશે. પરિવારમાં બદનામીના ડરે યુવતી મુંઝવણમાં મુકાઈ ગઈ હતી.

આ પણ વાંચો : અમદાવાદ: 1.66 કરોડની ચોરીના કેસમાં નવો વળાંક, મહિલા આરોપીનો પોલીસ પર સોનું-રૂપિયા પડાવ્યાનો ગંભીર આક્ષેપ

હોટેલમાં લઈ જઈ અવારનવાર ગુજાર્યો અત્યાચાર

જ્યારે યુવતીએ તેમની સાથે જવાનો ઈનકાર કર્યો, ત્યારે આરોપીઓએ ક્રૂરતાની હદ વટાવી તેના પિતા અને ભાઈને મારી નાખવાની ધમકી આપી હતી. ત્યારબાદ તેઓ યુવતીને કારમાં બેસાડીને નિકોલ વિસ્તારની એક હોટેલમાં લઈ ગયા હતા અને ત્યાં બંનેએ તેની પર સામૂહિક દુષ્કર્મ આચર્યું હતું. અત્યાચાર અહીં જ ન અટક્યો, આ ઘટનાના બે મહિના પછી એટલે કે આજથી આશરે ત્રણ મહિના પહેલા પણ આરોપીઓએ ફરીથી યુવતીને ગંભીર પરિણામો ભોગવવાની ધમકી આપીને ફરી એકવાર હોટેલમાં લઈ જઈ તેની પર અત્યાચાર ગુજાર્યો હતો.

પોલીસ સ્ટેશનમાં ફરિયાદ, તપાસ તેજ

નરાધમોના અસહ્ય ત્રાસ અને ધમકીઓથી કંટાળીને આખરે 18 વર્ષીય પીડિતાએ હિંમત ભેગી કરીને સમગ્ર ઘટનાની જાણ પરિવારને કરી હતી. ત્યારબાદ શહેરકોટડા પોલીસ સ્ટેશનમાં બંને આરોપીઓ વિરુદ્ધ દુષ્કર્મ અને અન્ય સંબંધિત કલમો હેઠળ ગુનો નોંધાવવામાં આવ્યો છે. પોલીસે પીડિતાની ફરિયાદના આધારે ગુનો નોંધીને આરોપીઓને ઝડપી પાડવા માટે આગળની તપાસના ચક્રો ગતિમાન કર્યા છે.