યાત્રાધામ ચોટીલામાં બાંગ્લાદેશ કનેક્શનની આશંકાથી સાત શંકમંદોની સઘન પુછપરછ | Intensive interrogation of seven suspects in Chotila over suspicion of Bangladesh connection

– ‘ઓપરેશન ડેલ્ટા હન્ટ’ અંતર્ગત તપાસનો ધમધમાટ

– શંકાસ્પદ મોબાઈલ નંબરોના ડેટાના આધારે કોલ ડિટેલ્સ, વોટ્સએપ ચેટ અને ઇન્ટરનેશનલ ઓનલાઈન મની ટ્રાન્સફરના હિસાબોની ચકાસણી

Also Read

ઉમરાળાની ગરાસીયા શેરીના બંધ મકાનને તસ્કરોએ નિશાન બનાવ્યું | Smugglers target closed building on Garasia Street in Umaralala

– ચુડા પંથકમાં પરણેલી મહિલા પર પણ આંતરરાષ્ટ્રીય નાણાકીય વ્યવહારોની આશંકા

Also Read

‘ફક્ત AIની માહિતીના આધારે ચુકાદા-આદેશ ન આપી શકાય…’, સુપ્રીમ કોર્ટે ડ્રાફ્ટ જાહેર કર્યો | Judgments and orders cannot be given solely based on AI information

ચોટીલા: આંતરિક સુરક્ષા અને શંકાસ્પદ ગતિવિધિઓ પર નજર રાખવા માટે કડક આદેશ બાદ હાલ સમગ્ર ગુજરાતમાં ‘ઓપરેશન ડેલ્ટા હન્ટ’ અંતર્ગત એક વ્યાપક ઝુંબેશ ચલાવવામાં આવી રહી છે. આ હાઈ-પ્રોફાઈલ ઓપરેશન અંતર્ગત સુરેન્દ્રનગર જિલ્લાના ચોટીલા પંથકમાં બાંગ્લાદેશ સાથે આડકતરો કે સીધો સંપર્ક ધરાવતા હોવાની ગુપ્ત માહિતીના આધારે પોલીસે હાલ ૬ સ્થાનિક યુવાનો અને એક મહિલા સહિત કુલ સાત શંકાસ્પદોને રાઉન્ડ-અપ કરી ખાનગી રાહે સઘન પૂછપરછ શરૂ કરી છે.

મળતી વિગતો મુજબ, રાજ્યના ગૃહ વિભાગની ઉચ્ચ ટેકનિકલ અને ગુપ્તચર બ્રાન્ચો દ્વારા ચોટીલા પંથકના કેટલાક એવા મોબાઈલ નંબરો ટ્રેક કરવામાં આવ્યા હતા, જેમના દ્વારા ભૂતકાળમાં અથવા વર્તમાન સમયમાં બાંગ્લાદેશમાં નિયમિત વાતચીત થઈ હોય અથવા શંકાસ્પદ ઓનલાઈન નાણાકીય વ્યવહારો થયા હોય. આ સસ્પેક્ટેડ નંબરોની યાદી સ્થાનિક પોલીસને સોંપાતા જ ચોટીલા પોલીસે તાત્કાલિક એક્શનમાં આવી આ તમામ શંકાસ્પદ લોકોને ઉઠાવી લીધા હતા.

સૂત્રોના જણાવ્યા અનુસાર, પકડાયેલા તમામ યુવાનોના મોબાઈલ ફોન જપ્ત કરી લેવામાં આવ્યા છે. તેમના વોટ્સએપ ચેટ્સ, સોશિયલ મીડિયા એકાઉન્ટ્સ, ઇન્ટરનેશનલ કોલિંગ હિસ્ટ્રી તેમજ ગુગલ પે, ફોન પે કે અન્ય માધ્યમોથી થયેલા ઓનલાઈન પેમેન્ટ્સની ઝીણવટભરી તપાસ એજન્સીઓ દ્વારા કરવામાં આવી રહી છે. આ સમગ્ર નેટવર્કમાં ચોટીલા શહેરની નજીકના વિસ્તારમાં રહેતી એક મહિલા પણ પોલીસના મજબૂત શંકાના દાયરામાં છે. 

પ્રાથમિક વિગતો મુજબ આ મહિલા કલકતાથી આવેલ હોવાનું તેમજ તેના લગ્ન ચુડા વિસ્તારના યુવક સાથે થયેલા હોવાનું અને બંન્ને મોટી વાડી વિસ્તારમાં રહેતા હતા. મહિલા અને તેની સાથે સંકળાયેલા લોકો તેમજ આશંકા જનક વ્યક્તિઓના બેંક એકાઉન્ટ અથવા ડિજિટલ વોલેટમાંથી બાંગ્લાદેશના કોઈ અજાણ્યા ખાતામાં ઓનલાઈન નાણાં ટ્રાન્સફર થયા હોવાની આશંકા સેવાઈ રહી છે, જે દિશામાં હાલ પોલીસ અને સાયબર સેલની ટીમો તપાસ ચલાવી રહી છે.

– મોટા આંતરરાષ્ટ્રીય રેકેટનો પર્દાફાશ થવાની સંભાવના

ચકચારી ઓપરેશનને પગલે સમગ્ર સુરેન્દ્રનગર જિલ્લામાં ખાસ કરીને શંકાસ્પદ પ્રવૃત્તિઓ સાથે સંકળાયેલા તત્વોમાં ભારે ફફડાટ વ્યાપી ગયો છે. સુરક્ષાના કારણોસર પોલીસ હાલ આ મામલે સત્તાવાર રીતે વિગતો જાહેર કરવાનું ટાળી રહી છે, પરંતુ આગામી સમયમાં કોઈ મોટા આંતરરાષ્ટ્રીય રેકેટનો પર્દાફાશ થાય તો નવાઈ નહીં.