ઇંગ્લેન્ડ સામે વનડે સિરીઝમાં ભારતની નિરાશાજનક હાર બાદ હવે ટીમમાં મોટા ફેરફારની ચર્ચા શરૂ થઈ છે. સિરીઝ દરમિયાન તક મળવા છતાં કેટલાક ખેલાડીઓ અપેક્ષા મુજબનું પ્રદર્શન કરી શક્યા નહોતા. આવી સ્થિતિમાં આગામી વનડે શ્રેણી પહેલાં પાંચ ખેલાડીઓનું સ્થાન જોખમમાં હોવાનું માનવામાં આવી રહ્યું છે.
ગુરનૂર બ્રારનો મોંઘો સ્પેલ
ગુરનૂર બ્રારે સિરીઝમાં 3 મેચમાં 4 વિકેટ લીધી હતી, પરંતુ લોર્ડ્સમાં તેણે 10 ઓવરમાં 97 રન આપ્યા અને એક પણ વિકેટ મેળવી શક્યો નહોતો. લોર્ડ્સમાં કોઈ ભારતીય બોલરનો આ સૌથી મોંઘો સ્પેલ બન્યો છે.
વૉશિંગ્ટન સુંદર નિરાશાજનક
વૉશિંગ્ટન સુંદર બેટિંગ અને બોલિંગ બંનેમાં અસરકારક સાબિત થયો નહીં. ઈજાના કારણે સિરીઝ દરમિયાન બહાર થવું પણ તેના માટે મોટો ઝટકો બન્યું છે. ખરાબ ફોર્મ અને ફિટનેસને કારણે તેનું સ્થાન જોખમમાં છે.
ઈશાન કિશન તકનો લાભ લઈ શક્યો નહીં
બેકઅપ વિકેટકીપર તરીકે તક મળ્યા બાદ ઈશાન કિશને બે મેચમાં માત્ર 15 રન જ બનાવ્યા. સતત નિષ્ફળતા બાદ આગામી ટીમમાં તેની પસંદગી મુશ્કેલ બની શકે છે.
શિવમ દુબે બેટિંગમાં ફ્લોપ
ઓલરાઉન્ડર શિવમ દુબેએ બે મેચમાં બોલિંગથી 2 વિકેટ લીધી હતી, પરંતુ બેટિંગમાં ખાતું પણ ખોલી શક્યો નહોતો. શૂન્ય રન સાથે સિરીઝ પૂરી કરવાથી તેની ઉપયોગિતા પર સવાલ ઊભા થયા છે.
પ્રિન્સ યાદવની નિરાશાજનક શરૂઆત
ડેબ્યૂ મેચમાં પ્રિન્સ યાદવે 10 ઓવરમાં 79 રન આપ્યા અને ખાસ અસર પાડી શક્યો નહોતો. એક જ મેચ બાદ આગામી વનડે શ્રેણી માટે તેનું સ્થાન પણ અનિશ્ચિત માનવામાં આવી રહ્યું છે.
Follow Us On Google News
Follow Us On WhatsApp
Follow Us On facebook
Leave a Comment