વાયદા બજારમાં કડાકો : સોનું એકઝાટકે 2500થી વધુ તૂટી દોઢ લાખની નીચે, ચાંદીમાં 4500નો ઘટાડો | MCX Gold & Silver Price Crash: Gold Drops to ₹1 50 Lakh

MCX Gold & Silver Price Crash: વૈશ્વિક પરિસ્થિતિઓ અને મિડલ ઈસ્ટમાં વધી રહેલા ભૌગોલિક-રાજકીય તણાવ વચ્ચે ભારતીય કોમોડિટી માર્કેટ એટલે કે એમસીએક્સ (MCX) પર સોના અને ચાંદીના ભાવમાં મોટું ગાબડું પડ્યું છે. છેલ્લા કેટલાક સમયથી સતત નવી ઊંચાઈ સર કરી રહેલા સોના અને ચાંદીમાં આજે જોરદાર વેચવાલી જોવા મળી રહી છે, જેના કારણે બંને કિંમતી ધાતુઓના ભાવ તળિયે બેસી ગયા છે.

સોનામાં ₹2,500 થી વધુનો ઘટાડો

Also Read

સેન્સેકસમાં 1695, નિફટીમાં 461 પોઇન્ટનો ઉછાળો

સોનામાં આજે જોરદાર કડાકો જોવા મળ્યો. લાંબા સમય બાદ આજે સોનું એકઝાટકે 2500 રૂપિયાથી વધુ તૂટીને દોઢ લાખથી સપાટી ગુમાવી બેઠું હતું. જોકે ટ્રેડિંગ દરમિયાન ફરી એકવાર તે દોઢ લાખને પાર હાલમાં ટ્રેડ કરી રહ્યો છે. 

Also Read

લગ્ન બાદ પુરુષોમાં આત્મહત્યાના બનાવ વધ્યા, લગ્નેતર સંબંધો મોટું કારણ, NCRBના ડેટામાં ખુલાસો | NCRB Report Alarming Rise in Self Destruction Among Married Men Due to Disputes

જૂનો બંધ ભાવ (Prev. Close): સોનું અગાઉના સત્રમાં ₹1,52,443.00 ના સ્તર પર બંધ થયું હતું.

નવો ઓપન ભાવ (Open): આજે બજાર ખુલતાની સાથે જ સોનું જોરદાર કડાકા સાથે ₹1,49,926.00 પર ઓપન થયું હતું, એટલે કે તે સીધું ₹1.50 લાખની માનસિક સપાટીની નીચે સરકી ગયું હતું.

સમાચાર લખાવા સુધી: બજાર ખુલ્યા બાદ સોનામાં સામાન્ય સુધારો જોવા મળ્યો છે અને હાલમાં તે ₹1,50,118.00 ની સપાટી પર ટ્રેડ થઈ રહ્યો છે. જો કે, અગાઉના બંધ ભાવની સરખામણીએ તે હજી પણ ₹2,325.00 (1.53%) ના પ્રચંડ ઘટાડા સાથે લાલ નિશાન પર કારોબાર કરી રહ્યું છે. ટ્રેડિંગ દરમિયાન સોનાએ ₹1,49,888.00 નો લો (Low) અને ₹1,50,500.00 નો હાઈ (High) બનાવ્યો છે. સોનું આજે કુલ 2555નો કડાકો બતાવી ચૂક્યો છે. 

ચાંદી પણ ₹4500 થી વધુ તૂટી

બીજી તરફ, ચાંદીના વાયદા બજારમાં પણ ભારે ધોવાણ જોવા મળ્યું છે. ચાંદીમાં આજે કુલ 4528 રૂપિયા સુધી એકઝાટકે તૂટી હતી. જોકે પછીથી રિકવરી બતાવતા તે 1800 રૂપિયા જેટલી રિકવર થઇ હતી. 

જૂનો બંધ ભાવ (Prev. Close): ચાંદી અગાઉના ટ્રેડિંગ સેશનમાં ₹2,38,528.00 ના સ્તરે બંધ થઈ હતી.

નવો ઓપન ભાવ (Open): આજે બજાર ઓપન થતાની સાથે જ ચાંદી સીધી ₹2,34,009.00 ના ભાવે ખુલી હતી. ઓપનિંગમાં જ ચાંદીના ભાવમાં ₹4,528 નો મસમોટો કડાકો જોવા મળ્યો હતો.

સમાચાર લખાવા સુધી: શરૂઆતી તૂટ્યા બાદ ચાંદીમાં પણ નીચલા સ્તરેથી થોડી રિકવરી આવી છે. હાલમાં ચાંદી વાયદા બજારમાં ₹2,35,797.00 પર ટ્રેડ થઈ રહી છે. આમ છતાં, શુક્રવાર/અગાઉના બંધ ભાવની સરખામણીએ તે ₹2,731.00 (1.14%) ના મોટા ઘટાડા સાથે ચાલી રહી છે. આજના સત્રમાં ચાંદીનો લઘુત્તમ ભાવ ₹2,34,000.00 અને મહત્તમ ભાવ ₹2,36,060.00 નોંધાયો છે.

બજારના નિષ્ણાતોના મતે, આંતરરાષ્ટ્રીય સ્તરે ઊભી થયેલી અનિશ્ચિતતા, ઈરાન અને ઈઝરાયલ તથા અમેરિકા વચ્ચે ફરી યુદ્ધ જેવી સ્થિતિ ઊભી થતા અને નફાખોરી (Profit Booking) ના કારણે બજારમાં આ પરિસ્થિતિ સર્જાઈ છે, જેના લીધે લાંબા ગાળાના રોકાણકારો માટે નીચલા ભાવે ખરીદી કરવાની નવી તક પણ ઊભી થઈ શકે છે.