Monsoon 2026 : મહેસાણાના કડીમાં વહેલી સવારે માત્ર 2 જ કલાકમાં 9 ઇંચ ધોધમાર વરસાદ, અનેક વિસ્તાર જળમગ્ન | Gujarat News

ઉત્તર ગુજરાતના મહેસાણા જિલ્લામાં મેઘરાજાએ મધ્યરાત્રિએ રૌદ્ર સ્વરૂપ ધારણ કર્યું છે. મહેસાણાના કડી પંથકમાં રાત્રિ દરમિયાન એવો ધોધમાર વરસાદ ખાબક્યો કે સમગ્ર પંથક પાણી-પાણી થઈ ગયો છે. કડીમાં રાત્રે 2 થી 4 વાગ્યાના માત્ર બે જ કલાકના ટૂંકા સમયગાળામાં 225 મીમી એટલે કે અંદાજે 9 ઇંચ જેટલો મુશળધાર વરસાદ ઝીંકાતા આભ ફાટ્યું હોય તેવી સ્થિતિ સર્જાઈ છે. અચાનક તૂટી પડેલા આ પ્રચંડ વરસાદને કારણે સ્થાનિક લોકોમાં ભારે દોડધામ મચી ગઈ હતી.

નીચાણવાળા વિસ્તારો અને મુખ્ય માર્ગો નદીઓમાં ફેરવાઈ ગયા

Also Read

Monsoon 2026 : ગીર સોમનાથના સુત્રાપાડામાં 24 કલાકમાં 13 ઇંચ વરસાદ, ખેતરો બેટમાં ફેરવાયા અને મુખ્ય માર્ગો બંધ | Gujarat News

માત્ર બે કલાકમાં 9 ઇંચ વરસાદ ખાબકવાને કારણે કડી શહેરના નીચાણવાળા વિસ્તારો અને મુખ્ય માર્ગો નદીઓમાં ફેરવાઈ ગયા હતા. ખાસ કરીને કડીના કરણનગર રોડ પર અને આસપાસની રહેણાંક સોસાયટીઓમાં ઘૂંટણસમા પાણી ભરાઈ ગયા હતા. સોસાયટીઓમાં પાણી ભરાવાના કારણે પાર્ક કરેલા વાહનો ડૂબી ગયા હતા અને રાત્રિના સમયે જ લોકોના ઘરોમાં પાણી ઘૂસવાની શરૂઆત થઈ ગઈ હતી, જેના લીધે સ્થાનિકો ભારે મુશ્કેલીમાં મુકાયા હતા.

Also Read

Weather Update: ઉત્તર પ્રદેશ, બિહાર સહિત 16 રાજ્યોમાં ભારે વરસાદનું એલર્ટ, વરસાદી માહોલ જામ્યો, Video | Gujarat News

ગાયત્રી મંદિર વિસ્તાર પણ સંપૂર્ણપણે પાણીમાં ગરકાવ 

આ ઉપરાંત કડીનો પ્રખ્યાત ગાયત્રી મંદિર વિસ્તાર પણ સંપૂર્ણપણે પાણીમાં ગરકાવ થઈ ગયો છે. આખો ગાયત્રી મંદિર વિસ્તાર જળબંબાકાર થતાં વાહનવ્યવહાર ઠપ થઈ ગયો છે. રાત્રિ દરમિયાન ખાબકેલા આ આકાશી આફત જેવા વરસાદે નગરપાલિકાની પ્રી-મોન્સૂન કામગીરીના દાવાઓની પોલ ખોલી નાખી છે. વહેલી સવારથી જ તંત્ર દ્વારા પાણીના નિકાલ માટેની કામગીરી શરૂ કરવામાં આવી છે, પરંતુ પાણીનું સ્તર ઊંચું હોવાના કારણે લોકોને હાલાકી વેઠવી પડી રહી છે.

આ પણ વાંચો—-    Monsoon 2026 : વલસાડમાં સવાર-સવારમાં જ મેઘરાજાની જોરદાર બેટિંગ, મૂશળધાર વરસાદથી આખું શહેર બેટમાં ફેરવાયું