OMG! શુભમન ગિલે એક હાથે અદભુત કેચ પકડ્યો! ‘Superman Shubman’ બની સોશિયલ મીડિયાની ચર્ચા

શ્રીલંકાની પહેલી ઇનિંગ્સની 17મી ઓવર ચાલી રહી હતી. કુલદીપ યાદવે ઓફ સ્ટમ્પની બહાર ફુલર લેન્થનો બોલ ફેંક્યો હતો. કામિન્દુ મેન્ડિસ બોલની પીચ સુધી પહોંચ્યા વિના જ આગળ વધ્યા અને તેને એક્સ્ટ્રા કવરની દિશામાં રમવાનો પ્રયાસ કર્યો. શોટમાં વધારે તાકાત નહોતી,

પરંતુ બોલ એવી જગ્યાએ જઈ રહ્યો હતો જ્યાં સામાન્ય ફિલ્ડર માટે પહોંચવું મુશ્કેલ હતું. ગિલે એક ક્ષણ પણ ગુમાવ્યા વિના પોતાની ડાબી તરફ જોરદાર છલાંગ લગાવી હતી.

ગિલનું શરીર લગભગ જમીનની સમાંતર થઈ ગયું હતું. બોલ જમીનને અડવાથી માત્ર થોડા ઇંચ દૂર હતો ત્યારે ગિલે હવામાં જ ડાઇવ કરીને ડાબા હાથે કેચ ઝડપી લીધો હતો. જમીન પર પડ્યા બાદ પણ તેમના હાથમાંથી બોલ છૂટ્યો નહોતો. આ સમગ્ર કેચમાં ગિલની ચપળતા અને શાનદાર રિફ્લેક્સ જોવા મળ્યા હતા.

Also Read

‘કોમન સેન્સ ક્યાં ગયું?’ ઋષભ પંતના શોટ પર મોહમ્મદ કૈફ ભડક્યા, કહ્યું- નવી બોલ સામે આ ભૂલ ન કરવી જોઈએ

કામિન્દુ મેન્ડિસ 14 રને આઉટ
ગિલના આ અદભુત કેચને કારણે કુલદીપ યાદવને વિકેટ મળી હતી. કામિન્દુ મેન્ડિસ 25 બોલમાં 14 રન બનાવીને પેવેલિયન પરત ફર્યા હતા. શ્રીલંકાએ 59 રનના સ્કોર પર ચાર વિકેટ ગુમાવી દીધી હતી અને ભારતના પ્રથમ દાવના 462 રનના જવાબમાં શ્રીલંકાની ટીમ ભારે દબાણમાં જોવા મળી રહી હતી.

Also Read

દુનિયાનું સૌથી મોટું ઈલેક્ટ્રિક વિમાન પહેલીવાર આકાશમાં ઉડ્યું! માત્ર ₹400-₹500ના ખર્ચે 27 મિનિટની સફળ ટેસ્ટ ફ્લાઇટ

સોશિયલ મીડિયામાં ગિલ બન્યો ‘Superman Shubman’
કેપ્ટન તરીકે ગિલ માટે આ કેચ ખાસ રહ્યો હતો. તેમણે સ્લિપ કે વિકેટ પાછળ ઊભા રહીને સરળ તક ઝડપી નહોતી, પરંતુ મેદાનમાં મુશ્કેલ પોઝિશન પરથી લગભગ અશક્ય લાગતો કેચ પોતાના નામે કર્યો હતો.

ગિલનો કેચ સામે આવ્યા બાદ સોશિયલ મીડિયા પર ચાહકોએ તેને ‘Superman Shubman’ નામ આપ્યું હતું. હવામાં ઉડતું શરીર, બોલ પર સ્થિર નજર અને છેલ્લી ક્ષણ સુધી બોલ પર જળવાયેલી પકડે આ કેચને મેચની સૌથી યાદગાર ક્ષણોમાંથી એક બનાવી દીધો હતો.