Weekend : શું તમે પણ માત્ર વીકએન્ડમાં જ કરો છો વર્કઆઉટ? જાણો અઠવાડિયામાં કેટલા દિવસ કસરત કરવી છે જરૂરી!

આ સ્થિતિમાં એક્સરસાઇઝ માટે સમય કાઢવો મુશ્કેલ બની જાય છે. ઘણા લોકો સોમવારથી શુક્રવાર સુધી બિલકુલ કસરત કરતા નથી અને શનિવાર તથા રવિવારે એકસાથે લાંબા સમય સુધી વર્કઆઉટ કરીને તેની ભરપાઈ કરવાનો પ્રયાસ કરે છે.

એક્સપર્ટ જણાવે છે કે, આ પ્રકારની દિનચર્યાને સામાન્ય રીતે ‘વીકએન્ડ વોરિયર’ એક્ટિવિટી કહેવામાં આવે છે. પરંતુ સવાલ એ છે કે શું વીકએન્ડની એક્સરસાઇઝ ખરેખર ફાયદાકારક છે અને હેલ્ધી હાર્ટ માટે કેટલું વર્કઆઉટ કરવું જરૂરી છે?

શું વીકએન્ડની એક્સરસાઇઝ ખરેખર ફાયદાકારક છે?
જો તમે સમગ્ર અઠવાડિયે દરરોજ કસરત નથી કરતા, તો વીકએન્ડ પર કરવામાં આવતી ફિઝિકલ એક્ટિવિટી કાંઈ જ ન કરવા કરતાં તો ચોક્કસપણે સારી છે. જોકે, તેનો અર્થ એ નથી કે અઠવાડિયાના બાકીના દિવસોમાં તમે ફક્ત બેસી જ રહો.

Also Read

માથાની ખંજવાળ-ચીકાશ કરશે પરેશાન? દાદી-નાનીના આ ઘરેલું ઉપાયો બની શકે મદદરૂપ, જાણો સરળ હેર કેર ટિપ્સ!

લાંબા સમય સુધી નિષ્ક્રિય રહ્યા પછી અચાનક ખૂબ જ ઝડપી અને ભારે વર્કઆઉટ કરવાથી સ્નાયુઓમાં ઈજા થવાનું જોખમ રહે છે અને કેટલાક લોકોમાં હૃદય પર અચાનક વધારાનું દબાણ પણ વધી શકે છે. આ જોખમથી બચવા માટે તમારે તમારી દૈનિક દિનચર્યામાં ઓછામાં ઓછી અડધા કલાકની વોકને ચોક્કસપણે સામેલ કરવી જોઈએ.

Also Read

Bank Strike ટળી! સરકારે માંગણીઓ સ્વીકારી કે માત્ર વાતચીત પર સહમતી? જાણો આખું કારણ

હેલ્ધી હાર્ટ માટે અઠવાડિયામાં કેટલા દિવસ વર્કઆઉટ કરવું જોઈએ?
એક સ્વસ્થ અને મજબૂત હૃદય માટે અઠવાડિયામાં ઓછામાં ઓછી 150 મિનિટ મધ્યમ તીવ્રતાવાળી એરોબિક ફિઝિકલ એક્ટિવિટી અથવા 75 મિનિટ તીવ્ર ગતિવાળી એક્ટિવિટી કરવાની ખાસ સલાહ આપવામાં આવે છે.

દરરોજ આશરે 30 મિનિટની બ્રિસ્ક વોક સૌથી સરળ અને શ્રેષ્ઠ વિકલ્પ સાબિત થાય છે. આ ઉપરાંત, અઠવાડિયામાં ઓછામાં બે દિવસ સ્નાયુઓને મજબૂત બનાવતી સ્ટ્રેન્થ ટ્રેનિંગ એક્સરસાઇઝનો પણ સમાવેશ કરવો જોઈએ. ઝડપથી ચાલવું, સીડીઓ ચડવી, સાયકલ ચલાવવી અને લાંબા સમય સુધી બેસી રહેવાના બદલે નાના-નાના એક્ટિવ બ્રેક લેવા એ રોજિંદી ફિઝિકલ એક્ટિવિટી વધારવામાં ખૂબ જ મદદરૂપ બને છે.

અઠવાડિયા દરમિયાન તમારા શરીરને રાખો એક્ટિવ
જો કોઈ વ્યક્તિ પાસે માત્ર શનિવાર અને રવિવારે જ સમય હોય, તો તેણે તે દિવસોમાં એક્સરસાઇઝ ચોક્કસ કરવી જોઈએ પરંતુ, ધીમે-ધીમે અઠવાડિયાના બાકીના દિવસોમાં પણ ટૂંકા સમયની ફિઝિકલ એક્ટિવિટી જોડવાનો પ્રયાસ કરવો અનિવાર્ય છે.

કારણ કે હૃદયની તંદુરસ્તી માટે સૌથી મહત્વપૂર્ણ બાબત નિયમિતપણે સક્રિય રહેવાની છે. માત્ર વીકએન્ડ પર જ કસરત કરવાના બદલે સમગ્ર સપ્તાહ દરમિયાન તમારા શરીરને ઊર્જાવાન અને એક્ટિવ રાખવું હૃદય માટે સૌથી શ્રેષ્ઠ છે.