LPG e-KYC : શું 16 ઓગસ્ટ બાદ LPG સિલિન્ડર અને સબસિડી બંધ થઈ જશે? ગ્રાહકોએ સમયસર કરવું પડશે આ કામ!

ઓઇલ કંપનીઓના જણાવ્યા મુજબ તમામ ઘરેલુ LPG ગ્રાહકો માટે આધાર આધારિત e-KYC પ્રક્રિયા પૂર્ણ કરવી જરૂરી છે. આ ચકાસણીનો હેતુ સાચા લાભાર્થીઓની ઓળખ સુનિશ્ચિત કરવાનો અને સરકારી યોજનાઓનો લાભ યોગ્ય વ્યક્તિ સુધી પહોંચાડવાનો છે. જો સમયસર e-KYC પૂર્ણ નહીં થાય તો ગ્રાહકોને ગેસ પુરવઠો અને સબસિડી સંબંધિત મુશ્કેલીઓનો સામનો કરવો પડી શકે છે.

હાલ ઘરેલુ LPG સિલિન્ડરના ભાવ કેટલા છે?
1 ઓગસ્ટ, 2026થી 19 કિલોગ્રામના કોમર્શિયલ LPG સિલિન્ડરના ભાવમાં ઘટાડો કરવામાં આવ્યો હતો, જ્યારે 14.2 કિલોગ્રામના ઘરેલુ સિલિન્ડરના ભાવમાં કોઈ ફેરફાર કરવામાં આવ્યો નથી.

હાલ મુખ્ય શહેરોમાં ઘરેલુ LPG સિલિન્ડરના ભાવ આ પ્રમાણે છે:

Also Read

શું AI બની રહ્યું છે નોકરીઓ માટે ખતરો? VISAએ 2,600 કર્મચારીઓની છટણી કરી, 7% વર્કફોર્સ ઘટાડી

• દિલ્હી – ₹942
• કોલકાતા – ₹968
• મુંબઈ – ₹941.50
• ચેન્નાઈ – ₹957.50

ઉજ્જવલા યોજના પર પણ પડશે અસર
વર્ષ 2016માં શરૂ થયેલી પ્રધાનમંત્રી ઉજ્જવલા યોજના હેઠળ દેશના 10 કરોડથી વધુ પરિવારોને LPG કનેક્શન આપવામાં આવ્યા છે. આ યોજના હેઠળ લાભાર્થીઓને દર વર્ષે મળતા રિફિલ પર ₹300ની સબસિડી સીધી DBT (Direct Benefit Transfer) દ્વારા તેમના બેંક ખાતામાં જમા થાય છે. ઓઇલ કંપનીઓએ સ્પષ્ટ કર્યું છે, કે ઉજ્જવલા યોજના હેઠળના લાભાર્થીઓએ પણ 16 ઓગસ્ટ પહેલાં e-KYC પૂર્ણ કરાવવું જરૂરી છે. અન્યથા સબસિડી મેળવવામાં વિલંબ અથવા મુશ્કેલી સર્જાઈ શકે છે.

Also Read

Analog Paneer Health Risks : એનાલોગ પનીર સ્વાસ્થ્ય માટે કેમ જોખમી? અસલી-નકલી પનીર ઓળખવાની સરળ રીત જાણો

ઘરે બેઠા કેવી રીતે કરશો e-KYC?

ગ્રાહકો નીચેના વિકલ્પો દ્વારા સરળતાથી e-KYC પૂર્ણ કરી શકે છે:

• IndianOil One App દ્વારા ઘરે બેઠા ઓનલાઇન e-KYC.
• પોતાના LPG ડિસ્ટ્રિબ્યુટર (ગેસ એજન્સી)ની મુલાકાત લઈને.
• ગેસ સિલિન્ડર ડિલિવરી માટે આવતા ડિલિવરી બોયની મદદથી.

ઓઇલ કંપનીઓ ગ્રાહકોને સતત SMS દ્વારા યાદ અપાવી રહી છે કે અંતિમ તારીખ પહેલાં e-KYC પૂર્ણ કરી દેવામાં આવે, જેથી ભવિષ્યમાં ગેસ પુરવઠો અથવા સબસિડી સંબંધિત કોઈ મુશ્કેલી ન સર્જાય.