પેટ્રોલ ભરાવતા પહેલા ખિસ્સામાં રોકડ રાખજો! MPમાં ₹2,000થી વધુના બિલ પર UPI બંધ કરવાની જાહેરાત, જાણો કારણ

મધ્ય પ્રદેશ પેટ્રોલ પંપ ડીલર્સ એસોસિએશનના જણાવ્યા મુજબ, 16 ઓક્ટોબરથી ₹2,000થી વધુના ઈંધણ બિલની ચુકવણી UPI મારફતે સ્વીકારવામાં આવશે નહીં. આવા પેમેન્ટ માટે ગ્રાહકોએ રોકડનો ઉપયોગ કરવો પડશે. જોકે, ડેબિટ અને ક્રેડિટ કાર્ડથી ચુકવણી ચાલુ રહેશે. રાજ્યમાં આશરે 4,700 પેટ્રોલ પંપ પર આ નિર્ણય લાગુ થવાનો અહેવાલ છે.

પેટ્રોલ-ડીઝલ પર કેટલો MDR લાગશે?
NPCIની નવી વ્યવસ્થા 15 ઓક્ટોબર 2026થી લાગુ થવાની છે. સામાન્ય મર્ચન્ટ UPI પેમેન્ટમાં ₹2,000થી વધુની રકમ પર 0.4% MDR લાગશે, પરંતુ ફ્યુઅલ, રેલવે, ટેલિકોમ અને વીમા જેવી ચોક્કસ કેટેગરી માટે ₹2,000થી વધુના પેમેન્ટ પર ₹5નો ફ્લેટ MDR નક્કી કરવામાં આવ્યો છે. આ ચાર્જ ગ્રાહક પાસેથી અલગથી વસૂલવાનો નથી; MDR વેપારી તરફથી ચૂકવવાનો છે.

ડીલર્સને દર મહિને ₹17,700 સુધીના ખર્ચની ચિંતા
મધ્ય પ્રદેશના પેટ્રોલ પંપ ડીલર્સનું કહેવું છે કે પેટ્રોલ-ડીઝલના વેચાણમાં માર્જિન પહેલેથી જ ઓછું છે. અહેવાલ મુજબ, એક પેટ્રોલ પંપ પર દરરોજ આશરે 100 જેટલા UPI ટ્રાન્ઝેક્શન થાય તો ₹5ના MDR સાથે 18% GSTનો ખર્ચ મળીને પ્રતિ ટ્રાન્ઝેક્શન આશરે ₹5.90નો ખર્ચ થઈ શકે છે. આ પ્રમાણે એક પંપ પર મહિનાનો વધારાનો ખર્ચ આશરે ₹17,700 સુધી પહોંચી શકે છે.

Also Read

15 વર્ષથી નાના બાળકોના પાસપોર્ટ માટે નવો નિયમ! જાણો શું બદલાયું અને વાલીઓએ શું કરવું પડશે

મોટા પેમેન્ટ પર પણ ચાર્જની મર્યાદા
નવા MDR માળખા હેઠળ સામાન્ય મર્ચન્ટ કેટેગરીમાં ₹2,000થી વધુના UPI પેમેન્ટ પર 0.4% MDR લાગશે અને તેની મહત્તમ મર્યાદા ₹300 રહેશે. એટલે ₹75,000 કે તેથી વધુના આવા ટ્રાન્ઝેક્શન પર MDR ₹300થી વધારે નહીં હોય. બીજી તરફ, ફ્યુઅલ જેવી નિર્ધારિત કેટેગરીમાં ₹2,000થી વધુના પેમેન્ટ માટે ફ્લેટ ₹5 MDR લાગુ થશે.

Also Read

બંગાળની ખાડીમાં ‘અર્નબ’નો ખતરો! 3 રાજ્યોમાં ભારે વરસાદની આગાહી, હવામાન વિભાગનું એલર્ટ