વડોદરામાં 15 દિવસમાં 15 કિલો ગાંજો મળ્યો,બસ ડેપો પર થી 4 કિલો ગાંજા સાથે ઝારખંડનો પેડલર પકડાયો | 15 kg marijuana recover from city within 15 days

વડોદરાઃ વડોદરા બસ ડેપો પરથી પોલીસે વધુ એક વખત ગાંજાનો જથ્થો ઝડપી પાડયો છે. સયાજીગંજ પોલીસે ચાર કિલો ગાંજા સાથે ઝારખંડના પેડલરને દબોચી લઇ રિમાન્ડ માટે તજવીજ હાથ ધરી છે.

વડોદરામાં છેલ્લા કેટલાક સમયથી દેશી અને હાઇબ્રિડ ગાંજો મળી આવવાના કેસો બની રહ્યા છે.પોલીસે છેલ્લા એક મહિનામાં આ પ્રકારના ચાર કેસમાં રતલામના સપ્લાયર સહિત ચાર જણાને ઝડપી પાડયા છે.

Also Read

સનાથલ મર્ડર કેસમાં નવો વળાંક: મોડી રાત્રે આરોપીના ઘર પર હુમલાનો પ્રયાસ, કાર અને રિક્ષા સહિત 3 વાહનોને આગચંપી | ahmedabad sanathal village arson attempt murder accused house vehicles burnt

ગયા સપ્તાહમાં પકડાયેલા રતલામનો સપ્લાયર મોહન નીનામા પણ ટ્રેનમાં ૧૦ કિલો ગાંજો લાવ્યો હોવાની વિગતો બહાર આવી હતી.આવી જ રીતે આજે બસ ડેપો પરથી પકડાયેલો ડ્રગ્સ  પેડલર પણ ટ્રેનમાં જ ગાંજાની ડિલિવરી પહોંચાડતો હતો.

Also Read

કાચા મકાનની દીવાલ પડતા ૭ વર્ષની બાળકી ચગદાઇ ગઇ | 7 year old girl crushed to death after wall of mud house falls

છાણી રેલવે સ્ટેશનેથી ગાંજાના થેલા લઇ ઉતરેલો પેડલર ભાવનગર જવા માટે વડોદરા એસટી ડેપો પર આવતાં જ સયાજીગંજ પોલીસે દબોચી લીધો હતો. પોલીસે તેના થેલામાંથી રૃ.૨ લાખ ઉપરાંતની કિંમતનો ચાર કિલો ગાંજો કબજે કર્યો હતો.

પીઆઇ સ્વપ્નિલ પંડયાએ પૂછપરછ કરતાં આરોપીનું નામ ઘનશ્યામ સિંઘ લક્ષ્મણસિંઘ ભોક્તા(પથેલ ગામ,ચતરા જિલ્લો, ઝારખંડ) હોવાનું ખૂલ્યું હતું અને ભાવનગરના રૃપા નામના એજન્ટને ગાંજો આપવા જઇ રહ્યો હોવાની માહિતી  બહાર આવી હતી.ડ્રગ પેડલરે અગાઉ પણ આવી રીતે ભાવનગરની બે ટ્રિપ મારી હતી.